عندي مشكله في الكهربا

**حماده المصري** · 27-07-2012 04:00 AM

السلام عليكم ورحمه الله

انا مش عارف هو ده القسم المناسب لطرح موضوع زي ده ولا لا

بس الموضوع عن كهربا الشقه بتاعتي

انا ساكن في شارع عز الدين عمر - الهرم

الكهربا بتجيلي نااااااار

استهلاك شهر 5 مثلا 1500 وات ب 500 جتييه

شهر 4 1160 وات ب 330 جنيه

بالصدفه ببص في اللي جنبي لقيت استهلاكه 800 وات ب 65 جنيه

انا هتجنن ازاي بقى مش فاهم

للعلم يعني لو في حد بيسرق مني وده صعب او مستحيل يسرق براحته اهم حاجه العداد لو 800 يبقى 65 لو 1500 يعني ضعف ال 800 يبقى ب 500 جنيه مره واحده ازاي بقى

نفسي حد يفهمني ويقولي اعمل ايه بقى

**AhMeD MeTwAlY** · 27-07-2012 04:37 AM

نظام الكهربه بيكون شرائح اذا زاد الاستهلاك عن الحد كمية معينه بيتم ضمك لشريحه تانيه ودي بيكون سعر الكيلو في اغلي من الشريحه الاولي وفي بردو شريحه تالته بس الاسعار ايه معرفش
موضوع ان حد يسرق منك كهربه دي بسيطه تعالي في يوم ونزل مفاتيح الكهربيه الي في الشقه كلها مره واحده وشوف العداد لو بيتحرك ولي لا
لقيته مش بيتحرك شغل المفاتيح تاني وبعد كدا ابتدي افصل اللمبات وكل الاجهزه الكهربيه الي في البيت وشوف اذا كان العداد بيتحرك ولي لا
لو في الحالتين مش بيتحرك يبق كدا دي الفتوره بتعتك
لو بيتحرك في اي حاله فيهم يبق في حد بيسرقك وكلم شرطه الكهربه وهما يطلعو مين الي بيسرقكك
بس خلي بالك في حاجه
انت ممكن يكون ليك كيلوهات عند الشركه تنزل تقارن اخر فاتوره معاك بالعداد لو طلع الفاتور ازيد من العداد يبق ليك كيلوهات وتروح شركه الكهربه وتبلغهم هيبتدو يخفضو الفاتوره لحد لما الكيلوهات دي تنزل ولو اقل اسكت ساكت خالص ومتتكلمش لان كدا الشركه ليها كيلوهات عندك
بس مش تروح تكلمهم علي2-3 كيلو كهربه يعني من اول 500 كيلو كدا تكلمهم

**AhMeD MeTwAlY** · 27-07-2012 04:38 AM

نسيت اقولك في قسم اجتماعي لعرض المشاكل الي زي دي يا ريت الاداره تنقله لهذا القسم

تقبل تحياتي
احمد متولي

**SYD** · 27-07-2012 04:41 AM

بالظبط زي ما الأستاذ متولي قال لحضرتك
شرايح

وكل شريحة بتبقي اعلي من الي قبلها

اما بالنسبة للأستهلاك الخرافي دة فاحتمال كبير جدا يكون عيب عداد
لأن انا كان عندي كدة مع العداد التعبان الرصاصي 10 أمبير

غيره وهات الديجيتال بس الي من غير كارت
هتحس بفرق رهيب جدا

والله المستعان
،
،

**ma7med** · 13-08-2012 11:58 PM

المشاركة الأصلية كتبت بواسطة حماده المصري

اشكركم يا اخواني

والله عندي العداد الديجيتال

1 فاز اتنين سلك مكتوب عليه كده

مش عارف ايه المشكله ولا حتى منين المشكله استهلاك خرافي خرافي خرافي

يعني منين يبقى الجار الي جنبي 800 وات ب 65 جنيه قصادهم 1500 وات 500 جنيه يعني لو الاستهلاك زاد الضعف الفاتوره تزيد 5 اضعاف ليه

ممكن بكون العداد بيعد ضعف لأن نفس الكلام كان عند عمي و قعدوا سنة
ميدفعوش الفاتورة عشان كان ليهم كيلوات كتير