سربنتينة تكييف هوندا سيتى 2009 الشكل الجديد

**el_magic** · 25-07-2012 03:12 PM

السلام عليكم ورحمة الله وبركاته

انا عندى مشكلة ف سربنتية التكييف والمتخصص طلب منى أغيرها ولأنى من سكان محافظه سوهاج فصعب جدا عليا ان أروح التوكيل بس فيه واحد ميكانيكى هنا قالى انه بيسافر القاهره وبيروح الحرفيين كتير وممكن يجيبهالى معاه وقالى انها ف حدود 550 جنيه اديتله المبلغ لكن بعد فترة رجع وقالى انها فوق 750 جنيه والفلوس اللى معاه مكفتش يشترى رغم ان قولتله اشتريها بإى سعر مش مشكلة بس هو قالى انها هتكون أرخص ف بورسعيد وهو ممكن يجيبهالى من هناك وع هذا الحال من 15 يوم ... فياريت يا جماعه لو حد يعرف سعرها ومكان بيعها بالتحديد ف القاهره خارج التوكيل طبعا يااريت يقولى وانا هتصرف وابعت حد يجيبها ,,,,, شكرا مقدما

**moumen_hs** · 25-07-2012 04:34 PM

فى التوفقية أكيد موجودة كان واحد قدامى بيشترى بتاعة تويوتا كورولا بس طبعا صينى بتبقى اخف وأحسن تشترى أستيراد بس المهم تكبسها هوا قبل التركيبعلشان ممكن تكون مخرمة

**el_magic** · 26-07-2012 02:52 AM

طيب حضرتك متعرفش السعر ف حدود كام ؟؟؟ الاستيراد طبعا

**FrozenFire** · 27-07-2012 03:10 AM

مممممممممممممم
مش عارف أقول لك إيه بصراحة
الله يكون في عونك
دا أنا من المنوفية وبسترخم جدا مشوار صيانة العربية في التوكيل
بص
أنا عندي رأي بس مش عارف حتتقبله إزاي
العربية حساسة جدا ومحدش بيفهم فيها خالص غير التوكيل بتاعها
فنصيحة بلاش حد يلعب فيها
كلم التوكيل 19811 وكلم حد من قسم قطع الغيار واسأل عليها واعرف التكاليف وانزل التوكيل يوم وأمرك لله
لأن لو أي حاجة حصلت غلط وهما بيصلحواها عندك، حتضطر إنك تنزل التوكيل وحتكلف أكتر.
وبعدين التوكيل حيظبطها صح من غير مشاكل
والسلام ختام