الموضوع: راح خلاص زمن اللعيبة -- وبقينا في زمن الدويسة

المشاركة الأصلية كتبت بواسطة Mohab.Nabil

المشكلة فى الغرز دلوقتى اكتر من حاجة

العربيات النقل الكبير ( المقطورة ) اللى بقت مالية الطرق السريعة و السواقين بتوعها بيسوقوا بمنتهى الرعونة و عدم الاحساس بالمسئولية و طبعا اى حادثة او خبطة مهما كانت بسيطة مع العربيات ديه بيبقى ضررها كبير جدا + ان التحكم فيها صعب و صعب جدا انك تخطفها او تعدى منها لو حصلت لخبطة بسبب حجمها الكبير و عدم قدرة السائق بتاعها على التحكم فيها بشكل كامل زى العربيات الملاكى الصغيرة

الطرق اللى كلها بقت عاملة زى موج البحر و مكسرة و مليانة حفر و نقر بطريقة غريبة و مطبات على الطرق السريعة تيجى تاخد الغرزة الضيقة تلاقى نقرة او تمويجة و طبعا دا ممكن يسبب مشاكل كبيرة اوى لأن التحكم فى العربية بيقل جدا و موضوع التمويج ده بقى على معظم الطرق حتى السريعة .. اللى شاف طريق الفيوم و الدائرى بعد منزل التجمع هيفهم انا بتكلم فى ايه

السواقين سواء الكبار فى السن او الصغيرين اللى لا يصلحوا ابدا انهم يسوقوا فى طرق سواء بسبب استهتار او عدم تكمن من العربية .. تلاقى انت ماشى فى حالك و ناس عمالة ترمى عليك من اليمين و الشمال .. و ممكن ببساطة و انت بتاخد غرزة يقفلها عليك او يزنقك و يضيعك

فبعد كل الاسباب ديه بقى المتعة الوحيدة اللى لحد ما امنة انك تشد بالعربية و تحس بالسرعة و كده و طبعا هى مش امان 100% بس اهو حل وسط الواحد بيفجر طاقته فيه

و رغم كده انا اعرف ناس ماشاء الله مقضينها غرز على طول و ماشاء الله سواقتهم جامدة و سنهم تحت الـ 25 برضه

علي فكرة انا معظم الناس هنا فهمت موضوعي غلط

المشاركة الأصلية كتبت بواسطة tutankhamoun

أنا بقرأ الموضوع و مش مصدق بصراحة .

الغرز دي في أي دولة محترمة ............ سجن و حرمان من السواقة و غرامات .

أنا آسف لو حد من الأخوة الغريزة و الشديدة مش عاجبه كلامه
بس نفسي أشوف مصر بلد محترمة ....... و السواقين بيحترموا الطريق و القانون ........ مش مقضيينا نيد فور سبيد على طرق عامة .

استاذ توت عنخ امون
رغم ان كلام حضرتك يحمل في طياته اتهام مباشر لي ولكل جيلي بالتخلف العقلي والأستهتار
الا اني احترم حضرتك واحييك لأن كل المواضيع الي اتذكر فيها الشد والغرز واللعب كان ردك ثابت لا يتغير وحيادي

ليه الناس فهمت الموضوع غلط؟؟؟
لأني لما بتكلم عن الغرز وسواقة جيل السبعينيات والثمانينيات انا بتكلم عن جيل عرف يعمل من الفسيخ شربات
من عربيات مش باور ومانيوال و 4 غيار وتعبانة ومقرفة - عرف يعمل بيها غرز
مش معني اني بغرز يبقي لازم اقل سرعة تكون 130 وانت طالع
بالعكس
امتع الغرز واحرف الغرز علي 60 وانت نازل
امتع الغرز - وهو الطريق واقف مش بيتحرك وانت الوحيد الي ماشي سالك مع نفسك في اقصي اليمين
امتع الغرز لما الطريق يبقي مقفول وانت تعرف تطلع لنفسك مسالك تمشي فيها
وهي دي الميزة التي لا يتمتع بها جيل التسعينات
ماحدش يقولي عشان انت راكب ابيزا وصغيرة وبتاع - لا بفضل الله كنا بلعب احلي لعب بمرسيدس 230 - لادا - فيكترا - ليجانزا

المشاركة الأصلية كتبت بواسطة tutankhamoun

أدي اللعيبة الحقيقيين ( اللي بيحترم غيره على الطريق و مش ماشي يغرز أدام ده و يسرق حق ده في الطريق و بيحترم قانون بلده)

وادي لعيبة الثمانينات وصاحب موضوع راح خلاص زمن اللعيبة
http://www.nilemotors.net/Nile/23618...post3873695189

المشاركة الأصلية كتبت بواسطة ahmedeihab

اقدر اقولك ان موضوعك ممتاز مع العلم انا من الجيل الجديد 23 سنه

فعلا فيه ناس كتير اوى اوى بطه بلدى فى الزحمه و فى السريع تلاقيه دايس و ملوش فيه لا عرز ولا بتنجان و ده ال ايه انه بيحافظ على نفسه

ميعرفش ان جرى شارع الهرم ممكن يوصل ل 120 و 130 عرز بس طبعا انت هرماوى و عارف ان الكلام ده

بليل على 12 مثلا بتبقى الدنيا رايقه شويه اه زحمه بس ماشى و مش واقف

بس فى ناس من الجيل ده يا باشا انت ممكن تتفرج عليهم و تقولهم برافو

تحياتى ليك و لموضوعك المميز

^_^

ههههههههه
تحياتي من شارع الهرم من قلب الأحداث
فعلا شارع الهرم شهد اكبر واطول بولة شد
وخرج عمالقة في الشد
والله كانوا معدودين شديدة شارع الهرم وعربياتهم معروفة
النهاردة اختلط الحابل بالنابل

تحياتي لجيل التسعينات
وربنا يارب يبارك فيكم

المشاركة الأصلية كتبت بواسطة tutankhamoun

شارع الهرم على 120 و 130 ؟؟؟؟؟؟؟؟؟؟؟؟؟؟؟
و كمان غرز ؟؟؟؟؟؟؟؟؟؟؟؟
و طيب الناس المسكينة اللي بتعدي الطريق اللي الناس المفروض سرعتها لا تزيد عن 60 كم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

إن الله لا يغير ما بقوم حتى يغيروا ما بأنفسهم .

و هاتفضل مصر هي مصر بناسها و أرضها ........... و هانفضل مصنفين كدا على طول

دول العالم الثالث .

ودة رد واحد من العالم االثالث
http://www.nilemotors.net/Nile/23494...post3873680644

المشاركة الأصلية كتبت بواسطة ahmedeihab

لو شفت ما بعد الكلام هتلاقينى كاتب الساعه 12 بليل و الوقت ده عندنا فى الشارع

عربيات بس بتبقى موجوده

و البنى ادمين بيبقى موجودين فى مناطق معينه

متقلقش الواحد بيعمل حساب اللى بيمشى على رجليه قبل ما بيركب عربيته

يا باشا اللى بيكلمك ده اكتر واحد بيقف يعدى الناس

^_^

ماعرفش ليه استاذ توت عنخ امون بيتكلم وكأننا معدومين العقل ولو شوفت حد بيعدي هموته