العربيه هتتركن شهر ايه الي بيتعمل عشان البطاريه ماتنامش

**chicobon** · 26-07-2012 03:04 PM

زي ما العنوان ما مكتوب العربيه محدش هيستعملها وعاوز اعرف اعمل ايه محتاج نصايحكم

**jit_service** · 26-07-2012 04:42 PM

اهم حاجه حط تفصل البطاريه من السياره ويفضل تلفها في بطانيه قديمه وتشيلها في مكان بعيد عن الرطوبه وعلى قاعده خشب
ويفضل لو عندك حد صاحبك حبيبك يعني ممكن تسيبهاله يبقى يحطها في عربيته كل 15 يوم مره كده لمدة يوم او اتنين ويرجع يشيلها تاني
او لو هيا بطاريه عاديه فضي منها المياه وسيبها مفتوحه ومقلوبه لحد ما تصفي الميه كلها وشيلها ولما ترجه ابقى هتلها مية نار واملاها تاني هتشتغل معاك علطول
او سيبها عادي في العربيه وإفصل كبلاتها ولما ترجع يا اما هتلاقيها عايزه توصيله وهترجع تشتغل عادي او هتبقى عايزه تروح تتشحن لمدة ساعتين ولا حاجه عند اي كهربائي

**MohammedAladel** · 26-07-2012 04:56 PM

عامة البطاريات للاسف ملهاش التخزين

**wael61** · 26-07-2012 05:47 PM

البطارية غالباً ملهاش تخزين سيبها وبعد ما ترجع اشحنها عند كهربائى
المهم تأكد ان عربيتك فى مستوى افقى مش مايل وهى واقفة وتأكد من عدم وجود مياة حواليها او حد بينشر غسيل فوقيها علشان الصدا

**walidadel81** · 26-07-2012 05:47 PM

استاذي ولا تعمل اي حاجه هو بس للامان افصل كابل الارضي وحط حاجه كرتون علي البطاريه عشان مافيش حد رخم يقعد علي كبود العربيه والبطاريه تعمل ماس غير كده سبها عادي انا بسيب عربتي عادي جدااا بالجراج وانا مسافر وبرجع اركب الكابل ولا في اي مشكله

**amr_naser** · 26-07-2012 06:20 PM

السلام عليكم اولا افصل البطارية ويا ريت تشيلها خالص برة العربية ويا ريت تحط العربية فى مكان بعيد عن الشمس والحرارة والرطوبة وكمان اظبط الكاوتش على ضغط 35 ولا حاجة وارفع العربية بحيث تكون مش واقفة على الكاوتش عشان الكاوتش مش يبوظ ويا ريت تشحمها وكمان ترش عليها زيت من تحت ويا ريت ميكنش فيه بارومة فى اى جزء من اجزاء العربية ولو فيه عالجة عشان ميكبرش ونظف الصالون كويس عشان ميكنش له ريحة بعد كدة وغطى التابلوه كويس وخد بالك ان دا كله مش بيحمى العربية بنسبة مية فى المية ويا ريت لو الزيت اللى فى الماتور قديم تغيرة عشان ميعملش رواسب وطبعا العربية ميكنش فيها نقطة بنزين وغطيها كويس جدا وممكن كمان بعد ما تغسل العربية تشمعها بشمع عشان تحافظ على البوية والكلام دا طبعا لو انت حترفعها سنة ولا حاجة انما مثلا لو فية حد يمشيها كل اسبوع لمده ربع ساعة ولا حاجة يكون احسن لأن دا بيحرك الكاوتش ويحافظ على العفشة والبطارية كمان واكيد فيه حجات كتير ممكن تتعمل كمان اسأل برضه وربنا يكرمك