انا عربيتي انجكشن روسي وخايف اغسل الموتور عاوز النصيحة.
عرض للطباعة
انا عربيتي انجكشن روسي وخايف اغسل الموتور عاوز النصيحة.
فى فوووم بيتغسل بية الموتور بيتباع ف عند بتووع الكماليات و روح البنزينة و يتغسل بالفووم ده
اوعي تروح..انا لسا غاسل عربيتي من اسبوع.. غيرت ترموستات مروحه وطقم كهربه ده غير العطله ووقفت الصنيعيه ده غير انها عطلت مني...انت ممكن تغسل العربيه كلها معادا المتور انفخو بالهوا بس.. لو قفلت معاك وعاوز تغسل المتور روح اي محل تنظيف عربيات بلاش البنزينه لان بتوع محلات التنظيف دول بيبقو رايقين وبيغطي كل حاجه حساسه في العربيه وبيغسل بالهداوه وخرطوم الضغط بتاعه حلو لكن البنزينه ضغطها قوي
حتي فوم الغسيل ده حتلاقي مكتوب عليه متروشش بيه على اي مكان فيه سلوك كهربا او اجهزة الكترونية زي فيش الكمبيوتر وكده
يعني من الاخر ملوش لازمه برضه
انا مره واحد غسلي الموتور والحوض بس بايده (معاه فوطه وقزازه جاز) وفضل حته حته قعد اكتر من ساعه بيعمل فيها وطلعها بتنور غير ده مبحبش اعملها في البنزينه والميه لان كلها بلاوي والكمبيوتر لو ضرب لاقدر الله مش رخيص ده غير العطله
اللى اعرفه ياما فوم او هوا بس من غير مايه ولا جاز
والله اعلم
هو النظافه كويسه
بس ماتخفش خليك جريئ على شان تتعلم
اولا بلاش الغسيل بضغط المياه خليك بالفوم بس معلش ضغط المياه فى الاماكن الضيقه افضل ممكن تتكلم مع العامل وتخليه يغسل الحوض والشاسيه من تحت اسف الحوض من فوق لاكن يبعد عن الاماكن الحساسه زى علبه الفيوزات الاسبراتير المروحه وربنا معاك
إغسل الماتور في البنزينة بجاز وما فيش أي مشاكل عن تجربة لمرات عديدة المشكلة الوحيدة لما الجاز يتبخر هيطلع دخنة بيضاء من الكبوت لمدة ساعة أو أكتر بس نظافة ما بعدهاش.
شكرا يا جماعة على الردود ... انا بخاف موت من قصة المية وغسيل الموتور دة ... بس انا ناوي ابيع العربية فالتاجر اللي هيبعهالي قال لي حكاية الغسيل دي بس انا مش هغسلها وهبقى انضف الاجزاء اللي بعيد عن الكهربا بحتة وشوية جاز بنفسي.
شكرا مرة تانية للافادة يا احلى ناس
بالنسبة للغسيل بالماء أو الفوم سيبك منه بالنسبة للبيع أعرض عربيتك ع النت وع المنتدى أفضل لك من التجار عندى استفسار هل عادى وأنا بغسل العربية من برا أخلى المياه تدخل من الشبكة الأمامية للرادياتير ولا غلط ؟ خصوصا طبعا إن فيه كهرباء واصلة للكلاكس وبالنسبة للمياه لو حبيت اغسل الجنط عادى لو جت على الفرامل والديسكات ولا خطر خصوصا إن عندى إي بى إس
لا مافيش اي خوف علي الكلاكس طول عمرنا بنغسل العربيه والميه بتيجي علي الكلاكس والداتير وعادي..اما بالنسبه للفرامل بردو مافيش مشكله الا اذا انت غسلت العربيه وركنتها لفتره يعني ممكن يتربي عليها صدا او طبقا ممكن تخلي الفرامل تسفر معاك وهتطر تغيرها(حصلت مع واحد صاحبي)