عرض للطباعة
ممكن مقارنة بين لانسر مكوة ولانسر كريستاله من حيث التحمل وقوة الاداء والتكيف والسحب انا الي معايا دلوقتي يجيبولي كريستاله بس ممكن استني شوية واحط كل الي حلتي عشان اجيب مكوة فلي عاوز اعرفه هل تستاهل المكوة الفرق بينها وبين الكريستاله اني احط كل الي معايا واجيبها ولا اجيب كريستاله وطلبي في العربية تحمل وشقا جدا جدا جدا وعاوز اعرف اية المقارنة بينهم والفرق بين قطع الغيار وهل ممكن تتحمل بنزين 80 ولا لا ياريت تدلوني علي الصح في الموضوع ياريت
عموما انا بميل للكرستالة
مع ان المكوة جميلة جدا بردوا
ربنا يوفقك للاحسن فيهم ..
طيب يا ريت متوسط اسعار المكوة بيكون كام تقريبا من بداية موديل 2001 ياريت الاخوة يفيدونا
الموضوع ده فعلا رخم شوية ...
بالنسبة للموتور ... الاتنين 1300 cc لكن المكواه 1300 cc بتكنولوجيا أعلى اللي هو نفس موتور البوما 1300 .. بس عموما الفرق مش كبير خالص ..
الشاسيه .. المكواه برضه أفضل في الشاسيه ، لكن في المقابل صاجها أضعف من الكريستاله .. موازنه أحمال علشان السحب.
الكماليات زي بعض .
النعومة .. المكواه أنعم شوية و صالونها من قدام أشيك و أوسع نسبيا.
المكواه أعلى عن الأرض شوية من الكريستالة.
الكريستاله ممكن تحس سحبها أحسن علشان فرق الوزن و علشان كمان قريبة من الأرض .
الكريستاله قطع غيارها منتشرة أكتر و أرخص و اعتمادية عن تجربة.
العفشة .. المكواه أفضل .. هي هي نفس عفشة البوما 1300 .
الثبات برضه المكواه أفضل نسبيا.
بعيدا عن ده كله .. المقارنة صعوبتها فعلا في الماديات .. مش في الركوبة .. لإن الاتنين ركوبه قريبة أوي من بعض و الاتنين عربيات محترمه.
من الآخر ... لو انت من الناس اللي هاويه عربيات أوي .. عايز تجنط و تسقط مواتير و تلعب في العربية عليك و على الكريستاله .. أحسن عربية في مصر يتلعب فيها .
طيب لو انت مش فاضي للكلام دهو عايز عربية من الشغل للبيت و من البيت للشغل ... هسألك .. لو انت ناوي تغير كمان سنة أو سنتين .. يبقى هات الكريستاله ... سعرها ماسك نفسه و مابيقعش و كل الشباب بتموت فيها .
الحالة الوحيدة اللي انت تجيب فيها المكواه .. أولا تكون حالتها فبريكة .. ثانيا تكون حضرتك من النوع اللي بيحافظ على شكل العربية لإنها بتكهن بسرعة لإن صاجها بيبان فيه العيوب بسهولة .. ثالثا ماتكونش ناوي تبيع غير بعد 4 سنين مثلا.
و للعلم .. سعر الكريستاله اللي حالتها فبريكة بيكون قريب من الـ 50 ألف و ساعات بيكسر الـ 50 كمان .... سعر المكواه اللي حالتها فبريكة 60 ألف .. سعر البوما الـ 1300 الفبريكة 65 ألف ..... يبقى أنا لو مكانك .. هقارن الكريستاله بالبوما .. هش هحط في اختياراتي المكواه أساسا لإن سعرها قريب لسعر البوما .
اظن مفيش بعد كدهاقتباس:
المشاركة الأصلية كتبت بواسطة dawns_mist
استاذي الفاضل بجد بجد بجد مش عارف اقولك اية ولا اشكرك ازاي انت فعلا رديت رد وافادتني بمعلومات جميله اوي اصل انا راكب دوجان وعاوز تكيف قوي بقا وسرعة وكدة وبشوف ان العربيتين سعرهم قريب من بعض بس مش عارف الشكر في الكريستاله بطريقة غير طبيعي وبيعها بطريقة سريعة اوي يا فندم انا لو لقيت عربية كريستاله فبريكة برة وجوة والاعلان لو عدة علية عشر ساعات الاقي الدنيا خلاص والعربية اتباعت في خلال كام ساعة فعلا حاجة غير عادية وغير طبيعية العربية دي مش ممكن الشكر فيها بلمنظر دا انا ليا واحد صاحبي راكب بي ام وكان معاة كريستاله اقسم بلله بيقولي الكريستاله اعتمادية علي البي ام مش عارف العربية دي فعلا هتجنني من الكلام عنها وشكلي انشاء الله هتوكل علي الله اشكرك شكرا جزيلااقتباس:
المشاركة الأصلية كتبت بواسطة dawns_mist
اخوك/عمرو
يا باشا أنا تحت أمرك .. و بعدين أنا ماعملتش حاجة والله أنا بحاول بس أفيدك باللي أعرفه علشان في النهاية ربنا يوفقك و تختار الحاجة اللي تناسبك و ماتندمش عليها أبدا ... و ربنا يكرمك و تلاقي طلبك .. و أقولك مبروك مقدما و ربنا يباركلك ..