| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 12

  1. #1

    الصورة الرمزية heka_m_y

    رقم العضوية : 3316

    تاريخ التسجيل : 20Nov2007

    المشاركات : 116

    النوع : ذكر

    الاقامة : القاهرة

    السيارة: لانسر شارك 2012

    السيارة[2]: لانسر 1300 - 2009

    دراجة بخارية: لا يوجد

    الحالة : heka_m_y غير متواجد حالياً

    افتراضي نصيحة لشراء الشارك - Facebook Twitter whatsapp انشر الموضوع فى :

    hasad">

    انا عايز اقول نصيحة للى محتار بين اللانسر والماركات الاخرى انا كنت محتار ايضا بس لما حسبتها لقيت الفلوس اللى معايا يا إما تجيب كورى زى السيراتو أو الكروز أو الكارينز يا إما يابانى زى البومة أو الشارك وبعد تفكير كتير جدا وسؤال أهل الخبرة وتوكيل متسوبيشى وحتى مندوبى المبيعات عرفت حاجة واحدة وهى قاعدة أنا مؤمن بيها لما يكون معايا فلوس تجيب كورى أو يابانى هجيب يابانى وانا مغمض مع كل الاحترام للكورى ومع الثورة الهائلة اللى عملتها كوريا فى سيارتها ولكن اليابانى أفضل من حيث الثبات والقوة والاحساس والامان والاحساس بأنك تمتلك سيارة لو حصل اى حاجة فيها سيتم ارجاعها لاحسن من الاول . عارفين فكرة البيجو 504 ايه هى احساسك بأنك تمتلك سيارة العمر كل ما تبوظ تجددها وترجع تانى أحسن من الاول زى ما يكون عندك عقار مثلا .

    تبقى فكرة واحدة طيب اجيب ايه بومة ولا شارك . البومة منتشرة جداجدا وأثبتت وجودها فى السوق المصرى وهو سوق يختلف عن باقى أسواق العالم وسبب انتشارها هو رخص ثمنها كسيارة يبانية بالنسبة للسيارات الاخرى ومع احترامى لهذه السيارة لكن لى بعض الاسباب لعدم تكرار تجربة امتلاكها مرة ثانية أول الاسباب ان السيارة كراسيها مش كويسة فى القاعدة عليهم يعنى مش بحس بالراحة وامتلاك الكرسى لجسمى وبالاخض ظهرى عكس الكريستالة مثلا كراسيها حكاية فى قاعدتها . ثانى شىء العربية مش ثابتة على السرعات العالية مش زى ما كتير من الناس بيقولوا عليها وانا متأكد من الموضوع ده جدا جدا جدا جدا جدا جدا جدا ثالث شىء العزل فيها مش كويس و فيها بعض عيوب صناعة مثل موضوع صوت النأرزة اللى بنسمعها من الدريكسيون فى المطبات الخفيفة بالاخص وانت كالسر شمال . رابع شىء إضاءه التابلوه الضعيفة مع حترامى لشياكة التابلوه ولكن ضعف الاضاءة وشكل العدادات القديم فى التصميم غير مناسب لى ومش بيحسسنى ان انا بحب ركوبها دايما .

    فضلت فكرة واحدة الشارك الغير محبوبة فى السوق المصرى اطلاقا وده بسبب الوكيل اللى نزلها فى البداية بسعر عالى جدا فكان اللى بيفكر يشتريها طيب مايجيب أوكتافيا مثلا فعلشان كده لم تأخذ اعتبارها فى السوق مع العلم انها هى السيارة المتسوبيشى الاكثر انتشارا فى العالم كله حتى فى موقع بيجيب موديلات العربيات عامل البومة لحد 2008 فقط بعد كده أصحبت شارك بس مافيش بومة يعنى مافيش حاجة اسمها بومة بعد كده فى الشيب الجديد وهو الشارك . وبعد ملاحظة دقيقة لقيت ان مثلا 100 واحد بيبيع سيارة بومة مستعملة و 5 فقط بيبيعوا شارك طيب ليه اللى بيشريها بيمسك فيها كده عرفت ليه بعد ما اشترها السيارة فخمة جدا بمعنى الكلمة تخليك عايز تركبها وخلاص مش شرط رايح فين بس المهم تركبها وتستمتع بالفخامة والانوار وشاشة الكمبيوتر اللى فيها أوبشن غير عادى زى العربيات الالمانى ده بخلاف ثباتها الرهيب وقوة الماتور المايفك اللى مش عارف أوصفه ازاى ووسع صالونها بالنسبة للبومة مع الاخذ فى الاعتبار بصغر حجم الشنطة .

    فى حاجة واحدة عايز اضيفها موضوع الخسارة فى بيع السيارة بعد الاستخدام هناخد مثلا البومة السوبر أكشن الواحد بيجيبها زيرو بحوالى 125 الف جنيه وبعد 3 أو 4 سنوات استخدام بتتباع بحوالى 85 ألف جنيه يبقى خسر كام حوالى 40 الف جنيه حتى لو باعها ب90 الف جنيه خسر كام 35 الف جنيه نيجى بقى للشارك انا مثلا الفئة الفئة الثالثة ب134 الف جنيه هتتباع مستعملة بعد 4 سنوات بكام بحوالى 90 الف جنيه وده سعر المستعمل موديل 2008 دلوقتى يبقى الخسارة كام حوالى 44 الف جنيه يعنى هى هى زى البومة بس البومة سهل فى بيعها بسرعو نظرا للاسباب اللى ذكرتها والشارك مش هيقدم عليها الا اللى ركبها او ركبها مع واحد قريبه أو صحبه مثلا .

    والله مش علشان حاجة انا مش مندوب مبيعات لشارك بس فى فرق رهيب بين البومة والشارك وبردوا مع احترامى للبومة كسيارة عائلية ممتازة جدا جدا جدا .

    ومن وجهة نظرى اللى يفوق الشارك التويوتا ثم الهوندا طبعا فلا غبار عليهما اطلاق ولو معايا فلوس زيادة كنت جيبت تويوتا ولو فلوس اكتر كنت جيبت هوندا ولو اكتر كنت جيبت اوكتافيا ولو اكتر يبقى معشوقتى البى ام دبليو حتى لو مانيوال .

    الكورى سيارة ممتازة جدا جدا جدا بس مش سيارة العمر لواحد مش هيغير كل 5 سنوات يعنى لو واحد عايز يركب زيرو لمدة 5 سنوات فقط وبعد كده يغير يركب كورى مع اعتراضى على عدم الثبات والتقفيل السيىء للسيارة والذى يتسبب فى أصوات غريبة مش تحسسك انك راكب زيرو .

    اليابانى سيارة لفترة كبيرة جدا جدا جدا .

    الالمانى مش قادر اوصفها طبعا كلنا عارفين يعنى ايه المانى .

    ملحوظة أخيرة الكروز سيارة جميلة بس تقيلة وماتورها لا يناسب جسمها .
    الالنترا خفيفة والباور خفيف جدا يصعب التحكم فيها على السرعات العالية .


  2. #2

    الصورة الرمزية Mido Khaled

    رقم العضوية : 126683

    تاريخ التسجيل : 27Jun2012

    المشاركات : 19

    النوع : ذكر

    الاقامة : cairo

    السيارة: Golf

    السيارة[2]: Bmw

    دراجة بخارية: Honda

    الحالة : Mido Khaled غير متواجد حالياً

    افتراضي -

    واللة يا باشا انا زيك لغاية دلوأتي عمااال اسأل علي الشارك والبومة والكروز بس كدااا حضرتك خلصت الكلام وشكراااا علي الموضووووووع داااا


  3. #3

    الصورة الرمزية Ahmedhussein007

    رقم العضوية : 78571

    تاريخ التسجيل : 25Aug2010

    المشاركات : 879

    النوع : ذكر

    الاقامة : Cairo-Fayoum

    السيارة: Corolla06-Lancer ex sport

    السيارة[2]: Vectra98-Megan06pano

    دراجة بخارية: no

    الحالة : Ahmedhussein007 غير متواجد حالياً

    افتراضي -

    الشارك مش هيعرف قيمتها غير اللى ركبها ربنا يوفقك ويباركلك فيها والف مبروك

    رضيت بالله ربا وبالاسلام دينا وبمحمدا صلى الله عليه وسلم نبيا ورسولا
    Ahmed hussein
    ______________
    mido353235 سابقا


  4. #4

    الصورة الرمزية semi

    رقم العضوية : 35845

    تاريخ التسجيل : 18Mar2009

    المشاركات : 713

    النوع : ذكر

    الاقامة : Egypt

    السيارة: None

    السيارة[2]: Volkswagen Pointer

    دراجة بخارية: None

    الحالة : semi غير متواجد حالياً

    افتراضي -

    تقرير بصراحة اكتر من رائع وواضح انك لك باع طويل مع الميتسوبيشي
    لقيتك اتكلمت على الكريستالة لحد الشارك
    بصراحة شركة محترمة بس اكتر موديلات بحترمها منها هي الكريستالة والشارك
    انا شايف انها موديلات عملت طفرة وهتفضل تتباع لسنين ادام حتى بعد ما تقدم
    مش متفق معاك ان التويوتا افضل لكن الهوندا بحترمها والاوكتافيا عربية جبارة وده عرفته متاخر شوية


  5. #5

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    سؤال هو في شارك مانيول صح
    بس موديل 2008 و 2009 وفي بعده كده ولا لا
    وهل الي قولته في شئ غلط ؟؟


  6. #6

    الصورة الرمزية heka_m_y

    رقم العضوية : 3316

    تاريخ التسجيل : 20Nov2007

    المشاركات : 116

    النوع : ذكر

    الاقامة : القاهرة

    السيارة: لانسر شارك 2012

    السيارة[2]: لانسر 1300 - 2009

    دراجة بخارية: لا يوجد

    الحالة : heka_m_y غير متواجد حالياً

    افتراضي -

    هو بصراحة اللى شوفته فى المعرض موديل 2012 كلها اوتوماتيك من أول فئة حتى الهى لاين


  7. #7

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    اقتباس المشاركة الأصلية كتبت بواسطة heka_m_y مشاهدة المشاركة
    هو بصراحة اللى شوفته فى المعرض موديل 2012 كلها اوتوماتيك من أول فئة حتى الهى لاين
    هو موديل 2012 بالفعل كله اوتو
    انا كنت اقصد 2008 و 2009
    لاني اعتقد اني لمتحها مانيول بتتباع فبسأل علشان اتأكد
    وتسلم علي اهتمامك يا باشا ..


  8. #8

    الصورة الرمزية assaf

    رقم العضوية : 602

    تاريخ التسجيل : 12May2007

    المشاركات : 796

    النوع : ذكر

    الاقامة : sharkia

    السيارة: Lancer 99

    السيارة[2]: Logan AT 2014

    دراجة بخارية: no

    الحالة : assaf غير متواجد حالياً

    افتراضي -

    شكرا علي التقرير
    الشارك مظلومه في مصر بسبب سعرها و ان قطع غيارها غاليه سنه مع انها احسن واحدث


    م/محمود عساف


  9. #9

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي -

    من الاسباب التى أدت لعدم انتشارها انها كانت ١٥٠٠ سى سى و بالتالى الموتور كان ضعيف شويه و ده تداركوه فى موديل السنه دى و كمان ضبطوا السعر و يارب قطع الغيار كمان


  10. #10

    الصورة الرمزية IronHead

    رقم العضوية : 111033

    تاريخ التسجيل : 21Aug2011

    المشاركات : 821

    النوع : ذكر

    الاقامة : Cairo

    السيارة: NA

    السيارة[2]: Lancer EX

    دراجة بخارية: NA

    الحالة : IronHead غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة s o p h o s مشاهدة المشاركة
    سؤال هو في شارك مانيول صح
    بس موديل 2008 و 2009 وفي بعده كده ولا لا
    وهل الي قولته في شئ غلط ؟؟
    فى 2008 و 2009 مانيول بس قليله قوى



 
صفحة 1 من 2 1 2 الأخيرةالأخيرة

المواضيع المتشابهه

  1. نصيحة لشراء ماروتى
    بواسطة الحصان الاسرع في المنتدى سـوزوكى
    مشاركات: 26
    آخر مشاركة: 09-12-2012, 11:53 AM
  2. نصيحة لشراء نوبيرا
    بواسطة tammmer في المنتدى دايــو+شيفرولية لانوس
    مشاركات: 5
    آخر مشاركة: 21-11-2011, 02:37 AM
  3. طلب نصيحة لشراء bmw
    بواسطة yehia في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 14
    آخر مشاركة: 12-10-2009, 01:54 AM
  4. نصيحة لشراء عربية
    بواسطة فاروق في المنتدى المنتــــــدى العـــــــــــام للسيــارات
    مشاركات: 0
    آخر مشاركة: 14-11-2007, 06:35 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2