شهادة لوجة الله فى مركز كار فيكس بالإسكندرية

**alaeldin_amer** · 25-07-2012 06:14 PM

اليوم توجهت إلى مركز كار فيكس الموجود بجوار مرور محرم بك بالإسكندريةودة مركز متخصص فى الأسكودا والفولكس لأن العربية كانت بتبطل لوحدها وخاصا ً فى المطالع وتتأخر فى الدوارة فى الصباح والسحب كان مش كويس وشهادة لوجة الله أشهد بأن الناس دية محترمة جدا ًجدا ًجدا ًجدا جدا ًًجدا ً ناس فهمة كويس جدا جدا ً ودة حكمى عليهم لأنى مهندس صيانة وقابلت هناك مهندس محترم أسمة محمد عبدالحميد راجل بشوش جدا ً وصدرة رحب للأستفسارات الكثيرة( بحكم طبيعة المهنة ) وتم الكشف على العربية بالكمبيوتر وأتضح أن حساس الكرنك لازم يتغير وتم تغيرة هو وفلتر البنزين وبحكم المهنة برضة أستفسرت أن كانت قطع الغيار التى سوف يتم تركيبها أصلى من غيرة فأكد لى أنة لا يتم تركيب إلا قطع الغيار الأصلية للمحافظة على سمعة المكان وكنت متابع كل شى بيتم فى السيارة أمام عينى وكانت فاتورة الحساب كالأتى
حساس كرنك a4 أصلى 550 جنية
فلتر بنزين أصلى 75 جنية
علبة أسبراى تنظيف موتور 25 جنية
وتم تربيط العفشة والكشف على الفرامل والفلاتر
مصنعيات ميكانيكا 50 جنية
أجمالى الفاتورة 700 جنية
ملاحظة
كنت سألت على حساس الكرنك a4 عند توكيل الأسكودا فى الأسكندرية ( نورالدين الشريف ) قالى ب640 جنية وبعد ضريبة المبيعات يكون ب 704 جنيةوهذة شهادة لوجه الله فيارب يجازيهم خير

**mshmshm3** · 25-07-2012 09:57 PM

شكرا علي نقل التجربة

**AhMeD MeTwAlY** · 25-07-2012 10:02 PM

شكرا علي نقل التجربه
وان شاء الله المركز دا يفضل بنفس المكانه عن كل الناس

**Amr_Azab** · 26-07-2012 12:23 PM

المشاركة الأصلية كتبت بواسطة alaeldin_amer

اليوم توجهت إلى مركز كار فيكس الموجود بجوار مرور محرم بك بالإسكندريةودة مركز متخصص فى الأسكودا والفولكس لأن العربية كانت بتبطل لوحدها وخاصا ً فى المطالع وتتأخر فى الدوارة فى الصباح والسحب كان مش كويس وشهادة لوجة الله أشهد بأن الناس دية محترمة جدا ًجدا ًجدا ًجدا جدا ًًجدا ً ناس فهمة كويس جدا جدا ً ودة حكمى عليهم لأنى مهندس صيانة وقابلت هناك مهندس محترم أسمة محمد عبدالحميد راجل بشوش جدا ً وصدرة رحب للأستفسارات الكثيرة( بحكم طبيعة المهنة ) وتم الكشف على العربية بالكمبيوتر وأتضح أن حساس الكرنك لازم يتغير وتم تغيرة هو وفلتر البنزين وبحكم المهنة برضة أستفسرت أن كانت قطع الغيار التى سوف يتم تركيبها أصلى من غيرة فأكد لى أنة لا يتم تركيب إلا قطع الغيار الأصلية للمحافظة على سمعة المكان وكنت متابع كل شى بيتم فى السيارة أمام عينى وكانت فاتورة الحساب كالأتى
حساس كرنك a4 أصلى 550 جنية
فلتر بنزين أصلى 75 جنية
علبة أسبراى تنظيف موتور 25 جنية
وتم تربيط العفشة والكشف على الفرامل والفلاتر
مصنعيات ميكانيكا 50 جنية
أجمالى الفاتورة 700 جنية
ملاحظة
كنت سألت على حساس الكرنك a4 عند توكيل الأسكودا فى الأسكندرية ( نورالدين الشريف ) قالى ب640 جنية وبعد ضريبة المبيعات يكون ب 704 جنيةوهذة شهادة لوجه الله فيارب يجازيهم خير

الله ينور يا باشا
انا كل يوم وانا مروح من الشغل بعدي علي المركز ده وبصراحة كنت متردد اني اجربه معأني كنت بلاقي عنده عربيات كتير اوي (بسم الله ماشاء الله) سكودا بس كنت حاسس انه اونطة مش عارف ليه بس بعد كلامك ده انت شجعتني اني اجربه
شكرا وجزاك الله خيرا

**mahmoudysf** · 27-07-2012 03:32 AM

مبروك على الصيانة
بس كنت عايز اسال العربية اوتو ولا مانوال
وكانت بتبطل لما بتقف على مطلع زي كوبري مثلا وتيجي تطلع تبطل ولا لا
لان عندي نفس الحالة العربية بتسقف في الطلعة ولو وقفت على مطلع شديد بتبطل ولازم اكبسلها بنزين جامد
وشكرا مقدما على الرد

**alaeldin_amer** · 27-07-2012 07:02 AM

المشاركة الأصلية كتبت بواسطة mahmoudysf

مبروك على الصيانة
بس كنت عايز اسال العربية اوتو ولا مانوال
وكانت بتبطل لما بتقف على مطلع زي كوبري مثلا وتيجي تطلع تبطل ولا لا
لان عندي نفس الحالة العربية بتسقف في الطلعة ولو وقفت على مطلع شديد بتبطل ولازم اكبسلها بنزين جامد
وشكرا مقدما على الرد

السيارة أوكتافيا 2009 مانيول دى كانت فضيحة ساعات مجرد مطلع كوبرى صغير وتعملها وولاد الحلال يزفونى بالكلاكسات لحد ماربنا يكرمها وتمشى وكنت بطلع على فرامل اليد وأدوس سنة بنزين ومرة عملتها وأنا ماشى عادى وفجأة الدركسيون حجر عشان البور فصل وستر ربنا لميت نفسى وبردة ولاد الحلال زفونى بالكلاكسات وألفاظ أخرى

**alaeldin_amer** · 27-07-2012 07:05 AM

المشاركة الأصلية كتبت بواسطة ayoob

شكرا على نقل التجربة
انا فعلا كنت عايز مركز صيانة اخر غير نور الشريف

نور الدين الشريف طلعوا ولاد ستين تيت وأسعارهم نار نار نار فكرين مفيش غيرهم فى البلد

**alaeldin_amer** · 27-07-2012 07:13 AM

المشاركة الأصلية كتبت بواسطة amr_azab

الله ينور يا باشا
انا كل يوم وانا مروح من الشغل بعدي علي المركز ده وبصراحة كنت متردد اني اجربه معأني كنت بلاقي عنده عربيات كتير اوي (بسم الله ماشاء الله) سكودا بس كنت حاسس انه اونطة مش عارف ليه بس بعد كلامك ده انت شجعتني اني اجربه
شكرا وجزاك الله خيرا

جربة ومش حتندم وميغركش المنظر من برة أدخل المركز حتلاقية محترم فية أربع وناش لرفع السيارات ويتم العمل بواسطة فنيين ممتازين تحت أشراف المهندس / محمد عبدالحميد هو بيجرب العربية بنفسة قبل وبعد الأصلاح وكل شىء بيتم أمام عينك وبعد ماينتهى من الأصلاح الفنى بيسلمك قطع الغيار القديمة داخل علب قطع الغيار الجديدة التى تم تركيبها

**alaeldin_amer** · 27-07-2012 07:18 AM

المشاركة الأصلية كتبت بواسطة ahmed metwaly

شكرا علي نقل التجربه
وان شاء الله المركز دا يفضل بنفس المكانه عن كل الناس

لا شكر على واجب وأرجو من أخوانى الأعضاء كتابة تجاربهم مع مراكز الصيانة المحترمة للأستفادة كما أرجو كتابة المراكز غير المحترمة فى كل المجالات حتى نحظر منها ولكن يجب أن تكون تجارب شخصية حتى لانظلم أحد ويتم شرح الموقف بالتفصيل