انا مسافر من السعودية لمصر بميجان 2006ممكن نصائح

**hanyfawzy** · 26-07-2012 03:47 AM

انا مسافر مصر كمان شهر ونصف ومعاية ميجان 2006 وهى حالتة جيدة جدا لو سمحتم لو فى نصائح قبل السفر يعنى زى تغير الزيوتوالحاجات دية يعنى يبقا جزاكو الله كل خير

**TARAXAN** · 26-07-2012 03:53 AM

اهم نصيحة متسافرش بالعربية :-)

**حماده المصري** · 26-07-2012 04:56 AM

كاوتشاتك كلها زيرو وياريت لو معاك اكتر من استبن وممكن جركن بنزين احتياط وعلبه الاسعاف

وحاول تعرف تفاصيل الطريق من حد عملها كتير قبل كده وياريت تعمل للعربيه تشيك في التوكيل قبل ما تسافر على الحساسات والافتكاسات العظيمه بتاعه رينو

وان كنت مش متفائل بسفر ب عربيه رينو عموما خصوص الميجان بس لو الي معاك فرنساوي مش تركي الموضوع هيبقى مريح نسبيا

وعموما متقلقش ربنا معاك

**hanyfawzy** · 26-07-2012 05:27 AM

ولية مسافرش بالعربية اولا دية متعة مع العلم بتعبها ثانيا بترحمك من تأجير العربيات

**hanyfawzy** · 26-07-2012 05:28 AM

طيب اخى الفاضل /اعرف منين انها فرنسى اوتركي

**abdo_2812** · 26-07-2012 08:41 AM

مهم جدا حالة الكاوتش والفحص في التوكيل

وبالنسبة للسفر، الميجان من أروع السيارات التي سافرت بها في حياتي في فئتها وهي على طريق السفر تسبق فئتها بكثير من حيث الآداء والاعتمادية وافتكاسات رينو ماشفتهاش عطلت وقفتها وهي مسافرة قبل كده على حد علمي بل على العكس المنتدى مليان بمواقف مشرفة للسيارة على طرق السفر وبها أعطال

وموضوع فرنسي أو تركي ده لا يؤثر في أساسيات السيارة وليس له علاقة مطلقاً بكفاءة السيارة واعتماديتها في السفر وعوامل الأمان فيها

ولكن أخي الكريم صاحب الموضوع أنصحك بدراسة الطريق جيدا والكشف على السيارة ثم توكل على الله وتابعنا بأخبارك
وإن شاء الله مغامرة ممتعة ورحلة موفقة وتوصل بالسلامة

**Shiref_mohamed** · 26-07-2012 11:28 AM

ببساطه حضرتك طالما سافرت قبل كده على الطريق وعارفه كويس يبقى شيك على عربيتك وتوكل على الله ولو معاد صينتك قرب اعمل الصيانة قبل ماتيجي وكمان اتأكد ان الكاوتش تمام والميجان من احسن العربيات في السفر الطويل وانا شخصياً معايا 2006 حالتها ممتازة وسافرت بيها الشهر الى فات اسوان ورجعت بعد يومين وعملت في المشوار ده 2100 كم بدون اي مشكله .
توكل على الله وربنا يجيبك بالسلامة وكل سنه وانتا طيب

**Shiref_mohamed** · 26-07-2012 11:33 AM

اعتقد ان مشوارك كله داخل السعوديه وده على حسب المكان الى انتا قاعد فيه بعد كده هتعدي البحر بالانش وسواقتك جوه مصر هتبقى من نوبيع او سفاجا تقريباً للقاهرة بس يعني الموضوع مش صعب ولا حاجه زي مالناس فاكره ..

**MohammedAladel** · 26-07-2012 02:30 PM

تيجى بالسلامة بس بالنسبة لحكاية تركى أو فرنساوى دا كلام فاضى ومش نقطة نعلق عليها

**ashraf1212** · 26-07-2012 02:47 PM

تيجى بالسلامة بأذن الله

أشترى منفاخ كاوتش
أشترى أسبراى لحام ونفخ الكاوتش لو أتخرم يريحك من فك ألأستبن وتفضية الشنطة و العطلة فى الشمس
شيك على البطارية
gps وراجع الطريق على ال google earth قبل السفر على الكومبيوتر
تلاجة رحلات ومية و بانادول