الموضوع: ايه الفرق بين فيات 124 و بين الفيات التانيين زي 125 و131 والعفشة وكده

المشاركة الأصلية كتبت بواسطة aallmix

كنت عايز اعرف هل في فرق في العفشة والموتور والفتيتس بين فيات 124
وبين ال125 وال131 وال1300

وايه الفرق بين 124 ولادا 124 !!!

احاول اقولك علي قد ماعرف
الفيات 124 تعاون مشترك بين روسيا لااد وفيات ايطاليا
عفشتها عفشه الادا
موتورها موتور ال 31 الاسود 1300 سي سي
الفياتا25 اولا هي مش فيات لكنها كانت بتترخص في مصر علي انها فيات
انما هي شركه بولنديه لتصنيع السيارت
عفشتها مقتبسه من فيات 132
لكن موتورها مستقل بذاته ومالوش علاقه بمواتير فيات 31 او 32 او 24 لكن ممكن يتسقط لها مواتير فيات 31 او 32
الفيات 1300 الموديل الاول والاقدم من فيات في مصر وكان بيتجمع في شركه النصر
وكانت العربيه دي اقلاب في عالم السيارت في مصر
من السيارات الاميركاني المنفوخه والضخمه ذات ال 8 سلندر
بويك وبكار وثاندر بيرد وفورد واولد زموبيل
الي عربيه انسيابيه وصغيره في الحجم والموتور
عفشتها متشابهه مع عفشه ال 32 وموتورها متشابه في الشكل فقط لاغير مع موتور 25

المشاركة الأصلية كتبت بواسطة aallmix

يعني عفشتها عفشة اللادا 2105 و2107 وممكن يتركبلها مواتير وفيتيس ايه ؟
وبكده تكون مشكلة ال124 هيا نفس مشاكل عفشة اللادا الشهيرة البيض والجلب... صح ؟

ال 24 زي ما قولت موتورها هو موتور ال 31 انت مش محتاج تسقط لها مواتير لو هاتغير هاتغير بنفس الموتور بدل ماتعمل عمره مثلا
العفشه فعلا مشاكلها هي نفس مشكله اللادا الشهيره وهي ملص البيض
وفي عربيه تانيه نفس عفشه الللادا هي 125 او 124 اسبيشيال لكنها تقريبا انقرضت
واظن ال 24 خلاص نادرا لما حد يشوفها

موديل تاني لكنه قليل اسمه 25 اسبيشيال غير ال 25 المتعارف عليها
عفشه ال 25 هي زي ما ذكرت عفشه ال 32 مش ال 31

المشاركة الأصلية كتبت بواسطة aliyehia

مع خالص احترامى لكل المعلومات الوارده بالمشاركات السابقه الا ان معظمها يفتقد للدقه
اسهل حاجه الدخول على موقع ويكيبيديا و اكتب فيات 124 و حتعرف كل حاجه عنها و بعدين 131 و 125 وهكذا

الراجل مش طالب بحث علمي غن فيات بكل انواعها
المعلومات المذكوره صحيحه
لاني كنت من ملاك الفيات
27 ثم 25
وشاهين
بيسال عن الاختلافات والتطابق في العفشه والموتور بين عربيات فيات الموجوده في مصر
راجع المكتوب جيدا وقولي ايه الغلط اللي فيه