-
أستغاثة بشأن موتور
الأول كل سنة وأنتم طيين.
روحت أفك المكنة عشان أعمل شنبر لاقيت الأتى :
- محتاجة طقم شنبر .
- صبابات وخرط وش السلندر للصبابات.
- خرط الشميز وأحتماليه يا الخراط يظبط على البساتم الموجودة أو أشترى بساتم أكبر لسه مش عارفين .
- طلمبة زيت .
- طقم جوانات وسير كاتينى جنزير ..........
- شوية حاجات العمرة زى طقم الكهرباء والجوانات وكدة .
أيه رأيكم أعمر على كدة ولا أشترى موتور أستيراد ولا أعمل أيه لأنى قريت كذا حاجة ةلا أعلم ما الحل فيها والميكانيكى مستعجلنى وأنا خايف بصراحة لأن بعض الناس قلولى خرط الشمييز يعنى لعب فى أساسيات الموتور ومش مضمونة .
وناس تانية قالتلى أشترى نص موتور بس ومش فاهم مناها أيه ولكن وكدة فكرة .
وواحد جارى عندة موتور 1200 هل ممكن أخدة منة وأعركب عليه باقة الحاجة ؟
معلش أنا تعبان ومقرفت بجد وبقول ياريتنى ما كنت فكيت المكنة أيه الحل الله يرضى عليكم
-
انا في نفس الموقف ده وهشتري ماتور استيراد احسن
-
انا نفس المشكلة بس لسة مش عاوز افتح المكنة غير لما اكون عامل حسابى وبمشى على المسكنات
وبصراحة انا عندى راى لو الصيانة هترجعها زى مكانت واحسن حتى لو بنفس سعر المكنة الاستيراد هيكون احسا عشان فى موضوع مرور وافراج جمركى ورخصة يعنى الموضوع مش مكنة وبس
وربنا يكفيك شرها واستشير مهندسين نايل واكيد هيدلوك على الصح
-
-
الموتور سعتة اد اية وموديل كام والحالة الميكانيكية عموما وحالة الدينامو والمارش وطلمبة الزيت
بس فية نقطة الخراطة للموتور مش مؤذيه زي ماحضرتك فاكر بل بالعكس بترجع الشميز للاستدارة الكاملة لانه بعد الاستخدام لفترة طويلة بيعمل بيضاوي للاجناب وبالتالي بيلزم الخرط وهنا فية حاجة في بعض المحركات واللادا مش منهم للاسف بيتم تغليف الشميز بالكروم بعد الصقل بتقليل عدم التجانس بين الجزيئات لاقل درجة ممكنة وبالتالي الخرط بيزيل الكروم والاحتكاك بين الشنابر وسطح الشميز بيزيد لحد ما
اما الصبابات وشغل الوش فبيبقي نادر وسبب التاكل الرئيسي زيادة نسبة البنزين والسلانسية لمدد طويلة وبالتالي البنزين بيزيل طبقة الزيت بين الصباب والدليل ويزيد التأكل وطبعا نوعية وتوقيت تغيير الزيت ليهم عامل اساسي في التأكل اما وش السلندر فممكن استخدام المياة العادية رسب املاح تفاعلت مع سبيكة الوش وبوظت شكل مجاري المياة بالاضافة للسخونة والتي بتعوج الوش وبيلزم كشطة للحصول علي سطح مستوي لا يسمح بهروب ضغط الاسطوانات او المياة والزيت عموما طمنا علي الحاجات السابق ذكرها ومعاك ندرس احسن خيار اقتصادي
Content Relevant URLs by
vBSEO 3.6.0 PL2