أستاذ نبيل قطع غيار الميجان متوفرة فى التوكيل بنسبة 95%
يعنى نادرا لما تلاقى قطعة غيار مش موجودة
عرض للطباعة
أستاذ نبيل قطع غيار الميجان متوفرة فى التوكيل بنسبة 95%
يعنى نادرا لما تلاقى قطعة غيار مش موجودة
merci
bas brdo estefsar so3'yar 7ata el sunny el yabany we7sha??
كمشاك زى مشاكل التقفيل اللى قريت عنها فى بعض المقالات هنا معتقدش أنها تكون موجودة
بس موضوع العفشة الناشفة معرفش هو هو فى اليابانى ولا لأ
أنا اللى سقتها كانت تقفيل مصرى
أعتقد الأخوة أصحاب الصنى ممكن يفيدوك أكتر
زي ما قال Sharky ٩٥٪ من قطع الغيار موجودة في التوكيل دايماً ، و لو مش موجودة و دي نادراً ما تحصل بيجيبوها بسرعة جداً لأنهم عارفين يعني إيه خدمة عملاء بجد
واحد أعرفه عمل حادثة بالميجان (ربنا يحفظنا جميعاً ) ، صلحوله كل حاجة و إتكلفت تقريباً ١٧ ألف جنيه و فضلت قطعة بسيطة جداً مش موجودة (قطعة وحدة فقط ) و هي إيه بقى ؟ ... الكبوت ، بعتو جابوه DHL و ركب في أقل من إسبوع عشان يسلموه العربية و متحملش حاجة زيادة
إلى صاحبة السؤال : دوري على ميجان بحلة كويسة حتى لو هتزودي شوية صغيرين أو تتنازلي شوية في الاوبشنز (يعني من غير فتحة سقف أو كدة ) و هتلاقيها في حدود أوائل ال-٨٠ ، و ربنا يوفقك
حضرتك اعرف شركه كانت متعاقده مع رينو وكانوا بياخدوا منها كليو و ميجان وكانت اكبر مشكله عندهم التأخير فى الصيانه للعربيات اللى بتعمل حوادث ومكنتش فارقه معاهم التكلفه لانها كانت تبع التأمين وهيه شركه ادويه والمندوبين شغلهم بيقف لما العربيه تتعطل عشان كده لغوا العقد مع رينو وحاليا بيدوا المندوبين افيو اوتوماتيك و ممكن يكونوا دلوقتى ابتدوا يوفروا قطع الغيار بصوره اكبر
طبعاً أنا مصدق حضرتك أكيد بس تفسيري في الموضوع دة إن الكلام د أكيد من حوالي ٥ سنين أو أكتر ، عشان وقتها كنت مبيعات التوكيل أقل بكتير و كنت معتمدة أساساً على Rainbow و Optima ، أما Clio كانت قليلة جداً و Megane الاقل
يعني تخيل توكيل بيبيع من موديل ١٠٠ عربية في السنة هيجيب كم قطعة في المخازين من كل صنف ؟ خصوصاً الحاجات إلي مش مستهلكات لكن بتضيع في الحوادث (رفرف و كبوت و فوانيس و مقصات و خلافه ) ، لا أظن إن هيكون أكتر من ١٠ قطع في المخزن بالكتير من كل صنف و يمكن أقل ، في الحالة دي لو حصل كذا حادث في شهر واحد هتحصل أزمة و القطع هتتأخر .
أما الآن الوضع مختلف و المبيعات كتير ما شاء الله و معتمدة أساساً على ميجان و كليو ، د غير إن نصير بيحاول يقوي مركزه في السوق عشان ياخد توكيلات تانية.
و الاهم من دة كله في كلام حضرتك إن التأمين داخل في اللعبة ، دول أكتر ناس ممكن تأخر التصليح أصلاً ( على ما يدو موافقات على التكليف و دي اه و دي لأ ،أكيد الحاجات بتتأخر حتى لو موجودة )
اتمنى مكنش ضيقة حضرتك بكلامي
merci merci we isa 7b2a a2olokom a7na weselna le aih