استفسار ضرورى ف عربيتى الفتيس عندى اما ادوس بنزين و انا ماشى بيتحرك كده شويه زى ميكون بيتهز و بيرعش اما بكون ع التالت او الرابع مع انى مغيرلو تيش الفتيش و البليه لسه جداد .............. يا ريت من اهل الخبره يفيدونى و لكم جزيل الشكر
عرض للطباعة
استفسار ضرورى ف عربيتى الفتيس عندى اما ادوس بنزين و انا ماشى بيتحرك كده شويه زى ميكون بيتهز و بيرعش اما بكون ع التالت او الرابع مع انى مغيرلو تيش الفتيش و البليه لسه جداد .............. يا ريت من اهل الخبره يفيدونى و لكم جزيل الشكر
شيك على قعدة الفتيس وكرسى المكنة الامامى
شكرا يا باشا على ردك و اهتمامك و لو فى اراء تانيه
كرسى فتيس
انتا منين
انا من المنصورة و شكرا لردك يا باشا و انا هشوف اشيك ف الكرسى و اقولك عملت ايه كده انت منين من القاهرة انا من اكتوبر برضو على فكرة
تسلم لذوقك و انا لي الشرف اني اتعرف عليكو:
انا مهندس ميكانيكا سيارات و بطبيعة شغلي عندي خبرة في جروب ( فولكس - اسكودا - اودي-سيات) و هدفي من المشاركة في المنتدي ان الاخوة الاعضاء ما يقعوش فريسة للفتي و النصب اللي بقي موجود للاسف عند صنايعية كتير و خصوصا ان النوعية دي من العربيات بتحتاج متخصصين علي دراية تامة بطبيعة مشاكلها
ولما بطلب من اي عضو انه يكلمني ده بيبقي مش عشان حجب الفائدة عن بقية الاعضاء لا سمح الله و لكن ده عشان صاحب المشكلة لما بيجي يشارك بيها مش بتبقي كل حاجة واضحة و بالتالي تشخيص العيب مش هيبقي محدد و ممكن ندخل صاحب المشكلة في دوامة هو في غني عنها
يعني تقدر حضرتك تقولي (من خلال اللي شارك بيه صاحب المشكلة )
الرعشة بتحصل في الكيك داون ولا في التزويد العادي؟ العربية عاملة كام الف كيلو؟ العربية مغيرة امتي طقم الدبرياج؟ و كان نوعه ايه؟
اللي غير السيخ و البلية اتاكد ان البلية اصلية والسيخ اللي راكب عدل ولا لا؟و عمل تست قبل ما يقفل؟
دي كلها اسئلة بنسالها لصاحب المشكلة بترتيب معين و بطريقة معينة عشان نقدر نحدد العيب بدقة و افضل طريقة للموضوع ده بتبقي عن طريق التليفون.
اتمني تكون وجهة نظري وصلت ومكنش طولت عليك
وكل ستة و حضرتك طيب
تمااااااااام الكلاام يا باشا الرعشه بتحصل وانا بزود بنزين عادى و اما اخد سرعتى ساعات مش بترعش انا شارى العربيه قريب بس مش عارف مغير ايه فى الفتيس انا غيرت البليه و التيش و اصلييين انت منين من مصر ممكن اجيلك و تجربها بنفسك انا من اكتووبر