قدر الله وماشاء فعل ..

**DESIGNER105** · 26-07-2012 01:08 PM

السلام عليكم ....ورمضان كريم

امبارح كان عندى حفل افطار جماعى فى فندق فى 6 اكتوبر ...حاجه يعنى تبع الشغل عندى ... اتجمعنا فى مقر الشركة فى القرية الزكية ومشينا ورا بعض عربيات وطبعا اكتوبر بقه والشوارع فاضيه وكلو فتح
واتقلب الموضوع لسباق رالى طبعا الجين 2 مكثفتنيش وشديت مع السيراتو والنيسان والماتريكس.... والكامبرو كان فى المعاد ... خلص عليهم كلهم ... بس كل مطلع اودام ارجع تانى ورا عشا انا مش عارف الطريق والفندق كان فى حته محدوفه بعد دريم لاند بكتير يعتبر فى حدائق اكتوبر .......

المهم جالى تليفون مهم فهديت شويه وانا بكلم وبعد ميدان جهينه هما دخلو شمال وانا دخلت يمين ومخدش بالى ...المهم تهت ...والمغرب ادن ....ومفيش اى حد فى الشارع هناك غير الترلات ... منين لفين سألت وعرفت اوصل اخيرا ... مألكوش على كمية المطبات الى خدها وعلى سرعات عاليه .. مفيش غيرك فى الشارع فبتجرى وفجه تلاقى مطب ... اخر مطب بقه شوفتى ابل ملبس فيه يجى ب10 متر كده وكان مطب عالى ....

وانا كنت ماشى على 90 ....قمت مفرمل طبعا عشان ماكلوش .... فرملت على مرتين
وكلت المطب بردو وسمعت صوت فرمله جامده و خبطه جمدة ورا ....

عربيه فيرنا لبست فيا من ورا طبعا هو فرمل ودخل فبا بالزحلقه ...الاقصدام الخلفى عندى وقع على الارض
وسلوك السنسورات ونور النمر اتقطع وكل مسامير الاقصدام طارت و مكنها اتقطع حتى النمر اتطبقت وبقا شكلها مشوه جدا .... والجزء الحديد الى ورا الاقصدام اتطبق ..الاقصدام الداخلى يعنى ...

والعربيه الفيرنا الاقصدام بتاعه برو د باز وفك من الجناب بس لسه سابت فى مكانو شويه ولمحت شرخ فى الفانوس عندو

طبعا الراجل اعدت يكلم مردتش عليه سبتو يكلم عشان انا كنت على اخرى ومفيش غيرنا فى الشارع ...سيبتو يكلم واعدت وانا اعدت افكر هعمل ايه واركب الاقصدام ازاى اعدت احاول معا انو يركب مش نافع

طبعا بتاع الفرنا مشى بعد ماعد يبرطم بكلمتين وانا ولا انا هنا ... الى فهمتو انو كان هيلف من نفس الملف الى كنت هلف منو عشان كده كان ماشى ورايا .....

والدنيا عمالا تليل ومفيش نور فى الطرييق غير نور الترلات الى بتعدى ...الحمد لله عرفت اشبط الاقصدام كده بالعافيه ..ولما افلت الشنطة زنقتو شويه ومسك ....

طبعا كنت مش طايق نفسى ...وكنت على بعد خطوات من الفندق خلاص بس مروحتش الفطار حتى الناس الى اتصلو بيا من هناك يشوفو مجتش ليه مردتش على حد ...

ورجعت تانى وخدت المحور لحد المهندسين وانا مبلم طبعا و ماشى وخايف الاقصدام يقع منى فى اى وقت لو خدت مطب ولا حاجه...... طبعا كل ده وانا صايم وهموت من العطش ... فطرت اليوم ده عالساعه 10 كده (الراجل الامن على على بوابة دريم لاند ادانى بلحه لما كنت بسالو عالطريق ) هى دى الى فطرت بيها المغرب بس

................. و فى الاخر الواحد ميقدرش يقول غير الحمد لله

واكيد العربيه خدت عين اليوم ده

السؤال بقه ...الاقصدام ده اكيد يتزبط عند بتاع فايبر؟؟؟

لكن الكلبسات الغريبه الى ماسكاه من الجناب اجيبها منين ؟؟؟؟؟؟ محدش يوقلى توكيل

والخبطه الى فى المصد الحديد الى اتخبط تحت الاقصدام دى تقصر على العربيه ؟؟؟ فى الشاسيه يعنى ...
سلوك السنسورات الى اتقطعات ينفع تتوصل تانى ولا لازم سنسرات جديده ؟؟؟؟

شكرا يجماعة واسف على الاطاله

**wsamir** · 26-07-2012 01:26 PM

قدر الله و ما شاء فعل ان شاء الله تكون مشكلة بسيطة و تتحل و فداك اى حاجة المهم انك بخير

**Hmatchy** · 26-07-2012 01:34 PM

ان شاء الله خير و اطمن بسيطة ان شاء الله
و هى فعلا عين لان حصل معايا موقف شبه بتاعك بس كان على طريق السويس
احمد ربنا انك بخير
انا عرف ان الاحساس بعربيتك فيها مشكلة بيتعبك لكن احمد ربنا انها فى حاجتك بدل ما لقدر الله تيجى فى حاجة تانى

**SAMEH_FOUAD** · 26-07-2012 03:28 PM

قدر الله وماشاء فعل والحمد لله , بس معلش حصل خير وكان لازم ماتجريش فى مكان انت مش حافظة

عموما انزل الحرفيين كل حاجة بيعملوها هناك ولو فية اى حاجة فى المصد هتترد ان شاء الله بدون اى تأثير على حاجة

**eng.ghost** · 27-07-2012 12:22 PM

حمدلله على سلامتك
ان معلوماتى ضعيفة فى السيارات و صيانتها
بس بما إنى مهندس فموضوع اسلاك السينسورات دى تتلحم عادى جدا اهم شئ لو احتجت تطويل يكون من نفس تخانة السلك القديم و تتاكد ان اللحام كويس - Good ....... - و ان مفيش تلميس يعنى عزلهم كويس و جربهم بعد كده و بإذن الله كله هيرجع تمام