الموضوع: قوة تحمل ألنترا md (من واقع حوادث حقيقية)

المشاركة الأصلية كتبت بواسطة abogharib

انا بعد ما شفت الصور و الفديوهات ..العربيه دى طلعت اى كلام انتو بتقولو امن ايه و بتاع ايه دا الفيديو التانى اللى مكتوب فيه الرسعه 64 كم/ساعة دا العربيه ضاعت من قدام خالص يعنى امشى على سرعه 64 و اخبط خبطه كده الاقى الكبوت مطبق على بعضو باللى فيه و انتو بتقولو المضصوره من جوه امان ماشى تمام الكلام اعمل حادثه على سرعه 64 كيلو و اللاقى ربع العربيه من قدام ضاع الغربيه انكو بتقولو امن دا ورق يا جدعان امال الناس اللى مجرباها و بتقول بنمشى على 160 و 200 و الحياه زبادى خلاط لو الواحد ماشى على 120 الله اعلم العربيه هتطبق لحد فين و فعلا كلام استاذ سامح طلع مظبوط لما قال الهيونداى اخرها 60 كم و بعد كده الله اعلم

طبعا الاخوة ردوا علي حضرتك بفيديوهات لماركات تانية و لو أني لم أكن اريد ذلك لأن الموضع مخصص للالنترا و مش عايز أدخل في مقارنة مع عربيات تانية لكن كالعادة أنتوا اللي بتجبرونا علي كده

شوف حوادث السيارات من ماركات تانية و ستجد عربيات ألماني (اللي هو أبو الامان كله) معجونة ماتعرفش لها وش من ظهر

مش ده موضوعونا ..
ليه بقي الاختبارات بتتم علي سرعة 60 كم/ساعة مش 90 و لا 120 و لا حتي 200 اللي العربية مصممة أنها تجيب السرعات دي ؟

أنا في أعتقادي و ده برضه من خلال خبرة سابقة بحادث (ربنا يكفينا و يكفيكم جميعا شر الحوادث) بعربية لانوس و تقريبا كان مشابه لأختبار التصادم بتاعها أن السائق مهما كانت سرعة سيارته و بيدوس فرامل السرعة بتنزل بشكل سريع حتي ال 60 كم/ساعة و بعد كده بيكون الوقت أو المسافة غير كافية فبيحدث الاصطدام عند هذه السرعة طبعا لو السرعة الاصلية كانت أعلي أو المسافة بينك و بين السيارة التي أمامك أقل فاكيد سرعة الاصطدام هاتزيد لكن في معظم الاحوال بتنزل عند السرعة دي و ده من خلال 3 حوادث عايشتها منهم واحدة حصلت معايا أنا شخصيا و السرعة كانت وقت التصادم 60 كم/ساعة و مع ذلك الخسائر في جسم العربية لم تتعدي رفرف و فانوس و كسر للمراية اليمين و أصابة للباب اليمين الامامي برضه يعني الخسائر لم تتعدي الربع الامامي بالظبط و كانت برضه عربية كوري

أقولك بقي علي مفاجأة ..
الياريس اللي هيا ياباني (اللي بتقولوا عليهم بيهتموا بالامان) حصل تصادم مع ميكروباص و تصادم جانبي بسيط جدا بسرعة اقل كثيرا من التي حدثت لي باللانوس و مع ذلك حجم الاصابة كان مشابها الي حد كبير لما حدث باللانوس
تخيل !!!

كلمة أخيرة ..
مهما كان السائق محترف , و لو راكب دبابة مش عربية ألماني و مصفحة كلها بفولاذ , و فيها فرامل بتوقفها في ثانية , و 30 وسادة هوائية
و ربك رايد أن اللي جوه مايطلعش منها مش هايطلع و لو العكس و ربك رايد أنك تخرج سليم و من غير خدش واحد برضه هايحصل
و ساعتها بقي ماتقولش أصل العربية دي كويسة , لأ قول هذه ارادة الله
و طبعا لازم أحنا نعقلها و نتوكل