أفيدوني في باسات موديل 1999 ضروري لضيق الوقت

**MazdaFan** · 28-07-2012 03:03 AM

السلام عليكم :)

انا محتاج مساعدتكم جدا جدا جدا يا شباب في منتدى vw ، انا كان معايا مازدا 3 2011 هاي لاين و راحت مني في حادثة هلاك كلي ، الحمد لله و قدر الله و ماشاء فعل ، المهم انا ظروفي دلوقتي ماتسمحليش بإني أشتري غير عربية في حدود 70 الف بالكتير وخصوصا اني مامعيش غيرهم و داخل على جواز و مصاريف ما يعلم بيها إلا ربنا :)) ههههه

انا كنت محتاج أعرف إجابات واضحة و دقيقة جدا من الناس اللي فاهمة وعارفة في العربية دي كويس اوي و ارجو مايكونش في حد بيفتي او بيتكلم عن سمع و قلة خبرة انا مش مستحمل بهدلة :)) ربنا مايوقعكم في شر الفتي و الفتاييييين :))

انا محتاج أعرف الآتي:

1- العربية دي تنصحوني بشرائها بالسعر ده ولا لأ ( باسات 1999 أوتوماتيك كل الكماليات و فتحة سقف و بيقول انها فبريكة بالكامل بره و جوه ، و هي العربية معروضة عليا بسعر 75 الف )

2- هل العربية دي هاتنفع واحد داخل على جواز و تعيش معاه حوالي 4 سنين كمان عبال مايقدر يفوق من مصاريف الجواز و يحوش تمن عربية تانية ؟ وهل سهلة في البيع ؟؟ ولا الكيلوات اللي عملاها العربية هاتخليها تفتح بقها و تبقى خردة و بلاعة فلوس ؟ العربية عاملة 120الف كيلومتير أصلا !

3- العربية تستحمل حرق على الغيارات و شد و جري ولا لازم تتعامل بحنية وهداوة ؟؟ ( الفتيس اوتوماتيك ، و طريقي كله ميكروباصات و زحمة و دائري يعني غصب عني كتير بحتاج احرق و اشد عشان اطلع أو افلت من تصرفات الناس فهلوية الميكروباصات في الزحمة أو اللي فاكرين نفسهم داخلين فورميلا 1 على الدائري )

4- توكيلها مين ؟ و فين مراكز الصيانة التابعة للتوكيل (المعلومة دي مهمة جدا وتفرق معايا في شرا العربية عشان ظروف شغلي و سكني) ؟ وهل في مراكز صيانة معتمدة من التوكيل تكون أرخص شوية ؟

5- أسعار قطع غيار العربية في التوكيل أو بره التوكيل ومدى توفرها (بالتقريب مش لازم بالظبط يعني لو فيه فرق يبقى فوق أو تحت 10%) :

قطع غيار خاصة بالصيانات الدورية:
فلتر زيت :
فلتر هوا :
فلتر بنزين :
فلتر تكييف :
تيل فرامل الأمامي و الخلفي :
طنابير :

قطع غيار خاصة بالعفشة مع الشوارع الحلوة خصوصا ان طريقي كله تكسير و فواصل كباري :
مساعد أمامي:
مساعد خلفي :
مقصات :
كوبلن(مهم جدا لأنها عاملة كيلوات كتير و ممكن تكون الكابالن هاتبوظ بعد ماشتريها ب 2000 كيلو ولا حاجة الله أعلم و ربنا يستر :) ):

قطع غيار خاصة بالحوادث و الزحمة والسواقين المحترفين اللي ماليين البلد ربنا يكفينا شر الحوادث:
مراية جانبية :
فانوس أمامي (الزينون و العادي) :
فانوس خلفي :
رفرف أمامي :
رفرف خلفي:
اكصدام امامي :
اكصدام خلفي :
ردياتر:
سربنتينة تكييف :
كومبرسور تكييف:
لو فيها اير باج (وسادة هواء) وحدة الإيرباج كلها تتكلف كام ؟ :

قطع غيار خاصة بالموتور و الصيانات الكبيرة المكلفة ( خصوصا إنها عاملة 77 الف كيلو يعني داخلة على تغييرات كبيرة زي سير كاتينة و خلافه):
سير الكاتينة (سير الكاتينة بتاعها جنزير معدن ولا سير جلد على طنابير؟! ) :
بوجيهات (وهل بوجيهاتها عادية زي أي عربية ولا فيها اختراع وحاجة نادرة) :
لو في حاجة تانية بتتغير عند ال 150الف او 200الف كيلو وانا ناسيها :

لو كنت قريت استفساراتي للآخر فحضرتك شخص محترم بالك طويل و صبور و بشكر حضرتك بجد على وقتك بإمانة واللهي مش تريقة ولا هزار :) ، انا عارف ان استفساراتي كتير ومحتاجة إجابات دقيقة ، بس غصب عني انا مش مستحمل ألبس في حاجة تاني :)

منتظر الردود في أسرع وقت مممكككننننننننننننن !!!!!

ربنا يستر طريقي و طريقكم و يباركلنا في ما رزقنا !

وشكرا جزيلااااا مقدما ! :))

**Karim Ibiza** · 28-07-2012 04:11 AM

المشاركة الأصلية كتبت بواسطة mazdafan

السلام عليكم :)

انا محتاج مساعدتكم جدا جدا جدا يا شباب في منتدى vw ، انا كان معايا مازدا 3 2011 هاي لاين و راحت مني في حادثة هلاك كلي ، الحمد لله و قدر الله و ماشاء فعل ، المهم انا ظروفي دلوقتي ماتسمحليش بإني أشتري غير عربية في حدود 70 الف بالكتير وخصوصا اني مامعيش غيرهم و داخل على جواز و مصاريف ما يعلم بيها إلا ربنا :)) ههههه

الحمد لله انك سليم وربنا يتمملك بخير

انا كنت محتاج أعرف إجابات واضحة و دقيقة جدا من الناس اللي فاهمة وعارفة في العربية دي كويس اوي و ارجو مايكونش في حد بيفتي او بيتكلم عن سمع و قلة خبرة انا مش مستحمل بهدلة :)) ربنا مايوقعكم في شر الفتي و الفتاييييين :))

مش هقدر ارد على الموضوع كله عشان مفتيش بس هرد على اللى انا عرفه

انا محتاج أعرف الآتي:

1- العربية دي تنصحوني بشرائها بالسعر ده ولا لأ ( باسات 1999 أوتوماتيك كل الكماليات و فتحة سقف و بيقول انها فبريكة بالكامل بره و جوه ، و هي العربية معروضة عليا بسعر 75 الف )

لو فعلا كده يبقى كويس بس خلى بالك انها لو فبريكة بره يبقى اكيد هتكون محتاجة رش وممكن تلاقى فيها بارومات تخليك تغير فيها اجزاء من الصاج

2- هل العربية دي هاتنفع واحد داخل على جواز و تعيش معاه حوالي 4 سنين كمان عبال مايقدر يفوق من مصاريف الجواز و يحوش تمن عربية تانية ؟ وهل سهلة في البيع ؟؟ ولا الكيلوات اللي عملاها العربية هاتخليها تفتح بقها و تبقى خردة و بلاعة فلوس ؟ العربية عاملة 120الف كيلومتير أصلا !

هى فعلا عربية عائلية جدا وتعيش كمان بس مش سهلة قوى فى البيع وبالنسبة للكيلوات اللى هى عملاها فهى كده لسه بتلين وبرده حسب استخدام صاحبها لو محافظ عليها ومش بيهينها

3- العربية تستحمل حرق على الغيارات و شد و جري ولا لازم تتعامل بحنية وهداوة ؟؟ ( الفتيس اوتوماتيك ، و طريقي كله ميكروباصات و زحمة و دائري يعني غصب عني كتير بحتاج احرق و اشد عشان اطلع أو افلت من تصرفات الناس فهلوية الميكروباصات في الزحمة أو اللي فاكرين نفسهم داخلين فورميلا 1 على الدائري )

تستحمل قوى بس هيبقى صعب تعمل بيها غرز ضيقة بسبب حجمها ووزنها تقيل شوية

4- توكيلها مين ؟ و فين مراكز الصيانة التابعة للتوكيل (المعلومة دي مهمة جدا وتفرق معايا في شرا العربية عشان ظروف شغلي و سكني) ؟ وهل في مراكز صيانة معتمدة من التوكيل تكون أرخص شوية ؟

5- أسعار قطع غيار العربية في التوكيل أو بره التوكيل ومدى توفرها (بالتقريب مش لازم بالظبط يعني لو فيه فرق يبقى فوق أو تحت 10%) :

قطع غيار خاصة بالصيانات الدورية:
فلتر زيت :
فلتر هوا :
فلتر بنزين :
فلتر تكييف :
تيل فرامل الأمامي و الخلفي :
طنابير :

قطع غيار خاصة بالعفشة مع الشوارع الحلوة خصوصا ان طريقي كله تكسير و فواصل كباري :
مساعد أمامي:
مساعد خلفي :
مقصات :
كوبلن(مهم جدا لأنها عاملة كيلوات كتير و ممكن تكون الكابالن هاتبوظ بعد ماشتريها ب 2000 كيلو ولا حاجة الله أعلم و ربنا يستر :) ):

قطع غيار خاصة بالحوادث و الزحمة والسواقين المحترفين اللي ماليين البلد ربنا يكفينا شر الحوادث:
مراية جانبية :
فانوس أمامي (الزينون و العادي) :
فانوس خلفي :
رفرف أمامي :
رفرف خلفي:
اكصدام امامي :
اكصدام خلفي :
ردياتر:
سربنتينة تكييف :
كومبرسور تكييف:
لو فيها اير باج (وسادة هواء) وحدة الإيرباج كلها تتكلف كام ؟ :

قطع غيار خاصة بالموتور و الصيانات الكبيرة المكلفة ( خصوصا إنها عاملة 77 الف كيلو يعني داخلة على تغييرات كبيرة زي سير كاتينة و خلافه):
سير الكاتينة (سير الكاتينة بتاعها جنزير معدن ولا سير جلد على طنابير؟! ) :
بوجيهات (وهل بوجيهاتها عادية زي أي عربية ولا فيها اختراع وحاجة نادرة) :
لو في حاجة تانية بتتغير عند ال 150الف او 200الف كيلو وانا ناسيها :

لو كنت قريت استفساراتي للآخر فحضرتك شخص محترم بالك طويل و صبور و بشكر حضرتك بجد على وقتك بإمانة واللهي مش تريقة ولا هزار :) ، انا عارف ان استفساراتي كتير ومحتاجة إجابات دقيقة ، بس غصب عني انا مش مستحمل ألبس في حاجة تاني :)

منتظر الردود في أسرع وقت مممكككننننننننننننن !!!!!

ربنا يستر طريقي و طريقكم و يباركلنا في ما رزقنا !

وشكرا جزيلااااا مقدما ! :))

بس انا رأى ان بالمبلغ ده تجيبلك بورا موديل 2000 نضيفة وحجمها اصغر ووزنها اخف وتعمل بيها اللى انت عايزه لأنى سوقتها بنفسى وعجبتنى ومفتكرش انى علقت على عيب فيها والقرار الاخير ليك

**حماده المصري** · 28-07-2012 05:20 AM

بص العربيه دي هتديك اكتر منتا متخيل في الجري والثبات والفرامل وكل حاجه في الاداء خصوصا لو 2.0 وانا صديق ليا كان معاه المازدا والباسات الموديلات دي طبعا الباسات خرافيه وسوقت الاتنين كتير طبعا

وهتفرمك اكتر منتا متخيل في قطع الغيار انا متعاملتش كتير في قطع غيارها غير في مقصات هي ليها 8 مقصات اماميه 4 في كل جنب والمقص الواحد مش على حرف a زي ما احنا متعودين هو عضمه فقط كانوا في حدود من 3 ل 7 الف صيني الى التوكيل ف تخيل انت بقى مقصاتها بالسعر ده وتقريبا الموديل ده في عيب بيجيب مقصات كتير
ومره خرطوم باور ضرب اتجاب جديد تجاري ب 600 جنيه

افضل حل ليك تستحمل اي عربيه ياباني لانسر صني كرولا وممكن النترا برضو وال سعر الي معاك 75 اي وحده فيهم نضيفه اوي كمان ما عدا كرولا هتجيبلك موديل قليل شويه 2003 او 2005 انما لو صني هتجيبلك فوق ال 2008
ولو لانسر على حسب الاوبشن بس هيبقى في رنج برضو 2007 2008

وانا في رايي اول حاله نضفه هاتها كلهم يعتبروا وجوه كتيره لعمله وحده كلهم تكييفهم هيعجبك ومتورهم هيعجبك وولا وحده فيهم ترقى للمازدا من ناحيه الثبات والراحه والفرامل

**walidadel81** · 28-07-2012 06:22 AM

خليك بالانسر عربيه عامله زي الموبيل النوكيا في اعاده البيع

**MazdaFan** · 28-07-2012 01:01 PM

المشاركة الأصلية كتبت بواسطة karim ibiza

بس انا رأى ان بالمبلغ ده تجيبلك بورا موديل 2000 نضيفة وحجمها اصغر ووزنها اخف وتعمل بيها اللى انت عايزه لأنى سوقتها بنفسى وعجبتنى ومفتكرش انى علقت على عيب فيها والقرار الاخير ليك

متشكر جدا يا فندم على ردك :)

**MazdaFan** · 28-07-2012 01:35 PM

المشاركة الأصلية كتبت بواسطة mido353235

الرأي العملى بيقول ان حضرتك بالمبلغ ده تجيب لانسر بوما افضل اختيار للسعر ومش هتتعب فالمصاريف بما انك داخل على جواز مش هاتبقى حمل مصاريف للعربيه سواء البور او الباسات هتبقى موديل قديم وفيها حاجات هاتبقى محتاجه تتغير بحكم العمر الافتراضى وموضوع البيع هيبقى صعب او هياخد وقت لكن البوما ممكن تبيعها فساعة زمن بمعنى انك تركبها لغاية ما تتجوز وتحوش مبلغ هيبقى سهل تبيعها ومن غير خساره بعكس العربيات التانيه وده رايي ووجهة نظرى ياريت تفكر فيها

متشكر جدا لرد حضرتك ، كلام حضرتك مظبوط ، من الناحية العملية ، انا كنت فاكر ان قطع غيارها متوفرة بره التوكيل و إنها هاتكون يعني أغلى حاجة بسيطة عن قطع غيار البومة او الياباني ، الناس قالتلي قطع غيارها ارخص من المازدا ، فعشان كده فكرت فيها ، هل ممكن حضرتك تديني فكرة أو تصور عن شكل وحجم المصاريف بتاعتها لو احتجت اغير حاجات فيها ؟

وكنت عايز اعرف برضه ، لو حبيت ارفعها في التوكيل عشان يطلعولي كل الخبايا اللي جواها اللي ممكن ماتتشافش بالعين ، زي طرمبة بنزبن ، لحامات شاسية ، مشاكل في الضفيرة او اي حاجة كهربا في الفتيس او وحدات التحكم ، هل ده ممكن اعرفو برا التوكيل ؟ ولا ماحدش هايفلي العربية زي التوكيل ومنه اقدر اعرف العربية ممكن تكون محتاجة تغير ايه قدام و بناء عليه احكم هل ده يناسبني و لا لأ ؟

المشاركة الأصلية كتبت بواسطة حماده المصري

بص العربيه دي هتديك اكتر منتا متخيل في الجري والثبات والفرامل وكل حاجه في الاداء خصوصا لو 2.0 وانا صديق ليا كان معاه المازدا والباسات الموديلات دي طبعا الباسات خرافيه وسوقت الاتنين كتير طبعا

وهتفرمك اكتر منتا متخيل في قطع الغيار انا متعاملتش كتير في قطع غيارها غير في مقصات هي ليها 8 مقصات اماميه 4 في كل جنب والمقص الواحد مش على حرف a زي ما احنا متعودين هو عضمه فقط كانوا في حدود من 3 ل 7 الف صيني الى التوكيل ف تخيل انت بقى مقصاتها بالسعر ده وتقريبا الموديل ده في عيب بيجيب مقصات كتير
ومره خرطوم باور ضرب اتجاب جديد تجاري ب 600 جنيه

افضل حل ليك تستحمل اي عربيه ياباني لانسر صني كرولا وممكن النترا برضو وال سعر الي معاك 75 اي وحده فيهم نضيفه اوي كمان ما عدا كرولا هتجيبلك موديل قليل شويه 2003 او 2005 انما لو صني هتجيبلك فوق ال 2008
ولو لانسر على حسب الاوبشن بس هيبقى في رنج برضو 2007 2008

وانا في رايي اول حاله نضفه هاتها كلهم يعتبروا وجوه كتيره لعمله وحده كلهم تكييفهم هيعجبك ومتورهم هيعجبك وولا وحده فيهم ترقى للمازدا من ناحيه الثبات والراحه والفرامل

أنا شاااكر جدا جدا جدا لرد حضرتك ، جزاك الله كل خير ( ولو انك حسرتني على المازدا بعد الكلام الحول ده في حقها

خصوصا اني كنت بعشقها و مقتنع بيها جدااااا

بس يلا الحمد لله قدر الله و ماشاء فعل انا أحسن من غيري كتير

)بس انا عايز اشوف الصورة بشكل أحسن ، هو ال 7 الاف جنيه دول كانوا تمن ال 8 مقصات ؟ ولا تمن ال 4 مقصات ؟ ولا تمن ايه بالظبط؟؟

والمفروض خرطوم الباور ده في عربيات تانية زي البومة تمنه كام تقريبا ؟

هو الفكرة إني بس ناقصني دلوقتي 3 معلومات عشان آخد قرار نهائي بعدم شرائها :
1- حد يديني فكرة عن اسعار بعض قطع غيارها بأرقام (فانوس امامي\خلفي ، رفرف ، كوبلن ، مراية جانبية ، سيور ، فلاتر) عشان افهم بس الدنيا شكلها او حدودها ايه ؟ خصوصا ان ناس قالولي انها ارخص من المازدا ، وانا لما سألت لقيت المازدا أغلى من الانسر بفروقات بسيطة نسبيا (يعني فروقات حوالي من 5% ل 20% وساعات فعلا بتكون 150% أغلى على حسب قطعة الغيار ) فلو كده الباسات هاتكون أعلى من الانسر ب 30% مثلا ؟؟ ولا اللي قالي الكلام ده كان بيفتي برضه او فاهم غلط ؟؟ :))
2- هل مع ذلك قطع غيارها متوفرة ؟ ولا هافضل الف و ادوخ عليها ؟
3- هل في ناس بتفهم في تصليحها كويس ؟ ولا لازم توكيل عشان اريح دماغي من فتي الميكانيكية ؟

ومتشكر تاني لحضرتك الف شكر !! :)

المشاركة الأصلية كتبت بواسطة walidadel81

خليك بالانسر عربيه عامله زي الموبيل النوكيا في اعاده البيع

شكرا على رد حضرتك ، هي فعلا البومة عملية جدا جدا جدا !! بس مش عارف ليه مقفول منها !!! :) لكن في الآخر طبعا انا مش هاتأمر عليها في ظروفي دي :) ، انا كل الحكاية اني زي اي حد نفسوا يجيب احسن حاجة في حدود السعر اللي معاه ، فبسأل عشان اعرف وافهم الفروقات هاتكون كبيرة جدا فيبقى خليني في الانسر ؟ ولا الفروقات بسيطة او معقولة بالنسبة ليا و ممكن تتقضى ، بس كده :)

كتر الف خيركم يا جماعة بجد !! مستني الناس ترد على استفساراتي الأخيرة دي بجد هاتفرق معايا اوي

جزاكم الله كل خير ! و كل سنة وانتو طيبين :)

**حماده المصري** · 28-07-2012 05:41 PM

حبيب قلبي شوفت اخر سطر في ردي ايه وولا وحده من العربيات الياباني هترقى لمستوى المازدا عشان كده ولا وحده فيهم هتعجبك في راحتها ولا ثباتها ولا فراملها بس دي العربيات المنجزه في اللاسعار دي ودي الي هترييح لييه بقى

بس انا احنا نقارن باسات ب مازدا صعب لان الباسات فئه اعلى منها بكتير لكن المازدا في وجهه نظري انضف عربيه في فئتها

الخرطوم ابو 600 جنيه في الفيرنا اتعمل ب 100 جنيه مثلا وفي لانسر ميعديش 200 جنيه على ما اعتقد

وبالنسبه لقطع الغيار ان حضرتك بتقول المازدا اغلى بفرق بسيط ده لانك بتسال في التوكيل فقط ومعروف التوكيل مغالي في الاسعار

انما خارج التوكيل ممكن تلاقي الاصلي باسعار اقل وممكن تلاقي الفوانيس باسعار برضو اقل جدا بخلاف قطع الغيار التجاري المشهوود لها برضو بالنضافه

بس في حاجه بقى حضرتك مقولتش معاك كام بالضبط لان 85 مثلا يجيبولك مازدا مستعمله نضيفه موديل 2008 ممكن 2009

**MazdaFan** · 31-07-2012 11:40 PM

المشاركة الأصلية كتبت بواسطة حماده المصري

حبيب قلبي شوفت اخر سطر في ردي ايه وولا وحده من العربيات الياباني هترقى لمستوى المازدا عشان كده ولا وحده فيهم هتعجبك في راحتها ولا ثباتها ولا فراملها بس دي العربيات المنجزه في اللاسعار دي ودي الي هترييح لييه بقى

بس انا احنا نقارن باسات ب مازدا صعب لان الباسات فئه اعلى منها بكتير لكن المازدا في وجهه نظري انضف عربيه في فئتها

الخرطوم ابو 600 جنيه في الفيرنا اتعمل ب 100 جنيه مثلا وفي لانسر ميعديش 200 جنيه على ما اعتقد

وبالنسبه لقطع الغيار ان حضرتك بتقول المازدا اغلى بفرق بسيط ده لانك بتسال في التوكيل فقط ومعروف التوكيل مغالي في الاسعار

انما خارج التوكيل ممكن تلاقي الاصلي باسعار اقل وممكن تلاقي الفوانيس باسعار برضو اقل جدا بخلاف قطع الغيار التجاري المشهوود لها برضو بالنضافه

بس في حاجه بقى حضرتك مقولتش معاك كام بالضبط لان 85 مثلا يجيبولك مازدا مستعمله نضيفه موديل 2008 ممكن 2009

متشكر جدا يا باشا على ردك و مساعدتك ليا بجد ألف شكر، معلش انا اتلخمت في الشغل اليومين اللي فاتوا دول و ماعرفتش اتابع المنتدى

اناطبعا ماكانش قصدي ان المازدا تتقارن بالباسات ، انا بس كنت مقتنع بيها كثبات و أداء و متعة سواقة مالقتهاش في أي عربية لحد دلوقتي في أي عربية زيها و حتى في فئات أعلى منها !!! مش عارف شكرة مازدا مخلينها ممتعة في السواقة كده ازاي ! وأكتر حاجة كانت عجباني فيها بعد متعتها في السواقة ان سير الكاتينة بتاعها (جنـــزيـــــر حديد) مش كاوتش !

انا للأسف مش هاقد أعدي حاجز ال 75 الف جنيه ، عشان كده مش قادر ادور في مازدا تاني، مش لاقي في السعر ده حاجات تكون حالتها كويسة غير الباسات موديل 2000 او أوبترا موديل 2007 2008 ، ممكن الاقي لانسر أو الانترا بس بالسعر ده بس للأسف بتكون حالتها مش قد كده ، ده غير ان مازدا قطع غيارها غالية اوي اوي اوي و أغلى من الباسات موديل 2000 ، يعني مثلا سير الكاتينة بالبلية بالشداد سألت عليهم عرفت اني ممكن اجيبهم بحوالي 700 جنيه للباسات 2000 (متهيألي مش أصلي) ، في حين انهم في المازدا مثلا يعملوا 1500 جنيه تقريبا(مش عارف ده الأصلي في المازدا ولا لأ) !

عموما ... انا لسه مش قادر آخد قرار نهائي في الباسات 2000 ، خصوصا ان قريبت كلام على النت (مش عارف مدى صحته ايه ) ان موتورها بيحتاج بنزبن 95 ، وان ننزين 92 هايأثر على العمر بتاع الموتور، لسه هابقى أسأل صاحب العربية لما أقابلو تاني ان شاء الله، بس لو حد يعرف المعلومة دي صح و لا لأ ياريت يفيدني برضه

بكرر شكري ليك تاني يا فندم كتر ألف خيرك !!

**alzelafy** · 01-08-2012 06:24 AM

اهلا بحضرتك : هدخل فى الموضوع على طول العربيه طبعا خرافيه معانا بقالها اربع سنين اسعار قطع الغيار فى متناول الجميع و كل ما يزعم عنها مجرد تهويل مصريين انزل الحرفيين مشوار و اسال و انتا هتكون شاريها فى نفس اليوم وواخد القرار ...... خد عندك سير الكاتينه جلد 120 سير دينامو 60 طقم المقصات الصينى 1800 الايطالى 2200 الالمانى و اشك 2600 العفشه كامله استعمال 2500 جنيه المقصات بالمساعدين بالسوست باليايات و الطنابير و الدنيا دى كلها الركبتيت الاماميين كاملين و بتاخدهم عن تجربه و دة احسن اختيار فلتلار الزيت 50 سير التكييف 110 بنحطلها زيت شل 120 الاصفر العربيه 250 كيلو فى الصفيحه و اكثر البنزين انا باخدها من خالى و اسافر بيها ببنزين 80 مش 95 و هو بيحطلها 92 بدون ادنى مشكله و لما بنكشف كمبيوتر على العربيه مش بيبان اى مشكله فى الموتور .... سعر موتورها 5000 ج فى الحرفيين استيراد الفتيس ب 550 بالتركيب .... كيلو الزيت للفتيس ب 95 زيت كهرباء ابيض معروف لدى مجموعه فولكس عند الشهابى الكيلو ب 165 ... التابلوة 1300 جوز الفوانيس 600 امامى و 500 خلفى و دة بدون فصال كلنا بنسال بس عمرة الموتور ب 3000 ج اكصدام 1000 مقفول و 1500 بالشبورة لو لقيتو كمبريسور التكييف 800 كبوت من 400 ل 500 اكرة باب خارجيه 50 كل دة استيراد من الحرفيين ما عدا السيور و الزيوت و طقم السيرفيس العادى لاى عربيه انا شايف ان اغلى حاجه فيها الفتيس و الباقى كلو و الله ارخص من حاجه البومه انا شايف كدة بس عربيه جبارة و انتا مش هترضى تغيرها حتى بعربيه زيرو الا لو المانى زيرو عشان الالمانى ادمان اللى يركبو ما يعرفش ينزل منو على حاجه تانيه ........... ارجو ان اكون افدتك و اى استفسار ابعتلى على الخاص

-

الموضوع: أفيدوني في باسات موديل 1999 ضروري لضيق الوقت

LinkBack

أدوات الموضوع

عرض

أفيدوني في باسات موديل 1999 ضروري لضيق الوقت - انشر الموضوع فى :

-

-

-

-

المواضيع المتشابهه

محتاج مساعدة ضرورى نظرا لضيق الوقت بجد

مساعدة ضروري من خبراء باسات موديل 2000-2003

استفسار لضيق الوقت

أفيدوني في صيانة ال 60 الف كيلو لعربية باسات 2008 خليجي.

باسات 1999

الكلمات الدلالية لهذا الموضوع

المفضلات

المفضلات

ضوابط المشاركة