عرض للطباعة
بقالى 7000 سنه شايفهم بيعملو فى منزل كوبرى 6 اكتوبر اللى عند نادى السكه واللى بينزلك عند محطه المهمات
انا مش مهندس بس اظن ان الحوار ده ممكن يخلص فى شهر اتنن ثلاثه بالكتيرررررررررر
انما بقالهم اكتر من 3 سنين فى منزل
امال لو عملو كوبرى اكتوبر تانى يعملوه ف 100 سنه؟؟؟؟؟؟؟؟؟؟
كمان انا عندى اقتراح بالنسبه لاشارة عباس ومكرم
مالهومش حل غير نفق يا رجاله!!!!!!!!!!!!!!!!!!!!1
دى رأى
نفق وبكده مصطفى النحاس يمشى وعباس يمش ومكرم مش هيسبهم يمشو ويسبو واقف فا هيرو معاهم
ايه الرأى يارجاله؟؟؟؟؟؟؟؟؟
اولا مفيش اشارة اساسا عند عباس ومكرم لأن حولوا الاشارات الى يو تيرن
ثانيا للناس اللى فاكرة ان الكبارى و الانفاق حتكون الوصفة السحرية لازمة المرور فى منطقة زى دي احب اقول انها مش هتحل اى ازمة بالعكس هتزودها لأن النفق عرضه حارتين و الشارع عرضه تلات حارات و كثافة المرور عالية فى المناطق دى
غير كده حيبقى كل اللى عملته هو نقل نقطة الاختناق من مدخل الشارع الى مدخل و مخرج الكوبرى او النفق
- الموضوع ده نفع فى صلاح سالم و الثورة لأن دى اساسا شوارع كبيرة و مش تجارية و كثافة المرور فيها متوسطة
يا جماعة انا كنت فى عباس العقاد فى يوم ما و لقيت الشارع من اوله لاخره مفيهوش زحمة خالص - ليه؟
علشان كان فيه ظباط مرور و اوناش و مانعين تماما اى حد يركن صف تانى حتى لو قاعد جوه العربية
حلول للزحمة فى الشارعين دول
1 - انشاء جراجات متعددة الطوابق
2 - منع ركن السيارات صف تانى منعا باتا
3 - ازالة مترو مصطفى النحاس و توسيع الشارع
بالنسبة لتقاطع شارع مصطفى النحاس مع كل من شارعي عباس ومكرم
المشكلة هي الكثافة المرورية العالية في الثلاث شوارع
ومقترح الكبري أو النفق مكلفة للغاية ويحتاج إلى رصد ميزانية وإقرارها وغير ذلك مما يستلزم خطة خمسية مثلاً :)
ولذلك أرى أن علينا البحث عن حلول غير مكلفة قبل الوصول إلى الحلول عالية التكلفة
كما أننا يجب أن نراعي عدم ترحيل العقدة المرورية من منطقة إلى أخرى فهذا لن يجدي كثيراً
وأقترح الآتي:
نظراً لتوازي شارعي عباس العقاد ومكرم عبيد ووجود عدة وصلات عرضية بينهم فمن الممكن عمل الآتي :
- 1 - تحويل شارع عباس العقاد إلى إتجاه واحد يبدأ من شارع مصطفى النحاس وينتهي عند شارع النصر
- 2 - تحويل شارع مكرم عبيد إلى إتجاه واحد يبدأ من شارع النصر وينتهي بمصطفى النحاس
- 3 - تعديل الجزيرة الوسطى في كلا الشارعين مع إزالة الجزيرة الوسطى نهائيا عن بداية كل شارع وعند نهايته
- 4 - وضع جهاز مانع السير المعاكس (مطب صغير بعرض الشارع يقوم بثقب الإطارات في حالة السير عكس الإتجاه) على مسافات متناسبة من كلا الشارعين
- 5 - عمل حارة إقتراب طويلة نسبياً لتسهيل الإلتحام بين كلا الشارعين وكل من شارع مصطفى النحاس وشارع النصر
السبب في عدم جعل إتجاه شارع عباس العقاد يبدأ من شارع النصر هو أن هناك ضغط مروري كبير قادم من شارع النزهة ليدخل لشارع النصر ثم يلتف فيه ليعود لشارع عباس العقاد في نقطة من أكثر النقاط زحاماً وبالتالي لو جعلنا دخولهم يتم من مكرم عبيد وبالتالي هذا الزحام للداخل لعباس العقاد سينفرج لأنه سيصبح خروجاً من عباس العقاد لشارع النصر ومدخل مكرم عبيد من شارع النصر أكثر إتساعاً وخالي من الزحام ولن يحدث به تزاحم كالموجود أمام مدخل عباس من شارع النصر
ويفضل أن يتم عمل تجربة إختبارية لهذا التعديل لمدة شهر مثلاً وفي حالة عدم جدواة يتم العودة للوضع السابق دون تكلفة أو إهدار
وختاماً أرجو تعديل عنوان الموضوع ليصبح موضحاً لمحتواه:confused4:
باشا انا عارف اهما حولها ل يو ترن بس اسميها ايه؟ مش عارف فاقولت اشارهاقتباس:
المشاركة الأصلية كتبت بواسطة sherif80
ثانيا انا من سكان مدينة نصر فاشيف اللى بيحصل والله يا اخى يوم الاحد اللى فات اللساعة 11 مساء
عباس العقاد كان واقف تماما انت توصل اسرع على رجلك ولو حد كان هناك يقولك
طبعا الركن صف تانى انا معاك فيه وياريت لو نفجر العربيات دى
ثانيا بالنسبه للمترو مش حل
عشان دول بيفكرو يمدوه للتجمعات فصعب الحل ده
اقتراحك الاول والثانى ممتازين على الرغم من عدم وجود مكان لانشاء جراج متعدد الطوابق فى هذه الشوارع
تحياتى وشكرا لايجابيتك
والله انت كلامك يدل على انك راجل فاهم ولو انى متأكد يا بشمهندس لانى عارف ان الاقتراح بتاعك بتاع جسر السويس المسؤلين سمعولكاقتباس:
المشاركة الأصلية كتبت بواسطة ahmed1981
عقبال الاقتراح ده
واه تجربه ببلاش مش هنخسر حاجه
كمان بالنسبه للعنوان انا معرفتش اغيره
ياريت لو انت تعرف دوسسسسسسس
انا مش فاهم النقطه اللى فوق دى ياريت توضيح اكتر
حارة الإقتراب:اقتباس:
المشاركة الأصلية كتبت بواسطة shalaby2001
عن تقاطع شارعين وإلتحامهما ليصبحوا طريقاً واحداً
لا يتم ذلك فورياً ولكن بالتدريج عن طريق عمل مسار خاص لأحدهما مفصول عن الآخر برصيف لمسافة معقولة حسب الطريق وبعد هذه المسافة ينتهي الفاصل بينهما ليصبحوا طريقاً واحداً
وبدون حارة الإقتراب يصبح التقاطع مزدحماً ومعرضاً للحوادث
وبالصورة التالية مثال:
http://www6.0zz0.com/2008/06/28/10/162239840.jpg
أسف جدا لحضرتك لأن في اقتراحك تناقض كبيييييير وواضح تخيل انت بتقول بقالهم اكتر من 3 سنين في نزله كوبري المفروض تخلص في كام شهر وفعلا المقاولين العرب شغلهم بطيء بس تخيل بقي حضرتك لو عملو نفق هياخد منهم قد ايه وقت والشوارع هتكون زاحمه اكتر ياباشا انت في مصر وفي اقتراحات كتيره اجمل بس الحكومه ما بتاخدش برأي الناس هي بتاخد برأي نفسها واللي يطلعلها مصالح وبس وده اكبر دليل علي المحور اللي كان هيتسلم شهر 11 وبعدها قالك اول السنه واهو لسه متسلم في اخر 6 وكل ده علشان احتكار المقاولين العرب زي ما هيخربوا طريق مصر اسكندريه كدهاقتباس:
المشاركة الأصلية كتبت بواسطة shalaby2001
وعلي رأي توت عنخ امون
هاي هئ
جزاكم الله خيرا . ومتشكر جدا للتوضيح.اقتباس:
المشاركة الأصلية كتبت بواسطة ahmed1981
انت صح. بس لازم يكون فيه حلاقتباس:
المشاركة الأصلية كتبت بواسطة upnemo
أحسن حل انهم يرجعوا الاشارات تاني بس تكون اشاره الكترونيه زي اللي في الدقي كده يعني تكون بميعاد ويكون اقصاه دقيقه ومتهيألي لو استنيت دقيقه هيكون احسن من انك تستني ربع ساعه وفي الاخر عربيتك تتخبط باردو وده حل ممتاز بس للأسف الحكومه عايزه توفر عساكراقتباس:
المشاركة الأصلية كتبت بواسطة shalaby2001
وصدقني هو ده اسلم حل لأن الطريقه دي مش هتنفع ابدا ومهما عملت الدنيا باردو هتفضل زحمه لأختلاف السيارات في اتخاذ الطريق الصحيح
صدقنى الاشاره مش حلاقتباس:
المشاركة الأصلية كتبت بواسطة upnemo
بس هى فى اسوء الاحوال افضل من اليو زفت
انا رأيى بدل U اليو زفت يغيروها O بأوو أزفت علشان كله يلف حوالين نفسه لغاية ما يزهق ويدوخ ويروح على بيته وبكده نفضى الشوراع وتنتهى الازمة المرورية، وكل عام وانت طيبين، رمضان كريم، مافيش فايده ! :auto:اقتباس:
المشاركة الأصلية كتبت بواسطة shalaby2001
قرأت فى الجرائد من حوالى سنتين انه سيتم عمل كوبرى يبدا من عند المنصة فى طريق النصر ليعبر كل من ميدان رابعة عباس العقاد و مكرم عبيد ويوسف عباس وينتهى عند النادى الاهلى.
وبدأت فعلا عمليات تدمير الجزيرة الوسطى
وبسسسسسسسسسس
و قيل انه يوجد مواسير رئيسية فى الطريق لا يمكن نقلها.
وتم الغاء المشروع (:
يا جماعة والله انا عارف انى بحلم بس اكيد ممكن الحلم ده يتحقق
انا عايز نفق فى اول عباس للقادم من مصطفى النحاس الى طريق النصر يبقى فى نفق يخرجه عند ربعة العدوية او طيبة مول وبكده نكون حلينا ازمة طريق النصر اللى بتبدى من ميدان رابعة وحتى احمد فخرى
+ الانفاق اللى انا قولت عليها
لو حد بجد اخد الاقتراح ده على محمل الجد الدنيا هتتظبط ان شاء الله
أستاذ شلبي
الحلول المرورية التي نفكر بها لو كانت مكلفة فلن ينظر لها
يعني نفق أو كوبري تكاليف بالملايين
لكن لو إقترحنا حلول بسيطة التكلفة ستكون أكثر أولوية في دراسة تنفيذها