عن فنيات القيادة

**MMamdouh** · 26-03-2009 07:01 PM

المشاركة الأصلية كتبت بواسطة karmoty

احنا داخلين على حر وكل سنة وانتم طيبين وعشان الحر بيسخن العربية بطريقة فظيعة خصوصا في الزحمة فانا بنصح اللي بيمشي عالاول كتير بلاش خصوصا في زحمة الصيف لان الحكاية دي بتحصل معايا في الصيف بالذات وبتسخن العربية بطريقة جنونية فبقي الحل عندي ان لما العربية تبقى واقفة خالص اجيب الاول لشوية صغيرين لحد العربية ماتتحرك يعني وبعد كده انقل عالتاني واتعامل مع الدبرياج عشان العربية ماتسخنش.

دا كدة العربية تسخن اكتر

اولا الحمل بيبقى تقيل على الموتورو انت جايب تانى و ماشى بسرعة بطيئة

ثانيا لفات الموتور حتبقى قليلة جدا و بالتالى سرعة دوران طلمبة الميه حتبقى قليلة و حتقلل من كفائة دورة التبريد

MMamdouh

**mo7a_mo7a** · 26-03-2009 10:22 PM

المشاركة الأصلية كتبت بواسطة mabdo

فهل إذا استخدمت الدبرياج في التهدئة والسحب.. يعني تفضل على الغيار الأول أو التاني حسب سرعة الشارع وتستخدم الدبرياج في فصل السرعة وبالتالي التهدئة أو ترفع رجلك للإسراع من غير نقل عصا الفتيس.. هل هذا مضر؟
تحياتي

دا ضغط زائد علي اسطوانة الدبرياج والفرملة للتهدئة حيكون ضررها اقل واجل الدبرياج لحالات التوقف

وهل.. استخدام نفس الطريقة والبقاء على الغيار الثاني مثلاً.. يعني تهدي وتسرع باستخدام الدبرياج فقط.. حتى على سرعة بطيئة جداً -اقل من ٥ كم/س- مضر كذلك؟ يعني كما لو كنت بتعدي من فوق المطب الحديد اللي قبل مكرم عبيد.. مثلاً..

كان فيه عدة استفسارات اخرى.. بس واحدة واحدة..

5كم ساعة؟
ولوني اشك لكن لو بتمشي علي السرعة دي فعلا مش حيكون في فرق

وكان الله في العون

**ابوهاشم** · 02-04-2009 06:47 PM

اولا المفروض انك ماتستخدمش الغيار الاول الا فى حالة ان اسياره تكون واقفه تماما
ثانيا فى الاماكن الزحمه تستعمل الدبرياج والفرامل فقط طالما ان الطريق ماشى وعلى الغيار الثانى
وتستعمل الغيارات والنقل فقط اذا كان العجل وقف تماما كده تبقى مضطر تستعمل الفتيس علشان
تدى الاولانى وتحرك العجل وتدى التانى