الثلث سيارات فيهم كماليات ممتازة وال تلاتة الماني ياريت حد مجرب يقولي إيه الاخبر.
عرض للطباعة
الثلث سيارات فيهم كماليات ممتازة وال تلاتة الماني ياريت حد مجرب يقولي إيه الاخبر.
اكيد الجولف عربية ممتازة بس موتورها ضعيف جدا على سعرها
الاودي ممتازة بس قدمت وهتتخيط في قطع غيارها واعادة البيع
انا شايف الفوكاس احسن خيار واحسن قيمة مقابل السعر
الفورد امريكي
ال 3 جامدين طبعا بس انا بفضل ال audi
كراي فقط الفورد ..
فعلا التلاته فيهم مشاكل حتي الفوكس فيه كلام علي الفتيس و الجولف و اودي برضه تقربييبا فتيس dsg عليه كلام من زمان
ممكن تشوف استرا تربو او بي ام كسر زيرو :)
ياااااااااااااه .....هى لسا الناس فاكره ان الفورد امريكى ووحش بنزين
الجولف ماتتركبش أقل من tsi مش معقول أشتري عربية شكلها رياضي بأكتر من 200 ألف علشان في الآخر ماخدش منها الباور و السرعة اللي أنا عايزها !!! و الـ tsi ماعدتش بتنزل خلاص ، ولو نزلت هتلمس الـ 300 ألف أعتقد !!! ( راحت عليكي يا جولف )
الأودي أعتقد مازال موجود منها الـ 1.4t بس برضه بـ 300 ألف ..... شكلنا مش هنعرف نركب مواتير رياضية من فولكس غير لو سافرنا أوروبا !!! و عموما الأودي و الجولف وجهين لعملة واحده .. نفس الشاسيه و المواتير ، بالتالي برضه لو مافيش منها tsi مش هشتريها أبدا ( فلوس على الأرض )
الفوكس الجديدة أفضل اختيار في رأيي .. 185 ألف تجيبها هاي لاين بكماليات زي الفل و شكل رياضي و موتور محترم جدا و فيتيس الشيفت الجديد تمام سيبك من اللي بيقول عليه وحش هو بس محتاج تعود ...... بالتالي الفوكس موتورها أصلا أفضل من موتور الجولف أو الأودي العاديين .. طالما مش tsi يبقى الفوكس تكسب في رأيي ، و كمان كماليات مش هتحس بفرق تقريبا .. يبقى انت كده يا باشا بتحط فلوسك في المكان المناسب .