رخصة لسيارة معاق مرور فيصل من 2008 ....العربية صدت من الركنة و مش عارفين نرخص العربية منهم لله مرور فيصل
عرض للطباعة
رخصة لسيارة معاق مرور فيصل من 2008 ....العربية صدت من الركنة و مش عارفين نرخص العربية منهم لله مرور فيصل
ممكن تكتب بيانات العربية...؟
طيب ايه المشكله في الترخيص ؟
اية المشكلة ؟ المعاق معهوش محو امية وال اية؟ والعربية نوعها اية؟ واية المطلوب ؟ والعربية بتبعها ؟
ايه المشكلة
وانت عايز ايه بالظبط
بتشتكى
ولا بتبيع
ولا ايه بالظبط
!!!!!!!!!!!!!!!
ابن عمى معاق جاب سيلرة منذ 3 سنين و مش عارف يرخصها فى المرور او ياخد رخصة قيادة عشان يرخص العربية و مطلوب خمسة الاف جنيه رشوة مرور فيصل الهرم هل من مساعدة فى حل هذه المشكلة بدون دفع رشوة لان العربية صدأت من الركنة .. منهم لله
ارجو المساعده للاهمية . ابن عمى معاق جاب سيارة بجواب معاق وامتحن اكثر من ست مرات ولكن المرور متعنت معه والان عدى على شراء السيارة اكثر من ثلاث سنوات فهل ممكن يدفع فك الحظر الجمركى ال9600 جنيه و يرخص السيارة بدون رخصة القياده له او اذا لديكم حل اخر ولكم جزيل الشكر
ولكم جزيل الشكر
لا مش هيبيع العربية و صاحبها متعلم معاه دبلوم و بيسوق على قده
غير عنوانة وانقلة على مرور تانى كويس وجرب تانى
اولا الحظر بقى كل 3 سنين مش كل 5 سنين يعنى مش هتدفع 9600 فى فك الحظر ثانيا رخصه قياده المعاق مبقتش مطلوبه فى اوراق فك الحظر يعنى دلوقتى اللى انت هتعمله هتطلع على مصلحه الجمارك فى صلاح سالم الشارع اللى قدام نادى الجلاء تقريبا او مش فاكر اسم النادى بس هو اول عمارات العبور هتطلع الجمارك بتاعت المعاقين الدور التاسع وهتاخد معاك التالى
( شهاده بيانات من المرور موجهه لمصلحه الجمارك - صورتين من رخصه السياره - و صورتين من البطاقه الشخصيه للمعاق - والرسوم حوالى 55 جنيه) ومتخليش اى حد تانى يشتغلك لان ده بس اللى هتحتاجه وانا لسه فاكك حظر عربيه من 4 شهور واى استفسار ابعتلى على الخاص
انا مش عارف احنا بنتجادل فى ايه وانا عربيتى اصلا معاقين و مش اول عربيه معاقين ليا ولسه فاككها من 3 شهور و بقالها 5 سنين معايا و عموما لو صاحب الموضوع زهق خالص ينزل يسال فى اى مرور غير اللى هو تبعه
يا جماعه كل الناس بتتكلم صح
من خمس سنين جبت العربيه اللي معايا معاقين (بأسم والدي)
و رخصت العربيه بدون رخصه لوالدي فعلا في مرور المحله بدون اي مشاكل و بدون وجود واسطه او فلوس او اي شئ
و لأني كنت محتاج افك حظرها علشان اسوقها في السفر بنفسي بدون مشاكل قررت أفك الحظر بدفع مبلغ 9600 جنيه لكن لقيت مطلوب رخصه المعاق من ضمن الاوراق و والدي معهوش رخصه فدفعت مبلغ 2000 جنيه غرامه لعدم وجود رخصه للمعاق بالاضافه ل 9600
كان معايا تاجر بيفك الحظر لسياره معاق و له نفس الظروف بتاعتي لكن مش مرخص العربيه لان المرور بتاعه (تقريبا كان بنها) بيشترط وجود رخصه المعاق لترخيص العربيه و دفع برضه نفس الغرامه زي بالظبط
الخلاصه ان كل مرور بمزاجه فيه بيطلب رخصه للمعاق علشان يرخص العربيه و فيه لأ
لكن في كل الاحوال ممكن تفك الحظر بعد دفع الغرامه
بالنسبه للحظر هو مش 3 سنين زي الزميل ana قال الحظر 5 سنين زي ما هو لكن ممكن بعد 3 سنين تفك الحظر بعد دفع 9600 و بعد 5 سنين الحظر يتفك ببلاش
لكن قبل 3 سنين ممنوع فك الحظر نهائي حتي لو بفلوس
العربيه بيتفك الحظر بتاعها بشهاده بيانات من المرور و دي مش محتاجه رخصه
بعد فك الحظر في الجمارك بتوصل شهاده فك حظر للمرور التابع له العربيه ( اللي فيه ملفها) و كده يبقي من حقه يرخصها بدون رخصه قياده زي اي عربيه ملاكي لانه بعد فك الحظر يجوز حد غير مالكها يقودها قانونا فمفيش مشكله
بعد ترخيصها بيبيعها عادي جدا بالرخصه
كلام سليم وبالنسبه لرخصه المعاق فهى دلوقتى مش مطلوبه فى فك الحظر وحضرتك ممكن ترجع للجمارك اللى فى مدينه نصر وتتاكد من كلامى وبالنسبه لل3 سنين فانا كنت قريت مقال فى الاهرام ان الحظر بقى يسقط بعد 3 سنين بدل 5 وعامه فعلا مستحيل تفك حظر عربيه قبل 3 سنين من دخولها مصر
شهاده البيانات دى اهم ورقه فى فك الحظر وبعد تنفيذ اجراءات فك الحظر فى الجمارك بتاخد من الجمارك شهاده الافراج اللى هى من حق المعاق ومن غيرها ميعرفش يجيب عربيه تانى وبيبقى فيها رقم بتستنى 21 يوم لغايه ما الجمارك تبعت التخليص للمرور وبعدين بتروح المرور تسال على التخليص بالرقم اللى فى شهاده الافراج وبترخص العربيه تانى التغيير فى الرخصه هيبقى (حظر جمارك لا يقودها الا مالكها مجهزه طبيا) ده الكلام القديم قبل فك الحظر وبعد الترخيص الرخصه هتبقى (لا يقودها الا مالكها مجهزه طبيا) لاحظ بعد فك الحظر كل اللى اتشال كلمه (حظر جمارك) ااما باقى الكلام زى ما هو بمعنى اصح طول ما العربيه باسم المعاق مينفعش يسوقها حد غيره حتى لو الحظر اتفك اما لو عايز تشيل ده كله بتجيب شهاده بيانات من المرور موجهه للشهر العقارى بلا مانع من البيع وانها خالصه الجمارك وبعدين تتباع عادى ويرخص بعد كده عادى وتبقى زيها زى اى عربيه