انا مسافر مصر كمان شهر ونصف ومعاية ميجان 2006 وهى حالتة جيدة جدا لو سمحتم لو فى نصائح قبل السفر يعنى زى تغير الزيوتوالحاجات دية يعنى يبقا جزاكو الله كل خير
عرض للطباعة
انا مسافر مصر كمان شهر ونصف ومعاية ميجان 2006 وهى حالتة جيدة جدا لو سمحتم لو فى نصائح قبل السفر يعنى زى تغير الزيوتوالحاجات دية يعنى يبقا جزاكو الله كل خير
اهم نصيحة متسافرش بالعربية :-)
كاوتشاتك كلها زيرو وياريت لو معاك اكتر من استبن وممكن جركن بنزين احتياط وعلبه الاسعاف
وحاول تعرف تفاصيل الطريق من حد عملها كتير قبل كده وياريت تعمل للعربيه تشيك في التوكيل قبل ما تسافر على الحساسات والافتكاسات العظيمه بتاعه رينو
وان كنت مش متفائل بسفر ب عربيه رينو عموما خصوص الميجان بس لو الي معاك فرنساوي مش تركي الموضوع هيبقى مريح نسبيا
وعموما متقلقش ربنا معاك
ولية مسافرش بالعربية اولا دية متعة مع العلم بتعبها ثانيا بترحمك من تأجير العربيات
طيب اخى الفاضل /اعرف منين انها فرنسى اوتركي
مهم جدا حالة الكاوتش والفحص في التوكيل
وبالنسبة للسفر، الميجان من أروع السيارات التي سافرت بها في حياتي في فئتها وهي على طريق السفر تسبق فئتها بكثير من حيث الآداء والاعتمادية وافتكاسات رينو ماشفتهاش عطلت وقفتها وهي مسافرة قبل كده على حد علمي بل على العكس المنتدى مليان بمواقف مشرفة للسيارة على طرق السفر وبها أعطال
وموضوع فرنسي أو تركي ده لا يؤثر في أساسيات السيارة وليس له علاقة مطلقاً بكفاءة السيارة واعتماديتها في السفر وعوامل الأمان فيها
ولكن أخي الكريم صاحب الموضوع أنصحك بدراسة الطريق جيدا والكشف على السيارة ثم توكل على الله وتابعنا بأخبارك
وإن شاء الله مغامرة ممتعة ورحلة موفقة وتوصل بالسلامة
ببساطه حضرتك طالما سافرت قبل كده على الطريق وعارفه كويس يبقى شيك على عربيتك وتوكل على الله ولو معاد صينتك قرب اعمل الصيانة قبل ماتيجي وكمان اتأكد ان الكاوتش تمام والميجان من احسن العربيات في السفر الطويل وانا شخصياً معايا 2006 حالتها ممتازة وسافرت بيها الشهر الى فات اسوان ورجعت بعد يومين وعملت في المشوار ده 2100 كم بدون اي مشكله .
توكل على الله وربنا يجيبك بالسلامة وكل سنه وانتا طيب
اعتقد ان مشوارك كله داخل السعوديه وده على حسب المكان الى انتا قاعد فيه بعد كده هتعدي البحر بالانش وسواقتك جوه مصر هتبقى من نوبيع او سفاجا تقريباً للقاهرة بس يعني الموضوع مش صعب ولا حاجه زي مالناس فاكره ..
تيجى بالسلامة بس بالنسبة لحكاية تركى أو فرنساوى دا كلام فاضى ومش نقطة نعلق عليها
تيجى بالسلامة بأذن الله
أشترى منفاخ كاوتش
أشترى أسبراى لحام ونفخ الكاوتش لو أتخرم يريحك من فك ألأستبن وتفضية الشنطة و العطلة فى الشمس
شيك على البطارية
gps وراجع الطريق على ال google earth قبل السفر على الكومبيوتر
تلاجة رحلات ومية و بانادول