بعد تركيب طقم دبرياج جديد ... فى صوت غريب ... لانوس 2

**VANTROY** · 30-07-2012 06:04 PM

بعد اذنك ايه عامود الدرك دا ؟ ومكانه فين ؟

وبالنسبة لفك الفتيس ... تقصد انزل الفتيس ولا احل الفتيس نفسه ؟

والصوت دا بيبان قوى الصبح والعربية باردة

**MMamdouh** · 30-07-2012 07:04 PM

عامود الدرك هو العامود اللى بياخد الحركة من اسطوانة الدبرياج

و انا قصدى تفكك الفتيس مش تفكة من العربية... يعنى تنزلة من العربية و تحلة هو شخصيا و تطلع اللى جواة برة

MMamdouh

**mahmoudysf** · 31-07-2012 02:08 AM

الصوت ده لو ماكنش موجود من الاول
يبقى اكيد من حاجة في الدبرياج نفسه

**amrelsaqqa** · 31-07-2012 02:19 AM

الطقم اصلى ولا لا ؟ ( جبته بكام )
ووانت بتركب الطقم ، خرطت الفولام الاول ولا لا

اللى فهمته من كلامك ان الحكة مستمرة في الوضع العادى بدون ضغط على الدواسة وبتحس بيها بتقوى او بتضعف في الفصل الجزئى وبتختفى في الفصل الكامل ، تمام كدة ؟ (ده يخلينا نستبعد بلية الدبرياج عشان الحكة مش مع الضغط ، وبرضه صعب يكون عمود الدريك بتاع الفتيس الا لو كانت المشكلة من زمان وانت مكنتش واخد بالك منها وصعب جدا تصادف ان بلية الفتيس تبوظ مع تغيير الطقم )

المهم اطلع بالعربية مشوار محترم كدة ، ممكن والله اعلم تكون الاسطوانة مش مطبعة على الدسك والفولام كويس او يكون الفولام ما اتخرطش كويس او كان فيه عالى وواطى وما اتخرطش اصلا و لسة بيطبع على الاسطوانة الجديدة

كمان عايز اسألك هل حاسس ان الصوت بيتحسن او بيقل مع الوقت ولو بدرجة بسيطة جدا ؟

**amrelsaqqa** · 31-07-2012 02:30 AM

وهل فيه رعشة او رجرجة مع الطلعة البطيئة جدا بالعربية ( بالدبرياج فقط بدون بنزين )

**VANTROY** · 31-07-2012 02:40 AM

بالنسبة للفلام ... فالراجل صنفره بس ...
بالنسبة للصوت ... الصبح والعربية بدرى لما ارفع رجلى من على الدبرياج يبقى فى صوت حك كده او دربكة وشوية والصوت يهدى خالص وانا طالع وبانقل فى حكة باحسها تحت رجلى على خفيف

انا مشيت بالطقم الجديد حوالى 100 كيلو نصفهم جوه البلد ....
بالنسبة لوقت ما ف\قبل تركيب الطقم الجديد ... يمكن كان فى صوت لكن انا ما اتخدش بالى منه لان الاسطوانه كانت جابت اخرها من فتره ...كمان الصبح وانا ممور العربية وارفع رجلى من على الدبرياج احس ان العربة عايزة تتطلع ( كانها واخده نقله وانت محمل على الدبرياج ) وكان فى صوت طقه مع رفع الرجل من على الدبرياج

**amrelsaqqa** · 31-07-2012 02:51 AM

انا رأيي انك ترجع للميكانيكى اللى ركب وتقول له على كل ده
هو اكيد له نظرة وهيعرف على طول الصوت بتاع ايه لما يسمعه

وخلى بالك ممكن يكون نسي يعمل حاجة او ما قفلش صح ، ممكن يكون اصلا ما ربطش الموتور في الفتيس كويس !

**VANTROY** · 31-07-2012 03:30 AM

انا رحتله فعلا وقلتله على الصوت .. وقاللى دا من الديسك والاسطوانة علشان لسة ماطبعوش ... وقاللى سافر بيها كام مشوار وهاتلاقى الصوت راح

انا مش باثق فى حد ( بالذات الصنايعية ) اليومين دول

فطبعا قلت اخد رايكم