صوت غريب عندما ادوس على الدبرياج

**mamdouhedrees** · 29-07-2012 03:08 AM

لاحظت منذ يومين عندما أدوس على الدبرياج لتغيير لسرعه أخرى بسمع صوت مثل( صوت الشنيور بعد فصله من الكهرباء).وملحوظه جدا بالتحويل من الغيار الثانى الى الثالث.هذا عندما أدوس على البرياش وأرفع رجلى.
بالنسبه لفتيس عادى خفيف مع الغيارات .ثقل الضغط على الدبرياج مثل السابق.سرعه السياره مع الغيارات ممتازه وحتى مع المطالع والكبارى.بسى توجد ملاحظه ظهرت قريب أر بى أم بيعلى عندما أدوس دبرياج قبيل المطبات لأحول للغياره للثانيه يكون حوالى 1500 مع اننى قبل المطب شبه بقف خالص. ملاحظه أخرى السرعه على السلانسيه فى الاول والثانى أسرع بكثير مما سبق. السياره عامله 190000 كيلو موديل 2004.لم يتغير لها طقم دبرياج.مع ملاحظه ان سواقتى هاديه وفى طرق مفتوحه وقليل الدوس على الدبرياج.
بعضالزملاء قالوا دى بليه الدبرياج.الرجاء تحديد المشكله.شكرا لردكم مقدما.

**truss** · 29-07-2012 04:20 AM

الصوت دة غالباً بلية دبرياج..

بالنسبة للـ rpm العالى و انت بتهدى جرب تفك صمام الايدل كنترولر و تنضفة و بعدين تعمل ايدل ليرن

**walidadel81** · 29-07-2012 05:48 AM

ده صوت بيله الدربياج بلاش تطول عليها بدل ماتقفش منك وانتي باي مكان وماتعرف تتحرك لان ساعتها هطير ريش الدسك
نصيحه لو هتفك عشان تغيرها غير المجموعه كلها بتاعت الدبرياج دسك واسطوانه وبليه

**mamdouhedrees** · 29-07-2012 11:42 PM

المشاركة الأصلية كتبت بواسطة walidadel81

ده صوت بيله الدربياج بلاش تطول عليها بدل ماتقفش منك وانتي باي مكان وماتعرف تتحرك لان ساعتها هطير ريش الدسك
نصيحه لو هتفك عشان تغيرها غير المجموعه كلها بتاعت الدبرياج دسك واسطوانه وبليه

بالفعل أنا رحت التوفيقيه وجبت الطقم الأصلى gm (أسطوانه وديسك وبليه) ب 640 جنيه وفورش حرف ال ب 60 جنيه. وأن شاء الله فى أجازتى يوم السبت سوف أذهب للميكانيكى لأركبه.ياريت تعرفنى أجهز أى شى أخر وشكرا.

**Eng.Geo** · 30-07-2012 12:09 AM

640 !!! .... قلبي !
أخر مرة كنت سألت كان ب 350 وكان ال valeo .... اللي هو هو بتاع GM !
عامة انت أنجزت وجبت مالأخر
الصوت ده لو كان بيختفي لما تدوس دبرياج يبقي البلية
لو بيظهر لما تدوس دبرياج يبقي الفورش
انت كدة كدة هتغير كله فهتتحل المشكلة ان شاء الله

**mamdouhedrees** · 30-07-2012 12:31 AM

المشاركة الأصلية كتبت بواسطة Eng.Geo

640 !!! .... قلبي !
أخر مرة كنت سألت كان ب 350 وكان ال valeo .... اللي هو هو بتاع GM !
عامة انت أنجزت وجبت مالأخر
الصوت ده لو كان بيختفي لما تدوس دبرياج يبقي البلية
لو بيظهر لما تدوس دبرياج يبقي الفورش
انت كدة كدة هتغير كله فهتتحل المشكلة ان شاء الله

بالفعل كان موجود طقم فاليو ب 330 جنيه ولكن خفت يكون مضروب زى حاجات كتيره فجبت gm عليها العلامه المائيه ل gm ومنصور شيفورليه مش لقيت الطقم الأصلى الا عند عزيز سليمان.وربنا ييسر فى تركيبه .وزميل لى قال لى فك الأسطوانه لازم يفك من عند الفتيس وأشترى زيت فيتيس وجوان.

**Eng.Geo** · 30-07-2012 12:36 AM

المشاركة الأصلية كتبت بواسطة mamdouhedrees

بالفعل كان موجود طقم فاليو ب 330 جنيه ولكن خفت يكون مضروب زى حاجات كتيره فجبت gm عليها العلامه المائيه ل gm ومنصور شيفورليه مش لقيت الطقم الأصلى الا عند عزيز سليمان.وربنا ييسر فى تركيبه .وزميل لى قال لى فك الأسطوانه لازم يفك من عند الفتيس وأشترى زيت فيتيس وجوان.

طاب تمام
هو الفاليو لو أصلي فهو زي ال gm بالظبط انما انت عملت الصح
هتحتاج زيت فتيس ومش هتحتاج جوان الا لو الجوان عندك بايظ
كدة كدة مش هاتفك كارتيرة الفتيس عشان الدبرياج