هل الموتور الخفيف بيأخر الدوار ؟

**mada_2005** · 26-07-2012 01:26 AM

بصراحة اول مرة اكتب استفسار بس بصراحة كان نفسى اسأل :)
عربيتى 128 وفيها موتور ريجاتا 1500
المشكلة دلوقتى ان المكنة خفيفة وبتاكل زيت كتير وصوتها عالى جدا ده طبعا بعد الكشف على الشكمان وطلع سليم ودخان الفايظ الكثيف لدرجه ان الناس اما تبص على العربية تنبهنى ان العربية بتولع اقلهم لا عادى مفيش حاجة .
ده طبعا راجع لظروف الزواج اللى مخلينى مش قادر اصرف عليها دلوقتى

المشكلة تحديدا عندى تأخير جامد فى الدوار وطبعا بعد لف وتغيير طقم الكهرباء وضبط الاسبراتير وتنظيف الكربوراتير باردو عندى نفس المشكلة وفى واحد ميكانيكى قلى ان سبب التأخير ان المكنة خفيفة

انا طولت عليكم عارف بس نفسى الافادة من حضارتكم

**hassanin_lada** · 26-07-2012 02:44 AM

مش شرط ..ممكن يكون المارش عاوز يتظبط .. 20 جنيه هيتروق.. وبعدين ماتور 1500 بتاع ريجاته في 128 ليه داخل بيها سبق..انا كان عندي 1300 بتاع ريجاتا بردو وكنت بشد مع العربيات الحديثه وكانت بتجيب معاهم لدرجة اني في مره لقيتها جايبه 140كم وكانت مع عربيه لانوس صاحبها قالي انت مركبلها تربو ولا ايه..طولت عليك انا عارف بس انا بعشق حاجه اسمها 128

**mada_2005** · 26-07-2012 02:58 AM

لا والله مش موضوع سباق بس شارى العربية كدة من سنتين ونص انا وصلت فعلا لى 140 بس بصراحة خفت ازود عشان الثبات
شكرا على مرورك وردك الكريم وهجرب اللى قلتلى عليه لحد اما ربنا يكرمنى واعرف اخليها عربية بنت ناس

**hassanin_lada** · 26-07-2012 03:08 PM

ربنا يكفيك شرها ويديك خيرها

**chiko** · 26-07-2012 06:47 PM

تاخير الدواره بسبب الماتور لان البوجيهات بتعرق زيت و لما بتركن بتعمل عازل و بتيجي بعد كم ساعه تدور بيبقي صعب تدور و لما تدور مبتظبطش الا لما تسخن ...

**mada_2005** · 26-07-2012 08:22 PM

هو ده فعلا بيحصل والعربية اما بتكون دايرة وباردة بتفصل علطول لازم اعلق البنزيت شوية 10 دقايق على الاقل ده طبعا صوتها لا يطاق

**mada_2005** · 26-07-2012 08:23 PM

طيب الحل ايه اغير طقم بوجيهات كل اسبوع

**chiko** · 26-07-2012 08:31 PM

الحل الاساسي هو عمره للماتور او تغيره .. لكن لو ظروفك متسمحش .. يبقي هات بوجيهات سن قصير ... هتشتغل معاك مدي اطول و كل ما تحس ان البوجيهات عرقة تاني .. فكهم و صنفرهم و ركبهم تاني ..لان حرم كل شويه تغير طقم ..

**bebom** · 27-07-2012 12:04 AM

المشاركة الأصلية كتبت بواسطة mada_2005

لا والله مش موضوع سباق بس شارى العربية كدة من سنتين ونص انا وصلت فعلا لى 140 بس بصراحة خفت ازود عشان الثبات
شكرا على مرورك وردك الكريم وهجرب اللى قلتلى عليه لحد اما ربنا يكرمنى واعرف اخليها عربية بنت ناس

انا كان معايا 128 ماتور1300 كان خفيف قرصت علية جبت 130 وهيا جبتني مقطور فخد بالك متقرص علي عربية ماتورها خفيف

**mada_2005** · 27-07-2012 08:24 AM

المشاركة الأصلية كتبت بواسطة bebom

انا كان معايا 128 ماتور1300 كان خفيف قرصت علية جبت 130 وهيا جبتني مقطور فخد بالك متقرص علي عربية ماتورها خفيف

اشكرك على النصيحة اخى الفاضل بس الكلام ده ايام ماكنت فرحان بيها لسه دلوقتى خلاص بطلت الكلام ده حتى لو سايق عربية نضيفة ربنا يكفينا شر العربيات

الموضوع: هل الموتور الخفيف بيأخر الدوار ؟

LinkBack

أدوات الموضوع

عرض

المواضيع المتشابهه

هل الموتور الخفيف بيأخر الدوار

الموتور الخفيف وزيت الفتيس

ازاى اعرف ان الموتور الخفيف

الفتيس الcvt بتاع الانسر حاسس زى ما يكون بيأخر فى النقل

الكلمات الدلالية لهذا الموضوع

المفضلات

المفضلات

ضوابط المشاركة