عن فنيات القيادة

**mabdo** · 20-06-2007 01:06 PM

لدي عدة اسئلة عن فنيات القيادة..
أثناء المشي البطئ في الأماكن المزدحمة تقل سرعة السيارة عن ١٠ كم/س وتكثر التوقفات والتهدئة للسماح بمرور الآخرين أو انتظارهم.. مثلاً في المسافة على الأوتوستراد ما بين أول عباس العقاد وحتى أهلي م. نصر..
وما يحدث هو انك تجد نفسك مضطر إلى النقل الكثير مابين السرعات الأول والتاني أو فصل السرعة بكبس الدبرياج.. طبعاً مع مزيد من التهدئة بالفرامل..
أحيانا يكون كتر النقل ممل للغاية ويستهلك وقت.. فهل إذا استخدمت الدبرياج في التهدئة والسحب.. يعني تفضل على الغيار الأول أو التاني حسب سرعة الشارع وتستخدم الدبرياج في فصل السرعة وبالتالي التهدئة أو ترفع رجلك للإسراع من غير نقل عصا الفتيس.. هل هذا مضر؟

وهل.. استخدام نفس الطريقة والبقاء على الغيار الثاني مثلاً.. يعني تهدي وتسرع باستخدام الدبرياج فقط.. حتى على سرعة بطيئة جداً -اقل من ٥ كم/س- مضر كذلك؟ يعني كما لو كنت بتعدي من فوق المطب الحديد اللي قبل مكرم عبيد.. مثلاً..

كان فيه عدة استفسارات اخرى.. بس واحدة واحدة..
تحياتي

**nasroo** · 23-03-2009 03:16 PM

هو ماحدش جاوب ليه على الراجل

**tamertamer** · 23-03-2009 03:38 PM

بص اكيد هو مضر طبعا بس على فترات طويلة جدا لان انت بتحمل على السطوانة والدسك وكدة بتقصر عمر السطوانة والدسك الدبرياج

**Drift_Lover** · 23-03-2009 03:45 PM

هو ماحدش جاوب ليه على الراجل

هو فعلآ عدي سنتين الا 3 شهور علي السؤال... بس ولا يهمك... تامر رد عليه.

**MMamdouh** · 23-03-2009 03:45 PM

من صفر الى 10 كيلو سرعة قليلة جدا و بالتالى ممكن تفضل على السرعة الاولى و متدوسش دبرياج الا لو العربية حتقف تماما

MMamdouh

**M.Osman** · 23-03-2009 04:56 PM

من صفر الى 10 كيلو سرعة قليلة جدا و بالتالى ممكن تفضل على السرعة الاولى و متدوسش دبرياج الا لو العربية حتقف تماما

MMamdouh

هو دا اللي انا بعمله فعلاً ... و السؤال في نظري مهم

**حماده المصري** · 24-03-2009 10:49 AM

كلام الاخ ممدوح زي الفل والله

وانا بقول برضو انك ممكن مش تجيب التاني خالص وانت ماشي في الزحمه

بمعنى انك تجيب مثلا 20 او 30 في الزحمه على الاول
وبعد كده تمور وتسيبها ماشيه لحد ما تقف ترجع تجيب الاول او حتى التاني على حسب ظروف الطريق

احسن برضو من لما تفضل تنقل بين الاول والتاني

**karmoty** · 26-03-2009 06:28 PM

احنا داخلين على حر وكل سنة وانتم طيبين وعشان الحر بيسخن العربية بطريقة فظيعة خصوصا في الزحمة فانا بنصح اللي بيمشي عالاول كتير بلاش خصوصا في زحمة الصيف لان الحكاية دي بتحصل معايا في الصيف بالذات وبتسخن العربية بطريقة جنونية فبقي الحل عندي ان لما العربية تبقى واقفة خالص اجيب الاول لشوية صغيرين لحد العربية ماتتحرك يعني وبعد كده انقل عالتاني واتعامل مع الدبرياج عشان العربية ماتسخنش.