عند ذهابي لتبديل الكاوتش سالني العامل اذا كنت ارغب في تزويد الكاوتش بنيتروجين بدلا من الهواء العادي فارجو معرفة الفرق بين الاثنين وهل هو ضروري ولكم جزيل الشكر
عرض للطباعة
عند ذهابي لتبديل الكاوتش سالني العامل اذا كنت ارغب في تزويد الكاوتش بنيتروجين بدلا من الهواء العادي فارجو معرفة الفرق بين الاثنين وهل هو ضروري ولكم جزيل الشكر
الفرق هما ان النيتروجين بيكون حجم جزئاته اكبر من الهواء العادي فلو حصل لقدر الله اي نوع من التسريب النيتروجين بيكون عمره اطول من الهوي العادي
ممكن يكون في ميزه تانيه انا معرفهاش
مبيخليش الكوتش يسخن بسرعه زى الهوا العادى اطرى فى المطبات
ولقدر الله اتخرم بيقعد جو الكاوتش فتره اكبر من الهوا العادى
مبيخليش الكوتش ينفجر لقدر الله علشان بيستحمل ضغط اكبر من الهوا العادى
يقولوا انه بيحافظ على الكوتش والجنط من الداخل لعدم وجوده على بخار ماء كثير
فيه فرق فى السعر طبعا .. لكن تقريبا مفيش فرق يذكر فى اداء الاطار نفسه .. لا تنسى ان الهواء العادى يحتوى على 80% تقريبا نيتروجين !! يعنى فرق النعومة والحاجات دى تقريبا لا يذكر .. ولو حسيت بفرق .. هيكون احساس وهمى او عوامل نفسية مش اكثر .
الميزة الوحيدة للنيتروجين اللى لاحظتها انك مش هتحتاج تقيس الضغط او تزود العجل كل شوية .. يعنى فردة الكاوتش بتفضل محافظة على ضغطها لفترة اطول بكتير من الفردة اللى مليانة هواء عادى ..
بس ارجع واقولك ان مش كل بتوع الكاوتش عندهم نيتروجين اصلى . يعنى غالبا بيقى هواء عادى حتى لو تانك الكمبروسور مكتوب عليه n2 ..
لو عاوز نيتروجين اصلى يبقى تروح لمركز بريدجستون مثلا او مكان اصلى علشان تاخد نيتروجين بجد
انا بمشى على مطبات كتير وجربت ده وجربت ده
النيتروجين ريح العفشه كتير
اولا النتروجين زبالة بينشف العفشة ولازم يتحط فى كاوتش خامتة طرية زى البريدجستون مش اى كاوتش يعنى لو اتنفخ فى كاوتش صينى يبقى زبالة وتلاقى العفشة بتدب انا واللة غيرتة تانى يوم ما حطيتة بهدلى العفشة هو بس من خواص النتروجين انة لا يتاثر بحرارة الجو سواء فى البرد او الحرارة
شوف يا باشا الكلام كتر فى موضوع النيتروجين دا وكان فيه موضوع قوى جدا قرأته عن إن مفيش فرق بين الهواء والنيتروجين وكلام علمى كمان وصاحب الموضوع راسل بريدجستون متهيقلى وردوا عليه بإن كاوتشاتهم تتملأ هواء عادى أو نيتروجين وإن هما مش بيوصوا بالنيتروجين ولا حاجة نفسى حد يتكلم فى الموضوع دا كلام علمى وكلام بأدلة من شركات السيارات أو شركات كاوتش
طبعا بعد كلام الاعضاء يبقى نيتروجين
وان شاءالله خير