الموضوع: رجاء من جميع الداتشاوية الدخول

رمضان كريم عليك

العربية ممتازة وهيا معايا بقالها سنة حالية اه صرفت عليها كتيير بس مكنتش فاهم والحمد لله فهمت فعرفت ان كل مصاريفها سهلة وبسيطة وكله تمام قطع الغيار موجودة ومتوفرة اهم حاجة اتأكد ان الماتور داتشيا نوفا مش رينو 9 قطع غيار الداتشيا اغلى شوية
وبعد كده اتاك\ انها نظيفة من جوة مفيش حوادث وكده وبعدة كده اتفرج عليها من تحت وشوف فيها خبط فيها حاجة لا ولا

بعد كده حالة الصالون شوف الحالة العامة وبص على التابلوه مشقق لان العادى بتاع العربية يكون التابلوه مشقق وبعد كده بص على الشنطة وفيها فوارق ولا لأ

بعد كده دور العربية ودوس بنزين جامد واتفرج على شمكان العربية فى دخان ابيض ولا لأ وبعد كده اسمع صوته صوته ناعم وحلو لا عامل زى الموتوسيكل وبعد كده شد مقاس الزيت وشوفه مبيض ولا اسود ولا بنى

وبعد كل ده جرب العدادات كلها وشوفها شغالة ولا لأ

وبعد كده فرجها على سمكرى بيفهم فى الداتشيا يكون اشتغل فيها علشان بعيد عنك الغباء مستحكم عن الصنايعية يشوفها من فوق ومن تحت والكبوت اهم حاجة والابواب والعربية من حالة السمكرة

وبعد كده ميكانيكى فاهم يبص على الماتور

وادى دقنى لو الراجل استحمل كل ده :) اتحايل عليه

وبعد كده اطلع بالعربية لف بيها لفة شوفها فى الملفات عاملة ايه فى صوت مع الملف ولا لأ
اطلع المطب وحاول تشد شوية على العجل الى ورا شوفه ناشف ولا هوا معدل المساعدين الى ورا
بص على مكان الاستبن وده موجود مابين تانك البنزين والاكصدام هتلاقى شبكة كده

اجرى بيها كده وشوف جريها عامل ايه الفرامل كل ده اكشف عليه


وبعد ده كله لو الحالة العامة تمام حاول تكسر معاه شوية فى السعر بس عربيات بتبقى بيتى بيتى لو مرضيش والعربية حلوة اشترى

ومتقلقش احنا كلنا وراك لو فيه اى حاجة

اخوك احمد عبد الرحمن 01144664259

على فكرة اديك شايف اسعار قطع الغيار فى العربية اسعار بسيطة هيا تعتبر اعلى شوية من 128 ولكن فى الحاجات المستهلكة زى تيل الفرامل جلد الماستر اسطوانة دبرياج الحاجات الى بتتغير بعد فترة نفس اسعار الفيات ويمكن اقل وهيا تيل ورا بيتملى بــ 80 جنية ملزوق وتيل قدام انا شارية بـ 60 جنية بتاع لوجان
العفشة عندك مساعدين ورا بالكتير 100 جنية للاثنين استيراد ويعيشوا العمر المساعدين الى قدام مونرو وده غالى شوية بس نضيف

العربية عضمها ناشف موضوع السخونة ده سهل السخونة ديه ياما مش واخد هوا او الريداتير بايظ متقلقش كتالوج العربية بالكامل عندى العربية ديه لو فايقة احسن من الفيات بكتيير وعلى الاقل راكب حاجة موديل 2000 وتشد مع افندينا بيها عايز تغيير الماتور (( لاقدر الله )) هاتركب ماتور لوجان بالصالة بتاعته مش مكلف اخرة 3500 بالضفيرة بالكمبيوتر بالصالة الى من تحت واسمك مركب لوجان انجيكشن

التكييف بقى ده ان شاء الله الصيف الجاى عندى يكون راكب وربنا يسهل

على فكرة احد الاعضاء شغال على التعديل لفرش الابواب من جوة وشغل فايبر للعربية كلها من برة ويارب يخلص بقالة كتيير بس يامسهل

على العموم لو انت مس ساكن القاهرة مترددش اتصل بيا وان شاء الله اشوفها معاك بس ده ميمنعش تاخد معاك سمكرى وميكانيكى


ولو كده معانا برضة اخونا حازم عواض او الاستاذ وائل ودول موسوعة فى العربية ديه وهما برضة ناس زى الفل ومش بيتأخروا عن اى حد

انا مش عارف اقولك ايه يا بو حميد جزاك الله خيرا بس المشكلة ان معرفش حد بيفهم يكشف عليها قليل قوى اللى يعرفها عشان كدة خايف ادبس لانى لوحدى و اول تجربة ليا فى موضوع العربيات كل الناس بتقولى خليك فى 128 و ناس كتيرة بتفهم فيها بس انا مش عاجبانى 128 لا شكلها و لا ادائها انا حستئذك لو تعرف حد شاطر ممكن يكشف عليها او بنزينة فيها فنى فاهم ابقى شاكر ليك قوى حاجة تانية انت ايه رايك فى سعرها عالى و لا مناسب و شكرا ليك مرة تانية

للاسف انا ساكن فى القاهرة

بص خد معاك واحد سمكرى اى سمكرى قريب او معرفة ولازم يكون معرفة اديله الى فيه القسمة وقله على الشاسية والحوض والشنطة والعربية كلها من قوف لتحت وهو الى هايقول نرفع العربية ولا لأ معظم السمكارية مش بيحب الداتشيا نوفا علشان عضمها ناشف فى الدق وحاجاتها مش رخيصة علشان تتجاب فيهقولك ابعد عنها سيبك منه انا سمعت من الكلام ده كتيير والى معايا مية مية اقسم بالله نفخها نفخ لو 128 كان زمنها ماتت من 6 شهور تقريبا بص اديله الى فيه النصيب وخلية ينزل معاك فى سعر العربية من صاحبها اهم حاجة السمكرى اهم حاجة السمكرى بقولها لثانى مرة هوة الى هايشوف العربية كلها ومتنساش تقوله يبص على الصالة الى تحت

بعد كده ميكانيكى رينو خليه يبص عليها وهوة هايعرف المكنة لو كانت رينو ولا داتشيا نوفا وخليه يطمن على المكنة الداتشيا يشوفها بتعرق ولا لأ بتاكل زيت ولا لأ سحبها عامل ازاى زى ماقولتك دوس بنزين جامد وجرب وشوف المكنة

على فكرة انا مرفعتش العربية لما اشترتيها وانا حالتها كانت مش تمام وخلصت فيها علشان دواخلها سليمة مفيهاش الهوا وماتورها حالتوا كويسة ولحد دلوقتى حالة الماتور كويسة الفرش تعبان غيرته شوية نور ظبط وان شاء الله ناوى على الاكصدامات بس لما العضو المحترم يخلص القوالب الفيبر لو اتعملت تبقى حكاية ويارب سهل


بص انا من القاهرة بس زى ما بقولك نظرتى تختلف عن نظرة السمكرى خليه يبص على العربية برضة وان شاء الله خير

حاول تنزل من سعر العربية شوية واهو كله ليك ونصيحة من اخ معانا هنا متشتريش بالفلوس كلها خلى معاك الف او الفين من سعر العربية لزوم الترويق والتزبيط وان شاء الله لوناوى خلص واجى ابص معاك عليها وان شاء الله خير معلش انا برجع من الشغل على السحور بس ان شاء الله لو خلصت فيها قولى وانزل معاك نظبطها شوية اكسسوار واخليهالك عروسة ان شاء الله من جوة وبرة


اما بالنسبة لموضوع 128 فاسأل سؤال احتار التجار فى الرد عليه سعر ال 128 بعد 5 سنين هاينزل ولا لأ
طيب قطع الغيار بتاعت 128 نسبة المضروب فيها كام من اقل 99 % وسعرها رخيص بس انا مش هاقعد اعمل ابونية عند المكيانيكى بقى كل مشوار اركن واشمر واصلح

اسعار الداتشيا نوفا غاليه شوية بس الاصلى فيها نسبتة 96% مابين صناعة فرنساوى وتركى نادر لما تلاقى صينى وده عن تجربة فى تيل الفرامل صناعه نضيفة جدا

وال 128 فيها مصيبة انا بتفتح شاسية لو لبست فى مطب جامد وانت مش واخد بالك يعنى بتقى شارى العربية نضيفة جوة ويقولك بتاعت بلادها وتبص تلاقى منظر الحوض معفن ولوغسلته غسلة حلوة مش بعيد تلاقة مفيش عليه بوية اصلا واول ماتفتح الشاسية تبتدى تروح للسمكرى وتعمل لعب فى الشاسية واى عيل صغير هايعرف العربية فيها حاجة فى الشاسية ولا لأ وده هايخلى العربية ال 128 على الاقل سعرها يقع فى الارض

اجدع 128 حالتها حلو موديل التسيعنات 22 الى 27 ولما هاتيجى تبيعها هاتجيب 18 او 20 لو هيا لسه بحالتها وهاتصرف هاتصرف فاسمع كلامى
ظبط الراجل بتاع الداتشيا وخس معاه شوية وخليك فى الرنج 16 لو حالتها تمام وهيا لا هاتزيد ولا هاتقل عن كده ولا بتفتح شاسية ولا حاجة شاسية على راى حازم عواض على علب نص نقل والعزل بقى انزل بيها المية مش هاتجيب برومة ولا حاجة التكييف مجهزة لتكيبف وممكن تركب الكباس وكل حاجة ويشتغل وده الى هاعملوا ان شاء الله الصيف الجاى فى عربيتى خصوصا ان المكنة رينو 9 بتنزل اصلا بتكييف
كفاية على الافل انها موديل 2000 مش موديل اخر السنين

وكده كده البائع خسران والشارى كسبان يعنى لو هاتبيع كده كده خسران حتى لو مرسيدس عيون


بص صلى صلاه استخارة ويارب خير ان شاء الله

جزاك الله خيرا بس المشكلة يابو حميد انى معرفش سمكرى معرفة او غير معرفة لانى مكانش معايا عربية قبل كده حتى زاميلى و اصحابى معظمهم بيتعامل مع التوكيل عشان كدة انا سالتك اذا كنت جربت حد شاطر وبيعرف ربنا انا بس عندى طلب اذا يعنى مايضيقش اذا ممكن تدينى رقم تليفونك اكلمك يبقى احسن وياريت بردو تقولى الوقت المناسب اللى اقدر اكلمك عشان شغلك ربنا يعينك انا عارف انى زهقتك معايا بس رينا ان شاء الله حيجزيك خير على نصايحك ليا

مرحب بك معانا و ان شاء الله ربنا يوفقك فى شراء السياره ...بس عايزك تطمئن على الشاسيه الاول لان لو عامله حادثه هاتلاقى الشاسيه فيه عوجه فزى ما قالك الاخوه تأكد ومعلش شويه اترازل على صاحبها ...اما الداتشا كسياره من هنا للصبح عربيه هى الاحسن فى فئتها على الاطلاق (فى رأيى) وحديد ومجنونه بكل ما اوتيت هذه الكلمه من معنى واقتصاديه اذا ربنا هدى لك ميكانيكى من ابو دماغ مش من ابو دراع

الاخ اللى بيقول ان ماتور اللوجان بـــــــــــ 3500 جاب السعر منين لانى محتاج اغير المكنة