عرض للطباعة
السلام عليكم ورحمة الله وبركاته
انا دلوقتى اشتريت سيارة شاهين من أخو صحبي والسيارة كانت تبع مرور الجيزة مع العلم ان انا تبع مرور المنوفية
وروحنا الشهر العقاري وعملنا عقد مسجل وهو راح قبلها عمل شهادة بيانات للشهر العقاري ودفع الضرائب كلها حتى السنة الجديدة وعمل شهادة المخالفات وكل ده من اسبوع واحد بس
مع العلم أيضاً ان الرخصة غير سارية ومنتهية من حوالى شهر بالظبط
ايه الخطوات اللى المفروض أبدأ بيها عشان انقل الملف لمرور المنوفية وجزاكم الله كل خير
لو سمحتم محتاج رد بسرعة .. بالله عليكم يا اخوانى افيدوني أفادكم الله
تروح المرور بالعقد المسجل وترخص العربية باسمك
حتروح المرور في المنوفيه بشهاده البيانات و تطلب نقل الملكيه
و حيرفعوا بصمه الموتور و الشاسيه و حيخلوك تعمل مطابقه بصمه من مرور الجيزه وممكن يخلوك تعمل هناك استعلام امني
حترجع بمطابقه البصمه وتسلمها مع شهاده المخالفات و شهاده البيانات للمرور في المنوفيه
جزاك الله خير
بس سؤال بعد إذنك .. لازم شهادة البيانات الأصلية ولا صوره منها لأن الشهادة اللى طلعت الشهر العقاري أخدها له وفاضل منها صورة فقط
هل ينفع اروح بالصورة ولا بالشهادة الأصلية .. والسؤال هنا اطلعها منين لو منفعش الصورة (الجيزة ولا المنوفية) ؟؟؟
مادام الرخصه منتهيه يبقي لازم شهاده بيانات اصليه وبتطلع من المرور الحالي للعربيه يعني من الجيزه
جزاك الله كل خير يا أستاذي assaf
وفعلا ده اللي حصل .. روحت مرور الجيزة وطلعت شهادة بيانات ورجعت تانى مرور المنوفية وعملت فحص فني وأخد بصمة الموتور والشاسيه وعملى طلب فيه تطابق بصمات وورقة استعلام أمني أمضيها من مرور الجيزة بردو
هل وانا رايح مرور الجيزة لأخر مرة بإذن الله عشان اخلص الامضاءات .. لازم اخد معايا لوح العربية القديمة والرخصة ولا مش لازم تتسلم فى مرور الجيزة ؟؟؟؟؟
الف مبروك يا استاذ احمد انا تحت امرك
انا عملت كدا سلمت كل حاجه للمرور الاصلي وفرق جدا
يعني لو تعرف تسلم اللوحات وشهاده المخالفات و الرخصه لمرور الجيزه حيكون تمام بس خللي بالك لازم يكتب في شهاده البيانات غير مطلوب الرخصه ولا المخالفات ولا اللوحات
كدا مرور المنوفيه حيعمل ليك رخصه دائمه لانه مش حيكون محتاج الملف لو مسلمتهمش ممكن يعمل لك رخصه مؤقته 3 شهور بس
مشوار بسيط ياباشا لمرور المنوفيه قبل ماتروح الجيزة واسال المهندس الفني وهايقولكاقتباس:
المشاركة الأصلية كتبت بواسطة أحمد الحاج
موضوع حرق المرور ده جيه علينا باذي في موضوع مطابق البصمه ده حسبي الله و نعم الوكيل في اللي حرقوهم