عايز اغير الكربراتير

**mahmoudsamy9** · 27-07-2012 02:26 PM

انا معايا ريجاتا 86 والصراحة انا لسة شاريها من شعر تقريبا بس العربية بتستهلك بنزين روحت لبتاع كرباراتير قالى فية مشاكل ولو تغيرة يبقى احسن لان مش هينفع يتصلح فا انا بفكر اجيب واحد تانى فى ناس قالتلى تجيب بتاع الشاهين وناس قالت استيراد بس انا بصراحة خايف من الاستيراد لان باردوة فى الاول وفى الاخر بيكون مستعمل فا بفكر فى الجديد بس مش عارف اجيبة منين ولا عارف يكون سعرة كام ولا اجيب انهى الاحسن لانى لسة جديد مع الريجاتا ارجو الافادة بالاصلح
وكل سنة وانتم طيبين ورمضان كريم

**mentaloss** · 29-07-2012 04:12 AM

هو الستاندرد بتاعها كنت سألت عليه فى التوفيقيه عامل 1000 جم ! اسبانى وده من قيمة سنتين

**chiko** · 29-07-2012 05:18 AM

خليك في حاجه استراد ... لان الجديد مش هتلقيه اصلي حتي لو مكتوب عليه اصلي و حلفولك عليه 100 يمين انه اصلي ... الحاجات ده بتيجي اجزاء كا قطع غيار كربرتير و عندنا في مصر بيجمعوها ... من كم شهر كنت بجيب شوية حاجات من بورسعيد .. و جيه قصادي مواتير و شوية حاجات حلوه .. المهم كان فيه حوالي 20 كربرتير ريجاتا علي فيات .. حوالي 14 كربرتير منهم سعر الواحد 150 ج .. و الباقي سعر الواحد 750 ج ... عارف الفرق ايه .. ان ال 14 استراد مستعمل .. لكن 6 استراد جديد .. بواقي تصنيع ..يعني الاصلي الاصلي الاصلي .. لو وقعت في واحد منهم ..يبقي ربنا كرمك من وسع و هتعرفه من انه فيخ ختم محفور مدور وارئ مدخل البنزين .. و سيريل نمبر في نص الكربرتير

**egyptiandiver** · 29-07-2012 05:30 AM

أنا فكر اني جبت لل-131 كربرتور ذر أصلي تقريباً كان ماركة Solex و كان مش فكر بأمانة صناعة ألماني أو إيطالي بس الصراحة كان ممتاز و إستهلاك العربية ال- 1600 موديل 82 حوالي 15 كم اللتر الواحد و ده إستهلاك ما شاء الله ممكن عربيات 2013 ما تعملوش و الموتور ده كان عمل 3 عمرت قبل كدة ... اشتريت الكربوراتور في 2007 و بعت العربية في 2008. هو كان ب-1100 جنيه من محمد يوسف في ميدان الدقي و هما الصراحة ناس محترمين. أخوك أحمد سامي

**egyptiandiver** · 29-07-2012 05:54 AM

أنا رأيي الشخصي ابعد تماماً عن الإستيراد و جيب قطع الغيار الاوريجنال من عند مستوردين ليهم سمعتهم و يخف عليها و إنت الكسبان... يا ريت تبعد عن الإستيراد في الكربوراتور علشان ده قطعة حساسة و مؤثرة جداً على إستهلاك البنزين و عزم العربية و إلي هتوفره من الإستيراد هتدفعو بنزين و اعطال.... و عطلة عند المكانيكية. أنا جبت الزيرو ب-1100 و الإستيراد يمكن ب-450 و إنت و بختك يمكن يكون شغال 10 سنين أو أكتر من 30 سنة ... ما هو الكربوراتور ده تكنولوجيا بطل يمكن من أكتر من 20 سنة و لك الاختيار