الموضوع: مهم لملاك التيدا

بسم الله الرحمن الرحيم

اولا كل سنة وانتو طيبين ورمضان كريم

انا كان عندي مشكلة في عربيتي نيسان تيدا 2006

رابط الموضوع

http://www.nilemotors.net/Nile/300845-a.html

رحت عند واحد معرفة في الحرفيين عنده كشف بالكمبيوتر
كشفت طلعله ( موبينا ) فمسح الإيرور وعمل ريفريش مرجعتش تاني الحمد لله
المهم رحت جبت طقم بوجيهات من عند محمد جابر وغيرتهم
وفي حاجة مهمة جدا البوجيهات القديمة طالعة محروقة ومتفحمة لحد نصها !
انا ماشي 85 الف كيلو بالعربية مش معقول تطلع كده وهي المفروض تقعد 100 الف
والحمد لله اني لحقتهم قبل ما الموبينة تبوظ

الموضوع كلفني 500 جنيه بوجيهات + 50 كشف كمبيوتر + 50 مصنعية تغيير بوجيهات
والحمد لله العربية رجعت فلة والسحب بقى قوى جدا

ملحوظة / سعر البوجيهات في التوكيل = 475 من غير ضريبة ولا مصنعية تركيب
في محلات قطع الغيار = 500 جنيه


فرجاء من إلي معاه تيدا ياخد باله من موضوع البوجيهات ده ويكشف عليها عال 60 الف وينسي موضوع ال100 الف ده

صحيح فك البوجيهات في التيدا رخم شوية وبيحتاج مصنعية من 40 لـ 80 جنيه على حسب الميكانيكي

بس لازم الواحد يطمن عشان ميحصلش زي عندي