الموضوع: رخصة لسيارة معاق مرور فيصل من 2008

المشاركة الأصلية كتبت بواسطة kamalhessen

ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر

للاسف مينفعش

المشاركة الأصلية كتبت بواسطة ana

اولا الحظر بقى كل 3 سنين مش كل 5 سنين يعنى مش هتدفع 9600 فى فك الحظر ثانيا رخصه قياده المعاق مبقتش مطلوبه فى اوراق فك الحظر يعنى دلوقتى اللى انت هتعمله هتطلع على مصلحه الجمارك فى صلاح سالم الشارع اللى قدام نادى الجلاء تقريبا او مش فاكر اسم النادى بس هو اول عمارات العبور هتطلع الجمارك بتاعت المعاقين الدور التاسع وهتاخد معاك التالى
( شهاده بيانات من المرور موجهه لمصلحه الجمارك - صورتين من رخصه السياره - و صورتين من البطاقه الشخصيه للمعاق - والرسوم حوالى 55 جنيه) ومتخليش اى حد تانى يشتغلك لان ده بس اللى هتحتاجه وانا لسه فاكك حظر عربيه من 4 شهور واى استفسار ابعتلى على الخاص

ماهو هيحتاج رخصة العربية
والعربية مش هتترخص الا لما يطلع رخصة قيادة خاصة
بعدها يطلع رخصة العربية
وبعدين ياخد رخصة العربية يفك بها حظر
الا لو حضرتك قصدك انه يدفع غرامة الرخصة ويفك حظرها قبل ما يرخصها
وبعدين يبعها برقم شاسيه وماتور
واظن ان الكلام ده مينفعش

يا جماعه كل الناس بتتكلم صح

من خمس سنين جبت العربيه اللي معايا معاقين (بأسم والدي)

و رخصت العربيه بدون رخصه لوالدي فعلا في مرور المحله بدون اي مشاكل و بدون وجود واسطه او فلوس او اي شئ

و لأني كنت محتاج افك حظرها علشان اسوقها في السفر بنفسي بدون مشاكل قررت أفك الحظر بدفع مبلغ 9600 جنيه لكن لقيت مطلوب رخصه المعاق من ضمن الاوراق و والدي معهوش رخصه فدفعت مبلغ 2000 جنيه غرامه لعدم وجود رخصه للمعاق بالاضافه ل 9600

كان معايا تاجر بيفك الحظر لسياره معاق و له نفس الظروف بتاعتي لكن مش مرخص العربيه لان المرور بتاعه (تقريبا كان بنها) بيشترط وجود رخصه المعاق لترخيص العربيه و دفع برضه نفس الغرامه زي بالظبط

الخلاصه ان كل مرور بمزاجه فيه بيطلب رخصه للمعاق علشان يرخص العربيه و فيه لأ
لكن في كل الاحوال ممكن تفك الحظر بعد دفع الغرامه

بالنسبه للحظر هو مش 3 سنين زي الزميل ana قال الحظر 5 سنين زي ما هو لكن ممكن بعد 3 سنين تفك الحظر بعد دفع 9600 و بعد 5 سنين الحظر يتفك ببلاش
لكن قبل 3 سنين ممنوع فك الحظر نهائي حتي لو بفلوس

المشاركة الأصلية كتبت بواسطة yaserbasha2000

يا جماعه كل الناس بتتكلم صح

من خمس سنين جبت العربيه اللي معايا معاقين (بأسم والدي)

و رخصت العربيه بدون رخصه لوالدي فعلا في مرور المحله بدون اي مشاكل و بدون وجود واسطه او فلوس او اي شئ

و لأني كنت محتاج افك حظرها علشان اسوقها في السفر بنفسي بدون مشاكل قررت أفك الحظر بدفع مبلغ 9600 جنيه لكن لقيت مطلوب رخصه المعاق من ضمن الاوراق و والدي معهوش رخصه فدفعت مبلغ 2000 جنيه غرامه لعدم وجود رخصه للمعاق بالاضافه ل 9600

[gdwl]كان معايا تاجر بيفك الحظر لسياره معاق و له نفس الظروف بتاعتي لكن مش مرخص العربيه لان المرور بتاعه (تقريبا كان بنها) بيشترط وجود رخصه المعاق لترخيص العربيه و دفع برضه نفس الغرامه زي بالظبط[/gdwl]

الخلاصه ان كل مرور بمزاجه فيه بيطلب رخصه للمعاق علشان يرخص العربيه و فيه لأ
لكن في كل الاحوال ممكن تفك الحظر بعد دفع الغرامه

بالنسبه للحظر هو مش 3 سنين زي الزميل ana قال الحظر 5 سنين زي ما هو لكن ممكن بعد 3 سنين تفك الحظر بعد دفع 9600 و بعد 5 سنين الحظر يتفك ببلاش
لكن قبل 3 سنين ممنوع فك الحظر نهائي حتي لو بفلوس

يعنى فك حظر العربية بدون ترخيصها !!!!!!!!!!!
وتتباع ازاى بعد كده
رقم ماتور وشاسيه ؟؟