بعد تركيب طقم دبرياج جديد ... فى صوت غريب ... لانوس 2

السلام عليكم ورحمة الله وبركاته

الحمد لله ركبت امبارح طقم دبرياج فاليو ( ديسك - اسطوانة - بلية - فرش ) وغيرت زيت الفتيس

لكن النهاردة وانا واقف بالعربية واجى ارفع رجلى من على الدبرياج فى صوت حكة بسيطة مش بتتسمع الا لو الزجاج مقفول ... الحكة بتفضل مستمرة طول ما انا رافع رجلى من ع الدبرياج ... وبتروح لو دوست دبرياج للاخر

كمان وانا ماشى باحس بيها على خفيف تحت رجلى وانا بانقل


وفى استفسار تانى مالهوش دعوة
لو انا مشغل النور الواطى واجى اقلب نور الدور العالى بيشتغل مع الواطى ( لو حركت دراع النور ناحيتى ) لكن لو شغلت النور العالى بس الواطى بيفصل عادى
فهل دا طبيعى فى اللانوس

مش فاهم سؤال النور ممكن توضيح؟

اقتباس:

---

المشاركة الأصلية كتبت بواسطة vantroy

السلام عليكم ورحمة الله وبركاته

الحمد لله ركبت امبارح طقم دبرياج فاليو ( ديسك - اسطوانة - بلية - فرش ) وغيرت زيت الفتيس

لكن النهاردة وانا واقف بالعربية واجى ارفع رجلى من على الدبرياج فى صوت حكة بسيطة مش بتتسمع الا لو الزجاج مقفول ... الحكة بتفضل مستمرة طول ما انا رافع رجلى من ع الدبرياج ... وبتروح لو دوست دبرياج للاخر

كمان وانا ماشى باحس بيها على خفيف تحت رجلى وانا بانقل


وفى استفسار تانى مالهوش دعوة
لو انا مشغل النور الواطى واجى اقلب نور الدور العالى بيشتغل مع الواطى ( لو حركت دراع النور ناحيتى ) لكن لو شغلت النور العالى بس الواطى بيفصل عادى
فهل دا طبيعى فى اللانوس

---

بالنسبة للنور ايوة طبيعى ان الواطى يفصل والعالى بس يشتغل لو حركتة عكس التقليب

اقتباس:

---

المشاركة الأصلية كتبت بواسطة VANTROY

السلام عليكم ورحمة الله وبركاته

الحمد لله ركبت امبارح طقم دبرياج فاليو ( ديسك - اسطوانة - بلية - فرش ) وغيرت زيت الفتيس

لكن النهاردة وانا واقف بالعربية واجى ارفع رجلى من على الدبرياج فى صوت حكة بسيطة مش بتتسمع الا لو الزجاج مقفول ... الحكة بتفضل مستمرة طول ما انا رافع رجلى من ع الدبرياج ... وبتروح لو دوست دبرياج للاخر

كمان وانا ماشى باحس بيها على خفيف تحت رجلى وانا بانقل

---

تعايش مع الصوت

اقتباس:

---

وفى استفسار تانى مالهوش دعوة
لو انا مشغل النور الواطى واجى اقلب نور الدور العالى بيشتغل مع الواطى ( لو حركت دراع النور ناحيتى ) لكن لو شغلت النور العالى بس الواطى بيفصل عادى
فهل دا طبيعى فى اللانوس

---

دا طبيعى فى اللانوس

MMamdouh

"تعايش مع الصوت " يعنى دى حاجة مش طبيعية ولا ايه :(

شهر بالكتير والصوت هيختفى تماما

سؤال معلش خارج الموضوع
اتكلف كام الطقم و المصنعيه كام ؟
و هل الفاليو ده افضل الموجود ؟ ام فى اصلى ؟ و الاصلى بكام ؟
ولا الفاليو ده بيأدى الغرض ؟

بالنسبة للطقم فكان بـ 450 تقريبا
بالنسبة للانواع بسؤال الميكانيكى (كان شغال فى توكيل عيسى بتاع الدايو )فقالى هات الفاليو كويس
بالنسبة للمصنعية فهى 300 جنيه فى الاتى :
تركيب طقم دبرياج كامل
تغيير قواعد الماكينة والفتيس
تغيير سير كاتينة
تغيير طلمبة مياه
تغيير طقم بوجيهات

بالنسبة للصوت فانا سالت الميكانيى قاللى دا علشان الطقم لسة جديد ولما يطبع الصوت هايروح

مش عارف الراجل دا بيشتغلنى ولا كلامه صح
الثقة بقت منعدمة اليومين دول

اقتباس:

---

المشاركة الأصلية كتبت بواسطة VANTROY

"تعايش مع الصوت " يعنى دى حاجة مش طبيعية ولا ايه :(

---

دا صوت بلية عامود الدرك و دى عشان تتغير لازم تفكك الفتيس

MMamdouh

بعد اذنك ايه عامود الدرك دا ؟ ومكانه فين ؟

وبالنسبة لفك الفتيس ... تقصد انزل الفتيس ولا احل الفتيس نفسه ؟

والصوت دا بيبان قوى الصبح والعربية باردة

عامود الدرك هو العامود اللى بياخد الحركة من اسطوانة الدبرياج

و انا قصدى تفكك الفتيس مش تفكة من العربية... يعنى تنزلة من العربية و تحلة هو شخصيا و تطلع اللى جواة برة

MMamdouh

الموضوع دا يا بشمهندس ليه ظهر بعد تركيب الطقم الجديد ؟ وبالنسبة لو سبته شوية ... فى ضرر

الصوت ده لو ماكنش موجود من الاول
يبقى اكيد من حاجة في الدبرياج نفسه

الطقم اصلى ولا لا ؟ ( جبته بكام )
ووانت بتركب الطقم ، خرطت الفولام الاول ولا لا

اللى فهمته من كلامك ان الحكة مستمرة في الوضع العادى بدون ضغط على الدواسة وبتحس بيها بتقوى او بتضعف في الفصل الجزئى وبتختفى في الفصل الكامل ، تمام كدة ؟ (ده يخلينا نستبعد بلية الدبرياج عشان الحكة مش مع الضغط ، وبرضه صعب يكون عمود الدريك بتاع الفتيس الا لو كانت المشكلة من زمان وانت مكنتش واخد بالك منها وصعب جدا تصادف ان بلية الفتيس تبوظ مع تغيير الطقم )

المهم اطلع بالعربية مشوار محترم كدة ، ممكن والله اعلم تكون الاسطوانة مش مطبعة على الدسك والفولام كويس او يكون الفولام ما اتخرطش كويس او كان فيه عالى وواطى وما اتخرطش اصلا و لسة بيطبع على الاسطوانة الجديدة

كمان عايز اسألك هل حاسس ان الصوت بيتحسن او بيقل مع الوقت ولو بدرجة بسيطة جدا ؟

وهل فيه رعشة او رجرجة مع الطلعة البطيئة جدا بالعربية ( بالدبرياج فقط بدون بنزين )

بالنسبة للفلام ... فالراجل صنفره بس ...
بالنسبة للصوت ... الصبح والعربية بدرى لما ارفع رجلى من على الدبرياج يبقى فى صوت حك كده او دربكة وشوية والصوت يهدى خالص وانا طالع وبانقل فى حكة باحسها تحت رجلى على خفيف

انا مشيت بالطقم الجديد حوالى 100 كيلو نصفهم جوه البلد ....
بالنسبة لوقت ما ف\قبل تركيب الطقم الجديد ... يمكن كان فى صوت لكن انا ما اتخدش بالى منه لان الاسطوانه كانت جابت اخرها من فتره ...كمان الصبح وانا ممور العربية وارفع رجلى من على الدبرياج احس ان العربة عايزة تتطلع ( كانها واخده نقله وانت محمل على الدبرياج ) وكان فى صوت طقه مع رفع الرجل من على الدبرياج

انا رأيي انك ترجع للميكانيكى اللى ركب وتقول له على كل ده
هو اكيد له نظرة وهيعرف على طول الصوت بتاع ايه لما يسمعه

وخلى بالك ممكن يكون نسي يعمل حاجة او ما قفلش صح ، ممكن يكون اصلا ما ربطش الموتور في الفتيس كويس !

انا رحتله فعلا وقلتله على الصوت .. وقاللى دا من الديسك والاسطوانة علشان لسة ماطبعوش ... وقاللى سافر بيها كام مشوار وهاتلاقى الصوت راح

انا مش باثق فى حد ( بالذات الصنايعية ) اليومين دول

فطبعا قلت اخد رايكم

اقتباس:

---

المشاركة الأصلية كتبت بواسطة VANTROY

الموضوع دا يا بشمهندس ليه ظهر بعد تركيب الطقم الجديد ؟ وبالنسبة لو سبته شوية ... فى ضرر

---

انا ظهر عندى الصوت لما غيرت قواعد موتور... مفيش سبب محدد للقصة دى

انا فضلت ماشى بالفتيس سنين على الوضع دة بدون مشاكل

MMamdouh

انا كمان غيرت قواعد الماتور والفتيس مع طقم الدبرياج .... يمكن دا السر :)

خلاص انا هاسيبها طالما مافيش ضرر ... الواحد مش عايز يشوف الصنايعية بقدر الامكان

متشكر لحضرتك يا بشمهندس ولكل من شارك فى الموضوع

سؤال بعيد عن الموضوع
بالنسبة لكات اوت النور الواطى والعالى لو هاركب لمبات اعلى... هو لازم نركب واحد خارجى علشان نحمى دراع النور ( على حد قول الصنايعية )
طب ما فى كات اوت فى علبة الفيوزات حامى دراع النور اصلا ... هل فى سبب تانى لتركيب الخارجى

الكتاوت الاصلى بيحمى دراع النور

الكتاوت الاضافى بنركبة عشان نركب كابلات اتخن لتغذية اللمبات الاقوى

MMamdouh

لو سمحتوا يا جماعه انا لسه مركب الطقم جديد علشان العربيه كانت مكتومه و فعلا السحب اتحسن بس مش لسه لدرجة 100 % و ساعات بيكون فعلا اتحسن 100 % يعني شويه كده و شويه كده بس المهم ان بردوا في اول الطلعه بدبرياج من غير بنزين بتحصل رجه لحد لما تتحرك العربيه و لما كلمت الميكانيكي قاللي ده طبيعي علشان لسه جديد مش عارف بصراحه هو في وقت علشان السحب توصل ل 100 % و الرعشه تروح و لا في حاجه غلط في التركيب مع العلم انه فك و ركب من غير ما يخرط اي حاجه ؟؟

الطقم اللي ركبته فاليو و الميكانيكي قاللي انه احسن من الأصلي

الاصلي اساسا فاليو

ليه الرعشه اللي بتحصل في الأول ؟ و ليه العربيه مظبطتش 100 % بالعلم انا ماشي حوالي 150 كم من ساعة مغيرة الطقم

فيه اطقم فاليو كتير مضروبه فى السوق .. زور الاسطوانه مبيبقاش محكم على الجسم وده بيسبب الرعشة دى .. او ممكن تكون لسه الاسطوانه مطبعتش مع الفلام