عربيتى سكودا فليشيا بتبطل منى غالبا فى السرعات البطيئة

السلام عليكم ورحمة الله وبركاته

عندى عربية سكودا فليشيا 99 لما جبتها كنت ادورها الاقى الار بى ام بيرفع لوحده كانى دايس بنزين ماكنت فاهم ان العربية بتسخن نفسها بنفسها واحد ميكانيكى الله يسامحه لعب فى اتوماتيك الاكسلاتير اللى تحت العمة بتاعة الهوا خلى السلانسية بتاعها فى الضياع لو مادوستش بنزين تبطل منى المهم واحد رفعه لى شويه لكن لمبة الدينامو كانت بتنور اول ماشتريت العربية فى كهربائى ركب شاربونه جديدة للدينامو لكن كانت شاربونه رخيصة باربع جنيهات الان العربية اللمبة ساعات حتى بعد لما اسخنها كويس قبل امشى تنور ولما ادوس بنزين زى كان النور بتاع التابلوه كله بيزيد ولما اترك البنزين بيبهت لكن لمبة الدينامو بتقوى المهم العربية كمان ممكن اكون ماشى على التانى تبطل منى فجاة وعندى المارش سعات مش بيلقط سالت كذا واحد قال اتوماتيك المارش عايز يتغير فغيره كله
فى ميكانيكى قال ننظف الكربراتير وبعدين نشوف بس انا قلقان من فك الكربراتير
وفى ريحه زى بيض فاسد بس على خفيف من الشكمان

اقتباس:

---

المشاركة الأصلية كتبت بواسطة kamaro

السلام عليكم ورحمة الله وبركاته
وعليكم السلام ورحمة الله وبركاته

عندى عربية سكودا فليشيا 99
الف الف مبروك انضمامك لملاك هذه السياره الممتازه
لما جبتها كنت ادورها الاقى الار بى ام بيرفع لوحده كانى دايس بنزين ماكنت فاهم ان العربية بتسخن نفسها بنفسها
مش مشكله دا بيكون حاجه في الكربرتير لونها اسود كدا هتلقيها خلف الكربرتير اسمها سخان العربيه لما تكون العربيه لسه مشغلها الصبح بيشتغل ولما بتسخن بتدوس بنزين هو بيفصل
واحد ميكانيكى الله يسامحه لعب فى اتوماتيك الاكسلاتير اللى تحت العمة بتاعة الهوا خلى السلانسية بتاعها فى الضياع لو مادوستش بنزين تبطل منى المهم واحد رفعه لى شويه
يعني دلؤقتي العربيه مظبوطه يا فندم ولي لسه المفروض الار بي ام يكون عند 6-7 دا في حالة العربيه سخنه مش سخنه ولسه مشغلها الصبح يكون 1.5
لكن لمبة الدينامو كانت بتنور اول ماشتريت العربية فى كهربائى ركب شاربونه جديدة للدينامو لكن كانت شاربونه رخيصة باربع جنيهات الان العربية اللمبة ساعات حتى بعد لما اسخنها كويس قبل امشى تنور ولما ادوس بنزين زى كان النور بتاع التابلوه كله بيزيد ولما اترك البنزين بيبهت لكن لمبة الدينامو بتقوى المهم العربية
دي مشكله دينمو ضعيف مش قادر يغزي العربيه بالكهربه الكافيه بالتالي بتبتدي تسحب من كهربة البطارية والبطارية غير قادرة علي مد العربيه بالكهربه اللازمه يبق كدا احنا بنحرق في البطاريه يجيب اصلاح العطل الخاص بالدينمو او تغيره
كمان ممكن اكون ماشى على التانى تبطل منى فجاة
لو حضرتك بتكون دايس دبرياج وبتفصل يبق لازم تعلي الدبرياج شوية
لو بتفصل وانت فاصل حركة الفتيس يعني عصاية الفتيس مموره يبق العربيه كهربتها عيزه تعلي شوية او ممكن يكون البوجيهات عايزه تتنضف او تتغير
وعندى المارش سعات مش بيلقط سالت كذا واحد قال اتوماتيك المارش عايز يتغير فغيره كله
ما المرش مش بيلقط لان البطاريه مش بتكون قادرة علي انها تمده بالكهربه اللازمه في بعض الاوقات بسبب ان الدينمو مش بالكفاءة المطلوبه لمد العربيه بالكهربه واعادة شحن البطاريه مره اخري
فى ميكانيكى قال ننظف الكربراتير وبعدين نشوف بس انا قلقان من فك الكربراتير
فك الكربرتير سهل جدا وتنضيفه اسهل منه
حضرتك هيفك العمه وهيجيب مفتاح اللنكيه شكله غريب شوية عن المفاتيح المألوفه وبعدين يفك الكربرتير يطلع من تقريبا يا 3 او اربع مسامير طول المسمار من 10-15 سم وبعدين هيطلع الكربرتير حتتين الجزئ العلوي الخاص بالبوابات ومايليه والجزي السفلي الخاص بمد فرن الاحتراق بالبنزين
وهيفكهم وينضفهم بلترين بنزين وبعد كدا ممكن تجيب جوانات جديده او الجوانات الي موجوده ممكن تكون سليمه بس يفضل تغيرهم
وفى ريحه زى بيض فاسد بس على خفيف من الشكمان
دي السبب ان في بنزين متحرقش ودا بيكون عيب واحد من اتنين يا كربرتير وقولنا هنفكه ونضفه والتاني قولنا بوجيهات لان كدا البنزين مش بيتحرق وبيطلع من الشكمان بس بيطلع نص وسوي

---

كل سنه وانت طيب
الرد هتلقيه بالون دا في الاقتباس
وربنا يبارك لحضرتك في فليشيتك العربيه دي جميله وبتستحمل ولو في اي استفسار انا تحت امرك يا غالي
تقبل تحياتي
احمد متولي

الله يكرمك ياباشا وكتر خيرك والله
قرات مشاراكات حضرتك قبل كدا وواضح ان من عشرتى للشراقوة واقاربى منهم انهم ناس محترمين ولا نزكيهم على الله
كل عام وانت بخير ياباشا وربى يهدينا واياك للطريق المستقيم ويثبتنا عليه

اقتباس:

---

المشاركة الأصلية كتبت بواسطة kamaro

الله يكرمك ياباشا وكتر خيرك والله
قرات مشاراكات حضرتك قبل كدا وواضح ان من عشرتى للشراقوة واقاربى منهم انهم ناس محترمين ولا نزكيهم على الله
كل عام وانت بخير ياباشا وربى يهدينا واياك للطريق المستقيم ويثبتنا عليه

---

احنا هنا عشان نساعد بعض بالي نعرفه والعربيه دي بجد انا بحبها حب لما شوفت الموضوع بيمر في الموضوعات الجديده فتحته بدون تردد
ربنا يخليك يا باشا كفايه ان اقارب حضرتك منورين الشرقيه
ربنا يهدينا جميعا ويحسن ختامنا

اللهم امين
طيب كدا لو دينامو ممكن يجيله كام ونوعه ايه والبوجيهات نوع كويس وتمنه وبالمرة اقولك العفشجى قال انه عايز بليتين للعجل الامامى لان فى زنه على النقلة التالته وانت طالع وتيل فرامل لانى شفته كمان على اخره وياريت اسعارهم واللى يمشى كويس ايه وعايز كمان اغير كاويتش اللى موجود مقاس 13 عايز اجيب اكبر وعريض اجيب كام ونوعه ايه ويكون سعره كويس على فكرة شكل فى شىء فعلا مش مظبوط فى الكهربه لان كمان الكلاكس صوته بيبقى مخنوق ساعات او بيفصل وكمان الفيوز بتاعة الاشارة بتضرب فى كام حاجة عايز اعملهم بسعر معقول الاساسايات يعنى وبعد كدا ربنا يكرم واظبطها بحاجات اصلى دا لو موجود

اقتباس:

---

المشاركة الأصلية كتبت بواسطة kamaro

السلام عليكم ورحمة الله وبركاته

عندى عربية سكودا فليشيا 99 لما جبتها كنت ادورها الاقى الار بى ام بيرفع لوحده كانى دايس بنزين ماكنت فاهم ان العربية بتسخن نفسها بنفسها واحد ميكانيكى الله يسامحه لعب فى اتوماتيك الاكسلاتير اللى تحت العمة بتاعة الهوا خلى السلانسية بتاعها فى الضياع لو مادوستش بنزين تبطل منى المهم واحد رفعه لى شويه لكن لمبة الدينامو كانت بتنور اول ماشتريت العربية فى كهربائى ركب شاربونه جديدة للدينامو لكن كانت شاربونه رخيصة باربع جنيهات الان العربية اللمبة ساعات حتى بعد لما اسخنها كويس قبل امشى تنور ولما ادوس بنزين زى كان النور بتاع التابلوه كله بيزيد ولما اترك البنزين بيبهت لكن لمبة الدينامو بتقوى المهم العربية كمان ممكن اكون ماشى على التانى تبطل منى فجاة وعندى المارش سعات مش بيلقط سالت كذا واحد قال اتوماتيك المارش عايز يتغير فغيره كله
فى ميكانيكى قال ننظف الكربراتير وبعدين نشوف بس انا قلقان من فك الكربراتير
وفى ريحه زى بيض فاسد بس على خفيف من الشكمان

---

روح لميكانيكى بيفهم يظبطلك الهوا والكهربا بتاعت العربية والذك ليه وهو بشتغل فيها علشان تعرف ان الموضوع هايف جدا يدوبك مفك عادة ومسمار الظبط بس تبقى تعمل كدة بنفسك لأن العربية الكربرتير ديما تحتاج تظبيط كهرباء هواء وكهرباء كل فترة.... وعلشان برضوا نحل المشكله جزريا روح لواحد متخصص كاربرتير ينظفهولك وراجع على بوجيهات العربية.... وموضوعك عام عند الناس جميعا فلا داعى للقلق........*

الله يكرمك ياعم صقر هو انا حاسس كدا فعلا ان الموضوع بسيط وبحاول اقف مع اللى بيصلح العربية وبتعلم حاجة لنفسى ولغيرى

غير فلتر البنزين

اقتباس:

---

المشاركة الأصلية كتبت بواسطة sakr1964

روح لميكانيكى بيفهم يظبطلك الهوا والكهربا بتاعت العربية والذك ليه وهو بشتغل فيها علشان تعرف ان الموضوع هايف جدا يدوبك مفك عادة ومسمار الظبط بس تبقى تعمل كدة بنفسك لأن العربية الكربرتير ديما تحتاج تظبيط كهرباء هواء وكهرباء كل فترة.... وعلشان برضوا نحل المشكله جزريا روح لواحد متخصص كاربرتير ينظفهولك وراجع على بوجيهات العربية.... وموضوعك عام عند الناس جميعا فلا داعى للقلق........*

---

طول عمرك بتجيب المفيد

محتار بين الفيليشيا والاكسل
ودا بسببب ان الفيليشيا خشنة
ومشكلة السخونة
واسعار قطع الغيار
ايه رايكم
وهل قطع الغيار اسعارها بتفرق بين الفيليشيا 97 و وش اوكتافيا وشكرا

اشترى فليشيا ومش حتندم بس لازم ميكانيكى فاهم ومخلص يكشفلك عليه الاول....

اما موضوع السخونه خلاص بح معدتش بتسخن بفضل الافكار التى طرحت هنا وانتهينا بحمد الله من مشكله السخونة لما تشترى فليشيا حكتبلك روشتة حمى الفليشيا* للتخلص من الحرارة الزائدة....*

اما عن قطع الغيار فهى متوفرة فى كل مكان منها جديد ومنها استيراد ومنها استعمال والاسعار عاديه جدا جدا فى متناول الجميع....