عرض للطباعة
انا نازل كمان شوية رايح المهندسين هعدى على توكيل كلاريون اسالكوا على الجى ام كينوود 500 و 600 وات اسعارهم ايه
هما رسيو على الكيينوود ال7*10 الى هى دبل بيز وبالنسبه للجى ام البايونيير ياميدو تحفففففففففففففه اسال على الاتنين ياحبى وطبعا لو لقيت البايونيير ارخص توكل على الله وتوطيه ازاى هقولك انت تعمل الجين فى الاول على النصف وتعلى الكاسيت على 75 *100 يعنى مثلا لو اخره 50 يبقى 35 لو اخره 60 يبقى 40 يعنى تلتين الصوت طبعا الصوت هتلاقيه مش معقول تيجى بقى تعلى سنه سنه لحد لما تلاقى السماعه بدات تخرف تروح موطى شويه صغييرين وبكده انت ظبطت الجى ام ياحبى
انا عديت عالتوكيل كلاريون معندوش جى ام كينوود لا 500 ولا 600 و قالى خد جى ام سيمفونى 520 وات ب 525 جنية
الاسعار كالتالى السماعتين كينوود 600 وات دبل بيز ب 800 جنية الجى ام سيمفونى ب 525 جنية و 90 جنية تمن التوصيلات و
قالى التركيب ببلاش يبقى التوتال 1415 جنية
هى السماعه اخرها 3 اوم حضرتك هتوصلها 4 اوم اكييييد فيها ضرر وبالنسبه 3 اوم معرفش والله تتوصل ازاى علشان مش افتيلك
ايوه بقى ياحبى
لا فكك من السيمفونى يااميدو علشان مش هيديلك الاداء الى عايزه اكتر حاجه هيطلعهالك بييييييييييز ولما تعلى مش زى اى جى ام تلاقى البيز بيعلى معااااك لا هو هو البيز يعنى وهو واطى زى مااتعلى حاجه زفت مع السماعات ياميدو دور شويه وانا برضه هخلى صاحبى يعدى على الى فى شارع احمد عرابى جنب شغله يسال عليهم
حبيب قلبى انت تؤامرنى :M_yes[1]::M_yes[1]::M_yes[1]::M_yes[1]:
ميدو لو بالسعر ده يبقى معلش هات بقى السونى 600 وات هتلاقيه عامل 650 جنيه او هات بقى ال720 كينوود ب750 ويبقى ماركه ويديلك الاداء المحترم بس زى ماقولتلك حااااول تدور وانا برضه هسال
يبقى كده ياميدو ننزل التوفيقيه نسال فى توكيل كينوود وسيمفونى الى فى المول وياريت لو حد قريب من مركز بتاع كلاريون الى فى مدينه نصر يسالنا انا معرفش هو فييييين بس روحته وعنده العجب كلللله