حشيل الفوج وححط مكان الهوايتين دول شبك بلاستك
السلام عليكم ورحمة الله
كنت عملت مشاركه الاسبوع اللي فات عن الحادثه اللي عملتها ولله الحمد السمكري عمل شغل ما شاء الله زي الفل في البابين والعتب اليمين ودلوأتي وصلت للبطانه وباقي بس الرش
من ضمن الحاجات اللي اتكلمت عليها هي ان قواعد الفوج اليمين اتكسرت كلها وكمان البلاستكه اللي حولين الفوج ( بيسموها الهوايه ) وبعض الاخوه في المنتدي تفضلوا بالافاده ان بتاع الفايبر حيلحم القواعد وكمان حيعمل هوايه للفوج ....لفيت علي كل بتوع الفايبر ( اللي في السويس) بس للاسف الهوايه دي لازم تتغير وأنا معنديش وقت اني انزل الحرفيين ....فجات في بالي فكره قلت اخد رأيكم ...
حشيل الفوج التاني ( السليم ) وحخلي بتاع الفيبر يحط مكان الهوايتين دول شبك بلاستك ( نفس الشبك اللي في اكصدام العربيه) ويلحمهم من داخل الاكصدام وانا جربت ده علي الفوج المكسور ولقيت انه كشكل أفضل من الفوج ...أما اني استغني عن الفوج فدي مش فارقه معايا كتير لان الفوج كان مكنتش بعرف اشغله كتير لان اضاءته كانت عاليه لدرجه ان اي عربيه مقابله كان بيفكر اني ضارب النور العالي ويأعد يرعشلي علشان اطفيه:angry26:
مستني ردودكم
