نتيجه مخيبه للامال بصراحه
بس مش عارف ليه حاسس ان العيب في الاكصدامات
تحس ملهومش لازمه غير انهم وزعوا الصدمه علي الصاج و هما زي ما هما
نتيجه مخيبه للامال بصراحه
بس مش عارف ليه حاسس ان العيب في الاكصدامات
تحس ملهومش لازمه غير انهم وزعوا الصدمه علي الصاج و هما زي ما هما
سيئ يا باشا دي جابت شاسيه فرده الشاسيه الشمال اتعوجت الدقيقه 1:39 ده حتى الحزام معملش لوك
يا جماعة الاجانب بيحسبوها مش ثمن اكصدام وكبوت وشنطة وجوز رفارف
هدفهم الاول هو سلامة الركاب وده باين من اللزق اللى محطوط على كل اجزاء هيكل العربية من الخارج وبيقيسوا بيه هل الابواب هاتتأثر ولا لأ لانقاذ الركاب
وكفاية ان الاير باج ما فتحش فى التصادم الامامى والا التكلفة هاتكون باهظة عكس الجيتا الفاشلة اللى حطين السنسور ورا الفوجات !!
بصراحة انا ذهلت من مرونة الاكصدام الامامى !!! حلوة اوى
التصادم الخلفى .. نفس القصة مش هدفهم ايه اللى اتعوج وفردة الشاسيه ايه اللى هايجرالها .. انما اهم حاجة هو توزيع الخبطة على الجوانب وابعادها عن المقصورة
شوفوا مثلا حادثة لفيات 131 من ورا .. هتلاقوا الشنطة نزلت كلها لتحت واحتمال توصل للاكس مع انها حديد
ده فكر بناء السيارات الحديثة زى ما وضح المهندس اسامة بحماية مقصورة الركاب
بالنسبة للتصادمات على سرعات عالية .. بغض النظر عن حجم الخسائر فى العربية .. انما لاحظنا ان الكبوت عمل 8 بالعربي ومقدمة العربية نزلت لتحت بحيث تتوزع الصدمة فوق وتحت بعيد عن صدر العربية والدخول للسائق والراكب الامامى
يا جماعة الخير لو شفتو سيارات الهوندا الجديد وخاصيه body ace (نظام ممتص الصدمات) هتعرفو ان شركات السيارات حاليا هدفها الاساسي تخفيف الصاج عشان الاداء مع توفير كامل عناصر الامان للمقصوره الداخليه والركاب...الهوندا لما بتتخبط من اي مكان تلاقي كل العربيه اتبهدلت لان فيها خاصيه توزيع قوة الصدمه على كل جسم العربيه...دا معناه ان العربيه بتتبهدل لكن المقصوره الداخليه بتبقى محميه...ودا اللي انا شفته في الفديو...المقصوره الداخليه حافظة على شكلها ...والقوائم الحديديه لم تتأثر(بغض النظر عن السرعه)...بس اكيد دا مش معناه انها نازله بخاصيهامتصاص الصدمات زي الهوندا لكن حبيت اوصل الفكره بالمثال دا...ورأي الشخصي ان السياره في غايه الامان(بالنسبه للركاب مش بالنسبه لجسم السياره)
لا حول و لا قوه الا بالله
هو لسه في ناس مقتنعة ان كون الايرباج فتح علي سرعة قليله يبقي ده عيب
بصوا علي الفيديو بتاع السبارك و شوفوا راس الدمية خبطت فين
و الغريب انهم معملوش حركة البويه دي الا مع السبارك و مشفناس راس السواق بتخبط فين في باقي العربيات
و اعتقد ان علي سرعة 15 كيلو و راس السواق خبطت في الدريكسون ولا الازاز الاضرار مش هتبقي قليله و لا ايه
يا جماعة الخير الايرباج دي لحماية الركاب
و مش كون انها غاليه بغباء في بلدنا (بشكل غير مبرر كالعادة)
و ان مش عندنا ثقافة التامين اللي بتتكفل بالامور اللي زي دي
و ان اصلا العربيات مبالغ في سعرها بشكل خرافي
اننا نعتبر ان لما احد عوامل الامان في العربية يشوف شغله انه عيب
الايرباج اللى فتح دا فعلا مش مظبوط الخبطة مش قوية للدرجة دى .. دلوقتى بقى الموضوع متطور اكتر .. فى عربيات فيها g-sensor وdual-stage ايرباج على حسب قوة الخبطة .. لكن ان هو يفتح واصلا العربية سليمة كدا دا انا اعتبره عيب وعربية زى الجيتا او رابط الحزام وخبط كدا مش هتتحرك من الكرسى اصلا الحزام بيمسكك ومش هتخبط فى السقف طبعا لان السبارك صغيرة فالمساحة ضيقة جواها.
حتى الكومينتات على الفيديو مش عاجبهم موضوع الايرباج اللى فتح .. اجانب اهم
بس انا اعتقد هو فتح عشان حاجة .. العربية ممكن يكون فيها سنسور فعلا بيقيس سرعة نزول السرعة بتاعت العربية .. وعشان الحيطة دى مش بتمتص الصدمة ولكل فعل رد فعل فا اكن العربية كانت ماشية 30 او 40 مثلا و وقفت فجأة فا دا للى خلى الايرباج يفتح
بس ارجع واقول الموضوع مكنش محتاج اصلا ولو شوفت الفيديو كويس هتلاقى ان الدمية ملمستش الايرباج اصلا
ودى الايرباج مفتحش يعنى
http://www.youtube.com/watch?v=vvIWM5xQujk&
يافندم .. انا فعلا شايفه عيب من وجهة نظر الاعضاء اللى حسبوها بتكاليف اصلاح الخبطة (كبوت - شنطة - اكصدام - فوانيس - ... الخ)
مش موضوع امان وغيره .. كل يوم الواحد بيتعرض لترييح من العربيات فى الاشارات او ضعف الفرامل اما تلبس فى اللى قدامك او واحد يدخل فيك من ورا او الاتنين من ورا وقدام
لو كل خبطه زى دى الاير باج هايتفتح .. يبقى باذن الله هاتدفع ثمن العربية تغيير تابلوهات وايرباجات
وفعلا فيه عربيات لماركات تم استدعائها بالفعل لأنها كانت بتفتح الايرباج عند عبور المطبات بسرعة والعيب هنا بيكون فى وضعية السنسور
واساسا انا مش مقتنع بتأثير الخبطات على الدمية اللى بيحطوها جوة العربيات لأنها بتتحرك بدون عصب مش زى البنى ادم العادى بيكون فيه رد فعل لقوة الفرمله مثلا او سرعة ارتداد جسم وعضلات الانسان بخلاف الدمية .. بس بتتاخد فى الاعتبار اكيد انه لو انسان مكان الدمية التأثير هايكون فى حدود كذا والضرر هايكون كذا
يا ياسر بيه لو راجعت الفيديو هتلاقي الخبطة اللي جيتا مش بسيطة
ده الكبوت اتاثر جامد و ده علي عكس البيتلز اللي تقريبا متاثرت (التقفيل الالماني و المكسيكي بقي هههه)
و غالبا الخبطة جت في سنسور من السنسورز مباشره و اعتقد انه اللي تحت الفانوس الشمال
و متفق معاك في موضوع الحزام ده بس
و عموما انا كان قصدي في العموم ان الناس ممكن تجيب عربية من غير ايرباج او حتي تقفله لو عندنا في سبيل انه يقلل تكلفه الحادثة و مش مهم هو و ده منطق عجيب بصراحه
يا زعيم ما هو ده اللي بتكلم علية
يعني توفر في تكاليف التصليح و لا تبقي ضامن انك في امان في حالة الحوادث لا قدر الله
كمان زي ما قلت مش عشان تكاليف الاصلاح عندنا غالية و معندناش ثقافة التامين يبقي نستغني عن عوامل الامان
و زي ما وضحت لياسر باشا انا شايف الخبطة اللي في الجيتا مش بسيطة و الكبوت نفسه اتاثر بيها و حاجة بالقوه ده اعتقد انها كافيه لفتح الايرباج خصوصا لو كانت في السنسور مباشرة زي ما انا اعتقد
و يمكن يكون فعلا في عيب في مكان وضع السينسور او في طريقة توزيع الصدمة لدرجة انه اتاثر بيها بس المهم انه شاف شغله
و علي فكره وجهة نظرك في موضوع الدمية دي مش صحيح
لو شفت اي فيديو لحادئة هتلاقي ان البني ادمين ملهمش اي ردة فعل و بيبقوا بيتمرجحوا في كل اتجاه يمكن اكتر من الدمية
لكن انت بتتكلم في ظروف البني ادم هو المتحكم في كل شيئ و ده و قت الحوادث عفانا الله ملوش وجود