أرجوا من الأخوة :
توضيح الفروق بين نيسان صني
(الشكل القديم) و (الشكل الجديد)
نظرا لتقارب سعرهما في بعض الفئات .
فمثلا الشكل القديم اتوماتيك = (93 الف / 96 الف)
الشكل الجديد اتوماتيك = (100 الف)
فهل الفروق بينهما تتساوي مع هذا الفرق البسيط في السعر .
وأي السيارتين افضل من الأخري ؟؟؟؟؟؟؟؟؟؟
وما مزايا و عيوب كل منهما ؟؟؟؟؟؟؟؟؟؟؟؟؟؟
انا لقيت سعر الشكل الجديد بيبدأ من 104 الف
انا حقولك على الفروق اللى انا اعرفها من خلال قراتى فى المنتدى
1-الصنى الجديده اوسع كتير من حيث الكنبه واللى كانت تعتبر عيب رهيب فى القديمه
2-الصنى الجديده حافظت على وسع الشنطه اللى كانت تتميز بيه القديمه ورغم الوسع الداخلى فى الجديده لم يؤثر على الشنطه
3-يوجد مروحه خلفيه للركاب فى الخلف مكنتش موجوده اصلا فى القديمه
4-شكل خارجى جديد كليا عن الشكل القديم
5-الكاسيت بقى زى بتاع التيدا
6-شكل العدادات اتغير
7- فى بعض الاختلافات على حد علمى فى العفشه خلتها انعم من الاول
دى تقريبا الفروق اللى انا عارفها , وانتظر بردوا رد باقى الاعضاء
نيسان صنى اتوماتيك 2013 الشكل الجديد
هى من التوكيل 100000 وبره 104000 بس فى معارض قالتلى ادفع 102000 وخدها كمان عشرة ايام اية رايكم الناس دى مضمونة فى المواعيد علما بانى ممكن ادفع حتى 102000 مش اكتر لان الوقت يفرق معايا وشكرا
اقتباس:
المشاركة الأصلية كتبت بواسطة emado5
بلاش نشجع الأوفر بريس يا جماعة ونزود جشع المعارض وفساد الوكلاء :breakpc2:
محرك الجديدة 1500 سى سى القديمة 1600 سى سى
الجديدة فيها كمبيوتر رحلات القديمة لا
وقالو انهم ظبطو استهلاك البنزين فى الجديدة
اقتباس:
المشاركة الأصلية كتبت بواسطة ahmed_selmy
متنساش توفير البنزين فى الجديده .........
+111111111111111111111111111111111111111اقتباس:
المشاركة الأصلية كتبت بواسطة saint2011
الموضوع ده عايز يتعمل بشكل بروفشنل شوية .. عشان نلم كل الفروق بالظبط .. وبالصور كمان
اقتباس:
المشاركة الأصلية كتبت بواسطة ahmed.tv
فعلا الموضوع محتاج يتعمل بشكل منظم ومجمع وشامل ووافي :
يعني المقارنة من الناحية الشكلية :
[1]-
[2]-
[3]-
من الناحية الميكانيكية :
[1] -
[2] -
وهكذا . وممكن الأخوة يجتهدوا في وضع نظام المقارنة .
اخي الكريم
السلام عليكم ورحمه الله وبركاته
ردا على استفسارك احب اقولك الفرق بينهم
القديم
موتور 1600سي سي مش موفر في استهلاك النزين
118 حصان
156 عزم نيوتن لكل متر
اداء وتسارع قوي
وزن 1200 كيلو تقريبا
ثابته عالسرعات العاليه
عفشه ناشفه وخشنه شويه
مقصوره داخليه ديقه من الخلف
بها عيوب التقفيل المصري
السرعه القصوى 185 وانا وصلت بيها 190 بس بالعافيه
عزل الصوت الخارجي متوسط
صوت الموتور مرتفع نسبيا
الكاوتش المستخدم نوع جيد
الشكل الجديد
موتور 1500 موفر جدا للبنزين
108 حصان (هذا الرقم المذكور في التوكيل لكن الحقيقي هو 99 حصان)
137 عزم نيوتن لكل متر
اداء جيد ولكنه اضعف قليلا من القديمه
وزن 1056 كيلو ودا اللي جعل فرق التسارع بسيط بينها وبين القديمه(لانها اخف كتير)
عفشه غايه في النعومه
كبينه داخليه اكتر من ممتازه وواسعه جدا جدا
بها مروحه خلفيه لتوزيع بروده المكيف(مش هتحتاجها لان مكيفها ممتاز)
السرعه القصوى رسميا 175 لكن انا وصلت بيها 205
الثبات ليس كالقديمه ولكنه جيد جدا حتى سرعه 170 لو وحدك بالسياره
عزل الصوت الخارجي ممتاز
صوت الموتور هادئ جدا
الكاوتش المستخدم صيني (ماكسيس) وهو نوع رديء
التقفيل رغم انو مصري الا انو ما شاء الله ممتاز
دي كل المعلومات اللي ممكن اساعدك بيها واعذرني ان نسيت اي نقطه
وانا جاهز لاي استفسار وربنا يهديك للي فيه الخير ليك ولاهلك بأذن الله
تقبل مروري
اقتباس:
المشاركة الأصلية كتبت بواسطة a.adam212
بصراحة ربنا يجيزك خير
مقارنة رائعة
ونتمني المزيد