انا قربت اتجنن خلاص

**elekiaby** · 28-07-2012 04:14 PM

السلام عليكم ورحمه الله وبركاته
رمضان كريم عليكم ياجماعه وكل عام وانتم طيبين

فى البدايه معاكم اخوكم م/ احمد الاكيابى
مشكلتى ان عندى عربيه مازدا 3 موديل 2007 اوتوماتيك فيها مشكله مش لاقيلها اى حل وقارفانى جدا جدا جدا جدا ومخليانى مش عارف امشى بالعربيه وانا مستريح

المشكله كالاتى :
__________

اكون ماشى بالعربيه عادى بس حاسس ان فى كهربا زيادة كدة حاسس بيها برجلى ف دواسه البنزين وانا دايس بنزين واول مارفع رجلى عن دواسه البنزين الاقى الار بى ام على شويه لحد 2 وشرطه كدة ويفضل معلق حوالى 2-3 ثوانى وينزل بسرعه وف اثناء نزوله احس ان العربيه عندها زغطه كدة او نتشه صغيره

المهم غيرت البوجيهات وغيرت زيت الفتيس وزيت الموتور ونظفت البوابه والرشاشات ونظفت حساس الايدل والتى بى اس وبردة مفيش جديد
رحت وديت الكنترول شيكت عليه لقيته تمام مفوش حاجة
مش عارف بقى المشكله دى من ايه وخايف تكون من الضفيره وادخل نفسى ف موال كبير بس بجد المشكله دى قلقانى جدا ومبضينه عليا اوى
ان شاء الله نوصل مع بعض لحل للمشكله دى

**elekiaby** · 28-07-2012 08:43 PM

25 واحد شاف الكلام بتاعى ومحدش رد حتى باى كلمه؟؟ سبحان الله بجد

**doudy1480** · 08-08-2012 05:44 PM

التوكيل يقولك فيها ايه ... انت متهيألي عملت كل حاجه ممكن تتعمل .... ( انا كان في ظنى انه يكون حساس الايدل بنسبة كبيره بس انت قولت نضفته )

**medododo** · 08-08-2012 05:55 PM

دواسة البنزين وير ولا كهرباء في الموديل ده؟؟

**ehab16** · 25-08-2012 04:18 PM

بص علي كابل البنزين او الفلتر بس لو العربيه دي علي كابل احتمال يحتاج نقطه زيت او الفلتر ما اتغيرش من مده

**yahyafared** · 13-09-2012 09:00 PM

نضف دورة البنزين كويس اوى وغير الفلاتر وادعيلى

**Magoda** · 19-09-2012 07:04 PM

رأييى تروح التوكيل أفضل بدل الحووووسة ديه

**emanf** · 08-10-2012 10:37 PM

اكبر غلطة انك فكيت حساس الايدل الموجود على العمة ونظفته لان الحساس دة اكيد انتهى يا صاحبى حصل معايا نفس الخطأ ولقيت العربيه صوتها عالي والغريب انها ماشية بسرعه حتي علي الغيار الاول واستهلاك البنزين اكيد ذاد وفى النهاية واحد قالى نصيحة بدل ما اغير الحساس انا اجيب عمة كاملة بالحساسات استيراد والحمد لله لقتها وركبتها فى عربيتي الكورولا 2002 وظبطت العربة علي الاخر لكن للاسف ادى فك العمة القديمة وتنظيفها الى توقف حساس الشكمان الخلفى وان شاء الله ناوي اغيرة