https://fbcdn-sphotos-a.akamaihd.net...32707760_n.jpg
عرض للطباعة
الف مبروك شكل الموتور في ميني ساقط لتحت شويه وده مفيد لانه بيقلل center of Gravity هيديك ثبات أكتر بس اقترح عليك تركب مصفحة اوبل فيكترا95 علشان حمايه العربيه من تحت وربنا يباركك فيها ويحميك انا متوقع أرقام تسارع خياليه علشان تقريبا مفيش وزن فياريت تهتم بالفرامل والعفشه
الف مبروك وربنا يوفقك ومستنين تقرير التسارع
بجد تحفة ومجهود خارق ومحاولة متهيالي مش هابالغ انها الاولي في مصر وربنا يوفقك ..فية شوية نقط محتاجة مراجعة وياريت تخلي بالك منها زي مجال الحركة الحر للعجلات الامامية اثناء الدوران يمين وشمال لاني حاسس ان الموتور كبير ومش عارف هل اللي تحت دي طلمبة الباور ولا الكومبرسور بتاع التكييف اشك انة هيحك في العجل وهيقلل من مناورة العربية في الملفات اليمين
طبعا وزن الموتور متقارب خصوصا ان الميني موتورها كله زهر (وش سلندر وبلوك) وبالتالي مافيش مشكلة في مركز الثقل بس الموتور يكون منخفض قدر الامكان وطبعا دة هيستدعي التصفيح من تحت وممكن تستخدم شيت الالومنيوم 4مم هيكون خفيف وصلب لحماية الموتور من الصدمات ومابيصديش
انت لغيت خالص مبرد الميني اللي بيكون في الشمال وحطيت مبرد اخر في اليمين متهيالي حجمة صغير علي سعة المحرك عموما الكلام دة مش هيبان الا بعد تشغيل الموتور والجري بالعربية لمسافة طويلة نسبيا
في الحالة دي لازم تكون مجهز لمبرد اكبر وطبعا مبرد للزيت هيكون رائع
زي ما قال الاخ هشام موضوع الفرامل عايز نظرة وقطع الغيار بتاعة الماستر الرئيسي هتلاقيها عند فؤاد وميخالي في وسط البلد اكيد هيكون نوعة لوكاس انجليزي والضخة بتاعتة هتكون مناسبة للفرامل القديمة لو هتستخدم نفس المساتر الامامية وهتكبر محيط الديسك يبقي هتحتاج حاجة اكبر وممكن بتاع الروفر 214او اللاند روفر ديفندر بس سعرة ....ربنا معاك واظن بديل من هوندا هيكون ارخص بكتير بس هتعدل المواسير واللي اظن انك عدلتها بالفعل
في النهاية انت مثابر ومجتهد وعمات حاجة كويسة وتجربة متفردة تستحق الثناء عليها
وبالمناسبة انا اول ما دخلت موضوع العربيات دي وانا في اولي ثانوي كان معايا عربية والدي القديمة فوكسهول فيفا موديل 71 بنفس موتور الميني ال1254 وطلعت عين ابويا حتي في المسامير كلها كانت رويال مش ميتريك وعدلتها بتركيب موتور فيات 131 السي الل ال1600 وكانت طلقة في زمنها سنة 84 ايام بقي وفضلت معايا لغاية ما اتجوزت كنت صرفت عليها قرابة 30000 جم مابين كراسي ريكارو وجنوط وتابلوة وسمكرة ودوكو وتعديل في الشكل وووو لغاية ما مراتي قالتلي يانا ياالعربية دي وطبعا ضحيت بالام والجنين علشان اعيش ...تحياتي وكل سنة وانت طيب
الف مليون مبرووووووووووك يا معلم اهتم بلفرامل يا باشا اوعا تنسى
اولا انا عندى ملحوظه صغيره لازن تقلب الريدياتير تبقى المروحه جوه حتى لو قلبت تبريد المروحه جوه لازم الموتور يبقى جوه العربيه
ولو معندكش مكان هات مروحه لاطش بتاعت التكييف و دى مش هتاخد جير نهائى و خصوصا كمان ان ده ريدياتير هوندا فا المروحه هتييجى عليه زى ال x
ثانيا انت من نصر الدين
ربنا يكفيك شرها يارب و يديك خيرها
^_^