إزاي أروح الموسكي ( سنتر درب سعادة ) من موقف العاشر بسيارتي الخاصة .. يا ريت طريق سهل وتفصيلي على قد ما تقدروا ولكم جزيل الشكر .. وكل سنة وأنتم طيبين ورمضان كريم
عرض للطباعة
إزاي أروح الموسكي ( سنتر درب سعادة ) من موقف العاشر بسيارتي الخاصة .. يا ريت طريق سهل وتفصيلي على قد ما تقدروا ولكم جزيل الشكر .. وكل سنة وأنتم طيبين ورمضان كريم
نصيحه اركن عند اى محطة مترو و خد المترو لمحطة العتبه هتكون وصلت تقريبا افضل من الزحمه و مش هتلاقى ركنه
خد صلاح سالم لحد النفق وبعدها انزل النفق هتطلع في ميدان الاوبرا . اركن هناك في الجراش بتاع الاوبرا واتمشاها .
شكرا جزيلا .. بس بعد إذنكم لو حد عارف الطريق تفصيلي أكتر .. علشان أنا مسافر كمان 7 ساعات ومحتاج أعرف أمشي إزااااااااااي بالضبط . لو حد عارف المسافة والكباري اللي هطلعها والكباري اللي مش هطلعها ..
يا ريت الطريق لحد الموسكي .. لإني رايح أشتري حاجات ومحتاج السيارة مكنش بعيد عني
حبيبى هى دى المشكله انك هتركن بعيد (جراج الاوبرا ابعد من محطة مترو العتبه و انت جاى من الموسكى و كده كده بكره الجمعه المترو فاضى) على العموم الوصفه بالظبط انا مش عارف انت جاى من الدائرى ولا من طريق بلبيس بس لو جاى من الدائرى كمل و انزل نفق السلام و لو جاى من طريق بلبيس خش على اسماعيليه الصحراوى و ما تطلعش كوبرى الحرفيين و لف من تحته و ارجع و خش يمين على الدائرى من قصاد موقف العاشر ...
هتمشى حوالى 10 كيلو هتلاقى مدخل المطار على يمينك و بعديه ب 200 متر منزل يمين (منزل الماظه) تنزل و تمشى هتلاقى كوبرى الجيش تطلعه و تكمل طوالى هتلاقى كوبرى فوقك بالعرض تعدى من تحته و تلف يوترن و ترجع تاخد من جنب الكوبرى يمين (كأنك دخلت شمال من اتجاهك الاصلى) كده انت فى الاوتوستراد هتكمل طوالى لا يمين ولا شمال هتعدى ميدان الساعه (اول عباس العقاد) و بعده اشارة رابعه (شارع الطيران) و دى اول اشاره هتقابلك و بعديها اشارة يوسف عباس و المنصه ... بعد المنصه هتلاقى مطلع لكوبرى اكتوبر ما تطلعوش و خش يمين و امشى تحت الكوبرى (امسك شمال) هتوصل لاشارة صلاح سالم (خلى بالك خليك فى لاشمال عشان تعرف تخش شمال) هتخش فى الاشاره شمال و طوالى هتلاقى كوبرى الفردوس تطلعه و بعديه تمسك النص عشان تنزل نفق الازهر هتطلع من النفق تخش شمال فى شمال فى شمال حوالين الميدان (هتلف الميدان 3\4 لفه) بحيث جراج الاوبرا هتلاقيه على يمينك بعد ما تلف و تخش معاه يمين هتلاقى المدخل
ربنا معاك