ينهار ابيض !!!!!!!!!2600جنيه ?!!!!!$
ربنا يعوض عليك بس المهم متسيبهوش لانه كده عدل ف العربية ولو رحت لحد تاني هتفتح علي نفسك وربنا معاك
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
الكلام ده في يوم الجمعة اول يوم رمضان
رحت للمراكبي بتاع التكييف في جسر السويس، علشان أغير كباس العربية
سبب التغيير: الكباس صوته عالي جداً، وفيه كركبة من جوه، مع إن تبريده زي الفل، وكانت النصيحة من أكتر من واحد إني أغيره بسرعة عشان الرايش بتاعه ميبوظش حاجات تانية في دايرة التكييف.
وصلت هناك الساعة 10 الصبح، بعد انتظار نص ساعة، عمنا المراكبي كشف عالعربية وقرر إن الكباس محتاج يتغير وتمنه 1800 جنيه، زائد إنه هيكشف على دورة التبريد وممكن يلاقي حاجات تانية بايظة يغيرها. قلتله اتوكل على الله وابدأ.
قاللي طب تعالى نعمل مقايسة، وكانت تفاصيلها كالتالي:
1800 كباس
150 شحن فريون
200 تنضيف دايرة
200 مصنعية
50 اويل سيل
والأجمالي 2400
حاولت افاصل معاه في الكباس باعتباره أغلى حاجه، مرضاش ينزل جنيه. قاللي ده كباس ياباني بتاع بيجو، والنوع بتاع عربيتك مش هتلاقيه في السوق، ونا هبيعلك كباس جديد بكيسه وزي الفل.
قلتله طب الضمان بتاعه قد ايه؟ قاللي مفيش ضمان!!!
قلتله ولا حتى 3 شهور؟؟ قاللي لا مفيش، إنت هتجرب الكباس هنا ولو فيه مشاكل نغيرهولك بواحد تاني، وبعدين انا هنضفلك دايرة التبريد وهاتأكد من كل حاجة عشان السبب اللي خلى الكباس القديم يبوظ، ميفضلش موجود ويبوظ الكباس الجديد.
ولإني مستعجل وعايز اسافر، وافقت على مضض، وعلى اعتبار الكلام الكويس اللي سمعته عنهم وسمعتهم اللي المفروض كويسة.
المهم فك الدايرة كلها، وجه عالسربنتينة وقالللي دي بايظة وفيها لحامات ولازم تتغير، لإنها اللي بوظت الكباس القديم. وطبعا عشان مش فاهم حاجة، قلتله اللي انت شايفه صح اعمله.
قاللي طب تعالى نعمل مقايسة جديدة، وضاف عليها:
450 جنيه سربنتينة
السربنتينة الجديدة مكنتش شبه القديمة، وقعد يقنعني ان القديمة مش موجود زيها، وان دي اقرب واحده للي عندي. المهم قعد يجي ساعة يحاول يركبها عالرادياتير، ويضبط المسامير ويعمل حوارات. لحد مالجمعة أدنت، رحنا نصلي ورجعتله ومعايا جركن مية خضرا جديد بدل اللي اترمت عالأرض.
خلص السربنتينة وركبها في العربية مع الرادياتير، وجاب الكباس عشان يركبه، اكتشف إنه مختلف عن اللي في العربية. قلتله: مش انت شفته بعينك وقلت ده موجود عندي؟ قاللي اه موجود استنى لما ادورلك عليه. قعد يتشقلب هو واللي شغالين عنده في المخزن يجي ساعه وفي الآخر ملقيوش. النوع اللي عندهم حجمه كبير، بينما الصغير بتاع العربية بتاعتي فريونه 12 ومش نافع عندي.
اتصل بواحد في التليفون عشان يجيبله الكباس، وقعدنا يجي ساعة ونص في انتظار الكباس. اول مالكباس وصل اكتشفنا ان قواعده بأربع مسامير، بينما عربيتي ب 3 مسامير بس. وكمان القطر بتاع المسمار عندي أكبر من اللي في الكباس اللي جابه.
قام خد الكباس، وقطع منه قاعده من الاربع قواعد بالمنشار، وجاب الشنيور ووسع في التلت قواعد الفاضلين.
في نفس الوقت، كانت السربنتينة الجديدة فيها اختلاف في توصيلاتها عن القديمة، قام فك المواسير القديمة وعمل فيها تعديلات كتير، وقص حاجات ولحم حاجات عشان تركب عندي.
المهم ركبنا الكباس وضبطنا الوصلات والساعة بقت 5 بعد العصر، والدنيا صيام والسفر راح عليا خلاص.
جينا نشغل، مفيش تسقيع. طب دوس بنزين، برضو مفيش، قام فك المواسير وحط زيت في الكباس، واحد من اللي واقفين اعترض على الزيت في الكباس الجديد، قام المعلم خلاه يسكت بصورة مريبة عشان ماخدش بالي .... عملت نفسي مخدتش بالي وقلت لما اشوف النتيجة النهائية.
حطو زيت، وحطوا تاني، وبرضو مفيش تبريد.
ايه يا ريس؟
قاللي: الكباس ده وحش
قلتله مش المفروض ده جديد؟ قاللي النصيب بقى ومن حظك انا جبت منه اتنين، هانركبلك التاني. بس تعالى بكرة.
قلتله انا معاك من 10 الصبح، وضيعت السفر بتاعي، فمستحيل استنى لبكرة، انا هنا لحد مالموضوع يتقفل. وبعد شد وجذب قرر انه يفك الكباس الجديد "البايظ" ويركب كباس تاني، وطبعا، عمل فيه نفس التعديلات: قص قاعدة، وتوسيع مكان مسامير بقية القواعد.
على الساعة 6 ونص كده كان التركيب خلص، وجينا نجرب
التبريد افضل من الكباس اللي قبله، بس برضه ضعيف جدا. لدرجة إن القديم المكركب كان تبريده أفضل بمراحل.
قلتله مفيش تبريد، قاللي متقلقش، تبريده هيزيد أول ماتتحرك بالعربية. اقنعت نفسي بكلامه عشان كنت مستعجل وزهقت بسبب اليوم الي ضاع.
ملحوظة جانبية: لما جه يحط زيت في الكباس، طرطش على العربية كلها موتور وازاز. وطبعاً مكلفش خاطره يخلي حد من اللي شغالين عنده يمسحلي العربيه او على الاقل الازاز
بالنسبة للفاتورة النهائية بعد التعديلات والاضافات: 2730 وبعد فصال التنين بقت 2600
رحت البيت فطرت، وطلعت بعدها على بنزينة الوفاء والأمل عشان اغسل العربية. وكانت فرصة أجرب التكييف والعربية بتتحرك.
أول ما وصلت البنزينة، اتصلت بيه، وقلتله التكييف زي الزفت، ولا كإني ركبت كباس جديد وسربنتينة جديدة، ده القديم البايظ كان احسن
قاللي تحت امرك با بشمهندس تعالى بكرة وهنشوف فيه ايه، قلتله انا مسافر دلوقتي ولما ارجع من السفر هعدي عليك، قاللي في اي وقت تعالى.
المهم انا جيت من السفر بالسلامة امبارح ورايحله النهارده ان شاء الله بعد الشغل، وربنا يستر
خلاصة التجربة:
1- المحل كبير وعنده قطع غيار كتير وده بيساعده ينجز في أي حوارات معقدة في التكييفات.
2- خبرته في التكييف كويسة جداً وخصوصاً في التشخيص، لكن التصليح عليه علامات استفهام.
3- أسعاره مش ثابته، بيرخص ويغلي على حسب الزبون.
4- العيال اللي شغالين عنده بالهم طويل جدا وكسلانين.
5- معندوش ضمان للكباس!!!!!!!!!! ولو حتى شهر.
6- مفكرش يحافظ على المية اللي نزلها من الرادياتير بدل متترمي عالأرض.
7- العربية اتبهدلت زيت وتراب ومفكرش يخلي حد ينضفها ونا ماشي.
8- أكتر نقطة معجبتنيش - العربية اللي متعجبوش شكلها، كان بينفضلها وبيتعامل مع صاحبها بتناكة وأوقات بينفضلهم لحد مايمشوا او يباصيهم لبتاع التكييف اللي في البنزينة اللي بعده. اهتمام واضح بالعربيات الحديثة والزباين اللي شكلها نضيف، وتنفيض للعربيات القديمة او اللي ميعجبوش شكل اصحابها، ورفض تام للتعامل مع التكاسي.
9- التكييف اللي خدته من عنده طلع بايظ، وادينا هنشوف هيعمل ايه لما اروحله.
حبيت انقل تجربتي كامله بكل تفاصيلها، عشان الكل يستفيد
وبإذن الله لما أرجع من عنده هقولكم عملت ايه.
رقم العضوية : 2585
تاريخ التسجيل : 12Oct2007
المشاركات : 4,564
النوع : ذكر
الاقامة : cairo
السيارة: alto 2015
السيارة[2]: verna 2015
دراجة بخارية: لا يوجد
الحالة :
ينهار ابيض !!!!!!!!!2600جنيه ?!!!!!$
ربنا يعوض عليك بس المهم متسيبهوش لانه كده عدل ف العربية ولو رحت لحد تاني هتفتح علي نفسك وربنا معاك
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
عليه العوض هو مش طال الفلوس يبقى كل سنه وانت طيب خبيبى المصريين شويه نصابين الا من رحم ربى
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
ربنا معااك ان شاء الله
انت لو كنت وديتها التوكيل كان احسن
م/ احمـد عـزت
رقم العضوية : 68443
تاريخ التسجيل : 20Apr2010
المشاركات : 7,562
النوع : ذكر
الاقامة : الأردن
السيارة: chery QQ3
السيارة[2]: suzuki maruti
دراجة بخارية: suzuki 2002
الحالة :
انا ركبت التكييف كامل من أ لل ي ب 2650 جنيه
كباس وسربنتينه وتلاجه داخليه بضمان سنه!!!
don't judge a car unless you have driven it
hm414 سابقا
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
غالي قوي
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 40467
تاريخ التسجيل : 17May2009
المشاركات : 3,058
النوع : ذكر
الاقامة : cairo-nozha
السيارة: SEPHIA 2000
السيارة[2]: Fiat Regata
دراجة بخارية: لا يوجد
الحالة :
هو إيه الأسعار الخزعبلية ديه ؟؟ أنت ركبت تكييف جديد و لا إيه ؟
[marq="2;right;2;scroll"]الحمد لله[/marq]
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
رقم العضوية : 120023
تاريخ التسجيل : 05Feb2012
المشاركات : 291
النوع : ذكر
الاقامة : القاهرة
السيارة: رينو كليو 2003
السيارة[2]: رينو كليو 2003
دراجة بخارية: يوكوهاما
الحالة :
المفضلات