ياترى ايه مصيراللوجان الشكل الحالى لما ينزل الشكل الجديد 2013
عرض للطباعة
ياترى ايه مصيراللوجان الشكل الحالى لما ينزل الشكل الجديد 2013
هو ايه اللى بيحصل لما بيغيرو شكل الموديل فى اى عربية
نفس مصير كل موديلات الكليو مثلاً ..
ماشية فى الشوارع وصياناتها شغالة وزى الفل.
هو دة فعلا اللي انا قصدي عليه لو كانت اللوجان الشكل الحالي خدت وقتها زي الفيرنا واللانوس كانت العربية انتشرت اكتر وقطع الغيار بقت ارخص واكتر لكن مع نزول الشكل الجديد هتتحول اللوجان زي الكليو عربية سعرها رخيص وغير متكافيء مع سعر قطع غيارها الغالية
اسمحلى انا اختلف مع حضرتك لان اللوجان حينزل منها موديل جديد و حينزل عندنا
لكن الكليو موديلها الجديد مش بينزل عندنا ودة بالنسبة للكليو
فى فرق موديل اللوجان الجديد كبيره بالاوى حيتغير الشكل شوية لكن مكونات لا
لان استحالة عربية رخيصة يتعملها خط انتاج جديد حيكلفهم عشرات الملاين غير تكلفة الانتاج
والا ساعتها حتلاقى اللوجان ب 100 الف جنيه مش ب 70
هى اللوجان رخيصة ليه علشان هو عنده مكنة فى المصنع بتطلعله قطعة غيار بيعمل منها ثلاث اربع عربيات
غير لما يكون عنده لكل عربية مكنة بتكلفه الشيئ الفلانى لان مصاريف تشغيل المكن دة عالية دة غير اهلاكها
مثلا احنا عندنا اللوجان السيدان قطع غيارها نفس ال mcv ونفس السانديرو مش بتفرق غير فى البودى من الخارج
والفروقات فى الاسعار مش كبيرة
غير ان عربية اقتصادية وموفرة زي دي صعب يغيروا شكلها بسرعة.. ممكن تنزل حاجة تانية جنب اللوجان أو مجرد facelift بس مش حاجة تانية..
أما السانديرو فا ماتقدمتش للعالم غير في 2008 فا صعب يغيرو شكل عربية ناجحة بعد 4 سنين بس.. والشكل الموجود حاليا من السانديرو مايعتبرش outdated خالص.
ولو كان فا تغيير الشكل ف بعض الدول لا يعني تغييرها ف كله.. وبرضه لا يعني وقوف الشكل القديم.. اليابان بجلالة قدرها فيه عربيان منها زي الصني القديمة (تنتج من سنة 2000 بنفس الصالون مع facelift ف 2003 والمفروض اتوقفت ف 2006) فضل انتاجها ف بعض الدول ومنها مصر لغاية 2012. نفس الكلام اللانسر البومة وقف انتاجها من 2008 تقريبا وفضلت تنتج لمصر وبعض الدول النامية لغاية دلوقتي. نفس الكلام علي اللانوس (استبدلت بأفيو من 2006) والفيرنا (استبدلت بالنيو أكسنت ف 2007) ولسة بتنتج لدول كتير.
بلاش نسبق الأحداث وسيب كل حاجة تمشي براحتها. لو الواحد فضل موسوس علي كل عربية ماحدش حايجيب عربية خالص.
انت عندك حق بس برده لما تشتري شكل جديد احسن لما تشتري شكل وبعديها بسنة يتغير بيبقى الاحساس مش حلو.
على العموم هية فعلا عربية منخفضة التكاليف ومش هتفرق لو غيروا فى شكل الفوانيس والشبكة الامامية واكيد مش هينزلوها بموتور تربو.
كمان التوكيلات فى مصر بتستغل اي حاجة وتزود السعر