الموضوع: >.: معلومات ساحرة :. لممتلكى اللابتوب - كيفية تقليل ارتفاع الحرارة فى الأجهزة الحديثة

شكراً جداً يا أحمد على المعلومات دي، د أنا بعاني من سخونة اللاب توب بتاعي.

انا معايا ديل و بيشتغل فى أسوء الظروف الممكنة, و معمر جدا, بجد كمبيوتر محترم جدا. أمريكانى بقى ;)
أعتقد انو تقنية "سنترينو" من انتل أفضل فى موضوع السخونة دى, فحاول لو لقيت تجيب كمبيوتر متوفر بوحدة معالجة من طراز سنترينو.

دي شوية صور لمبرد لاب توب
ده بتوصله باليو إس بي
و فيه مرواح من تحت
بيبرد اللاب توب
بس طبعا لو الهوا في الغرفة سخن

يبقى مش 100 %
يبقى أحسن من اللاب توب على المكتب ........... يعني يطول وقت الشغل عليه مش أكتر

الأخوة اللي بيشككوا في كفائة اللاب توب

اللاب توب معمول علشان يشتغل في ظروف و حرارة جو معينة
و لو وصبت درجة الحرارة لأعلى من المعدل اللي المفروض تشتغل فيه

بيفصل
و أنا بتاعي أمريكي و كومباك ............ و برضه بيفصل في الحر الشديد

و كدا كدا البروسيسور ............. أمريكي في أي جهاز
أنتل أو أه ام دي

intel or AMD

و هو البروسيسور هو اللي بيكون سبب إن الجهاز يفصل
و ده في اعدادات في البيوز بتاعة البوردة

و تحياتي للجميع
الأستاذ فادي و الأستاذ عبده الدسوقي و الأستاذ مصطفى فاروق و صاحب الموضوع الأستاذ أحمد

المشاركة الأصلية كتبت بواسطة Abdo_Eldesokey

بس كده يا باشا فعلا ً الجهاز يبقى فيه عيب ... المفروض إن اللاب معمول عشان يتحط على مكتب أو على السرير أو كده ... وإلا يبقى يفرق إيه عن الـ Pc

المفروض إنه يريحك مش انت الي تريحه ؟؟

مكتوب في كتالوج أي لاب توب
يجب عدم وضعه على السرير أو مكان غير جيد التهوية
و للحصول على أفضل أداء يفضل وضعه على مكتب و يجب الحفاظ على عدم سد فتحات التهوية

و ده مش عيب في الجهاز و لا حاجة
العيب على الجو بتاعنا الحر

فعلا ده مش عيب جهاز ولا حاجة .. دى مشكلة فى كل الأجهزة تقريبا
لو بحثت فى جوجل حتلاقى Simens-Toshiba-Dell-Vaio
كلهم كده وفيه حرارة معينة لو وصلها بيفصل لوحده ...والحرارة دى بتزيد
مع تشغيل حاجات بتعتمد على كارت الشاشة وكمان لو بتنقل ملفات كتير ..
--
البرنامج المضاف فوق جميل جدا وبيقيس حرارة كل حاجة فى الجهاز ..
--
بتعديل بسيط فى bios و ACPI controller فى جهازك يمكن تحسين
تشغيل الجهاز وتقليل مشكلة الحرارة لكن ده على حساب كفائة الجهاز ..
--
الأجهزة الحديثة Dual core بتقل فيها المشكلة دى لكن لاحظت ان المشكلة
موجودة اكثرمع اجهزة dual core برضه خاصة مع نظام vista الذى
لايدعم خاصية Acpi لمعظم الاجهزة الحديثة ..
--------------------------
خلاصة الكلام ان دى مشكلة منتشرة جدا وحلها اما تقليل استخدام ال games وتشغيل الافلام ...او زيادة التبريد الخارجى للجهاز باحدى الطرق اللى ذكرتها او كما قال الاخ بجهاز تبريد usb ......(توت عنخ امون )
------------------------------------------
وشكرا لكل من شارك فى الموضوع :) وعلى فكرة الحكاية دى بتزيد فى الاجهزة اللى مضى عليها سنة او اكثر لانها بتكون جمعت تراب داخل المراوح ..والتراب ده ينصح الخبراء بتنظيفه سنويا بادوات خاصة