يا جماعة ارجوكم حد يدلنى على بتاع ازاز كويس الاقى عندو بريلليانس و يكون بيفتح بدرى
علشان واحد حرامى لسه رازعها وعاوز يكسر زجاج الباب بتاعى ولوا الفاميه هو اللى مسكه
لو سمحتم دلونى بسرعة لان مش هيجلى نوم
عرض للطباعة
يا جماعة ارجوكم حد يدلنى على بتاع ازاز كويس الاقى عندو بريلليانس و يكون بيفتح بدرى
علشان واحد حرامى لسه رازعها وعاوز يكسر زجاج الباب بتاعى ولوا الفاميه هو اللى مسكه
لو سمحتم دلونى بسرعة لان مش هيجلى نوم
خير ان شاء الله قدرالله وماشاء فعل........والله لو اعرف واحد كنت قلتلك صح النوم يارجالة وياريت لو عندكم ارقام تليفونات علشان يكلمه قبل مايروح للتأكيد ان عنده زجاج باب السواق
قدر الله وماشاء فعل --
انا سالت عن محل زجاج الحاجه . اسمه زجاج الحاجه وهو من المحلات القديمه فى بيع وتركيب الزجاج وعنوانه 163 شارع حسن الآنور مصر القديمه وتليفونه 23632099 وربنا يسترها معانا جميعا --- تحياتى .
اطلع على د. جريش العاشر من رمضان احسن
على الطريق الرئيسي
جريش مصر الجديدة أو الثلاثي في الحرفيين
شكرا لكل الناس اللى ردت عليا
انا رحت جريش العاشر لانى معرفش ان ليه فرع فى مصر الجديدة
بس ملقتش الازاز بس سالت على سعرو قالى 110
و بردو ناس هناك وصفتلى الثلاثى
يقوم يقولى ده الازاز الصينى بتاعها و ب 350 جنيه!!!!!!
قلتلو لا دا اذا كان فى التوكيل ب 300 اجيبو من برة ب 350 ليه؟؟؟
من هنا لهنا قالى نشوف بس الازاز و مش هنختلف
بينى وبينكوم كنت تعبان فا قلت يلا خلينى اخلص
فضل يعافر مع الازاز و يركبو من المجرة كده راح مطلعلى البتاعة اللى بتشيل الازاز من المجرى وقعد يقولى المكنة دخل جواها ازاز و لازم تتفك
قلتلو يعنى ايه؟؟؟ هتكلف كام قالى لا انت هتروح لبتاع ببان
قلتلو و الازاز هتحسبهولى بكام؟؟؟
قالى بالتركيب 280
قلتلو لا سيبها زى ما هى يا عم انتو هتدخلونى فى حوارات ليه
و جيت اديلو 10 جنيه لحسن يدعى عليا و هو صايم و خفت اكون انا الخلطان علشان متفقتش من البداية فا لازم اراضيه
بس مرداش ياخد الفلوس و بصراحة كان زوق
وهب رحت رافع السليتكس فى الباب اللى ورا وطلعت على اوتو تك وده وكيل البفارية و الحمد لله لقيت الازاز و قالى بكام بقى؟؟؟؟
160
قلتلو اتكل على الله يا عم الحاج و بالمرة تشك عفشة و فرامل و دلع العربية انا اصل طلع من زمتى 300 جنيه اعمل بيهم اى حاجة
ربنا سترها ان شاء الله وروح دكتور جريش العاشر من رمضان وركبه ان شاء الله خير