شورو عليا... هاخد 128 ب6000 جنيه اخدها ولا لا

**aallmix** · 25-07-2012 06:44 PM

معروض عليا 128 زستافا اربعة باب ب6000 جنيه حالتها متوسطة ومحتاجة سمكرة ودوكو وترخيص
لو خدتها اعمل حسابي على كام عشان اظبطها عارف انكوا هتقولوا على حسب حالتها
بس انا عايز اعرف الحد الأدنى اللي ممكن امشي بيه العربية يبقى كام
والحد الأقصى عشان اخليها عروسة كام

عايز اعرف لو عملتها سمكرة ودوكو كلها تتكلف كام

وهل فيه اختلاف في الميكانيكا والعفشة في الزستافا ال128 وال128 العادية ولا لا

**Elawany13** · 25-07-2012 07:04 PM

ده انت غاوى بقى عربيات خلصانة !!!!

**hugan** · 25-07-2012 07:30 PM

اظن ال 28 افضل من الزاستافا شكلا وموضوعا
يعني لو لقيت 28 بالسعر ده وانت تشدها من الاول علي ايدك
اكيد افضل

**mshmshm3** · 25-07-2012 09:55 PM

المشاركة الأصلية كتبت بواسطة hugan

اظن ال 28 افضل من الزاستافا شكلا وموضوعا
يعني لو لقيت 28 بالسعر ده وانت تشدها من الاول علي ايدك
اكيد افضل

+1111111111

**aallmix** · 25-07-2012 10:46 PM

ليه هوا ايه اللي يفرق ال128 العادة عن ال128 الزستافا غير الظهر ؟ هل في فرق جوهري في اي حاجة ؟؟؟؟

**linkin2008** · 26-07-2012 04:59 AM

شوف انا ماعايا 128 مو 1989 الى بيقولو عليها معدل هو معظم الخوارج ان مكنش كلها هى هى ولو مش هيا بتتظبط اما فى الميكانيكا فا انا كتير لما كنت بشترى حاجات للعربية كان البياع يقولى عادة ولا معدل فمعنى كدة ان فية حاجات مختلفة بص بالنسبة للعربية الى معروضة عليك المهم ان انها تكون قابلة للاصلاح :) يعنى الشاسية يكون كويس مش ملووح ولا مشرخ من كل حتة كاوتش يمشى الحال مش ضايع 100% يعنى كفاية يكون 40% او 50% :) الموتور يكون كويس او طقم شمبر بالكتير الغرض من الكلام ده كله اية ان العربية لو شريها موديل 2010 وحالة فورة حتاخدها تصرف عليها برضو فالفكرة ان كل حاجة كدة كدة انت حتغيرها وتركب عربية على مزاجك بس اقولهالك مرة تانية العربية تكون قابلة للاصلاح و6000 بقاش رقم ياراجل ده فية تلفونات بالسعر ده دلوقتى :) طبعا لو معاك زود وهات حاجة نضيفة واشترى دماغك اما لو غاوى تعديل وتظبيط فتوكل على الله واستنا بقية اراء الاعضاء وتقبل مرورى :)