رغم اني من الجيل الجديد الي بتقول عليه ده بالظبط (ايوه من الي لما يحب يعمل فيها جامد يدوس بنزين ههههههههههه)
بس كلام زي الفل بأسلوب رائع
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
تحياتي لأعضاء نايل موتورز - أخواني واخواتي وكل عام وانتم بخير
لو حد يفتكر معايا منتصف و اواخر التسعينيات واوائل الألفينات كان معظم السيارات الموجودة في السوق والمنتشرة بين الشباب هي الفيات بمختلف فئاتها واللادا والبيجو وقليل من التويوتا والنيسان للقادمين من الخليج والسعودية
كان ساعتها السواقة سواقة وكان معظم جيلي (اواخر السبعينيات واوائل الثمانينات) متعلمين السواقة من صغرهم - انا شخصياً اول عربية سوقتها في حياتي كان عندي 10 سنين وكنت مغرم بالعربيات - حتي كان ساعتها في عربيات لعبة حديد صغيرة لا تتخطي حجم الولاعة ومنها الي بابه بينفع يتفتح كانت عندنا كلنا
المهم،
كنا لما بنسوق كنا بنسوق بجد ولما كنا بنطلع علي الطريق كنا بجد عفاريت وعلي رأي المثل الشعبي "الشاطرة تغزل برجل حمار" اعزكم الله
افتكر مرة صديق لي خد غرزة ب27 شرخ فانوس الأشارة من غير مايكسره
وصديق أخر كان ب لادا بيطلع من اتخن عربية غرز مش مواتير ومن اقصي اليمين لآقصي اليسار
وانا مرة بالعربية ال28 خدت غرزة لقيت الموستريك بتاع الرفرق الأمامي اتبري ولف علي بعضه من ضيق الغرزة
ولا صاحبي التاني الي كان بال504 بيقطع شارع الهرم كله
وكان الطبيعي بتاعنا انك بعربية سي سي صغير تقطع عربية سي سي اكبر لأن طبيعة الشد كانت غرز مش مواتير وساعتها ماكنش في لا دائري ولا غيره
وكان اشهر شوارع للشد وعلمنا علي الأسفلت بتاعها طبعا شارع الهرم وجامعة الدول وكوبري اكتوبر وصلاح سالم والأوتوستراد
وكان الشد ساعتها محترم ومش اخلاقنا انك تقفل عليا في غرزة او تلبسني في عربية
تعال بقي نشوف النهاردة في 2012 تحديدا في منتصف العقد الأول من القرن الحادي والعشرين يعني في الفترة بين 2005 - 2010 انتشرت جدا الكوري والياباني بين الشباب ومتعة الشد تحولت الي حرق علي المواتير من غير حرفنة او فن وبقي مفهوم اني قطعتك اني اطلع منك لما الطريق يفتح وماتشوفنيش تاني
ودوول بيبانوا اوي لما الطريق يبقي زحمة - تلاقيه ضارب لخمة ومش عارف يتصرف او يطلع من العربية الي قدامه - لكن اول لما الطريق يفتح تلاقيه داس بنزين وطار - طب كانت فين شطارتك دي وهو الطريق قافل ؟؟؟
اقرب حاجة
كنت اول امبارح نازل شغلي الصبح والدماغ رايق
وقابلت واحد رغم حداثة سنه الا انه يتسم بالطابع القديم
بداية الحكاية اني كنت علي المريوطية وطالع دائري المنيب - قابلت شاب معاه e30 وشكمان وجنوط قولت اما انكشه خدت قدامه غرزة في اتنين بالأشارات وهديت تاني عشان اشوفه هيعمل ايه
لقيته حرق حرقتين وخدت غرزة تعبانة وجري قدامي
طلعنا الدائري سوا - جرينا شوية مع بعض وغرزة في التانية وصلنا لحد قبل نزلة المنيب - الطريق في الحتة دي ساعة الصبحية بيبقي قافل - ولو انت قارئ جيد للطريق هتعرف انه سالك ومفتوح من اقصي اليمين لحد نزلة المنيب وبعدها بيفتح من المنتصف فوق النيل وبيقفل قبل نزلة المعادي وبيفتح من اقصي اليمين تاني بعد نزلة الراجع من المعادي -
وحدث مالم اتوقعه - لقيته هنج والطريق قفل عليه واتزنق في منتصف الطريق الدائري
بس وانا في اقصي اليمين لمحت بطرف المراية أسد فرنساوي مفترس 405 - مفيم العربية وفاتح جزء بسيط يدخله بصيص من الضوء ونسمة هواء صيفي
وفي ديلي غرزة غرزة ونتشاية نتشاية - ببص عليه لقيته شاب صغير وبيتكلم في الموبايل بس لعيب
فكرني بأيام اللعب النظيف
لأنه فتحلي الغرزة كذا مرة لما طلع مني وبيلعب بحرفنة وحرفية شديدة
فضلنا نلعب سوا من اول المنيب لحد نزلة الأوتوستراد - بس الطريق فتح وهو طار وانا للأسف مش بحب اجري فوق ال100 فعشان كدة ماستمتعتش معاه باللعب لحد نزلة القطامية
الغرض من الحكاية اني عايز اقول ان جيل ال2000 مش بيعرف يلعب - هو بيعرف يدوس بنزين والعربية تطير بيه لكن يلعب معاك - للأسف مالوش فيها ولو لعب معاك يعورك
تلاقيه بطة في الزحمة واول لما الطريق يفتح يقلب حمامة ويطير
والكلام دة تلاحظه علي طريق اكتوبر وانت رايح
هتشوف شباب الجامعة الصبح وهما رايحين - عند الهضبة وطريق الفيوم مش عارفين يمشوا - ولحد بنزينة وطنية عند دريم مشيهم يشل ومش عارفين يقروا الطريق لكن الطريق يفتح بعد دريم تلاقيهم طاروا
انا افتكر زمان لما كنت تحب تعبر عن نفسك وتقول للي قدامك انك طاير وبتشد - انك كنت تفتح نورك العالي في عز الظهر
ودة كان ليه دلالة انك بتشد ومعندكش وقت تضيعه
عذراً للأطالة - بس الموضوع لافت انتباهي من فترة طويلة وكنت عايز ابوح بما يدور في خاطري
انتهي زمن اللعيبة - وبدأ زمن الدويسة
انتهي زمن اللعيبة لأن بقي اصغر لعيب النهاردة عنده 32 سنة وعنده التزمات واتقرص مرة واتنين اشي رادار علي كدمة علي بوسة في الرفرف علي علي
بس حاسب منه اذا قابلته - لأن ان دبلت الوردة ريحتها فيها
وابتدي زمن الدويسة - زمن الشباب الصغير الي اكبر واحد فيهم لا يتعدي 25 سنة - الجيل الي طلع لقي العربية بتمشي لوحدها وماجربش عربية 4 غيارات كربراتير 1100 سي سي بتجيب ال100 في زمن 90.5 ثانية
تحياتي للجميع
والموضوع مجرد فضفضة وياريت محدش يزعل من كلامي
والله المستعان
،
،
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 115735
تاريخ التسجيل : 19Oct2011
المشاركات : 313
النوع : ذكر
الاقامة : القاهرة
السيارة: لا يوجد
السيارة[2]: كيا سول توب لاين
دراجة بخارية: -
الحالة :
رغم اني من الجيل الجديد الي بتقول عليه ده بالظبط (ايوه من الي لما يحب يعمل فيها جامد يدوس بنزين ههههههههههه)
بس كلام زي الفل بأسلوب رائع
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
والله يا باشا العربيات القديمة دي كان ليها ركوبة مختلفة
حتي الماتور القليل كان بيجري وجميل ..
رقم العضوية : 35845
تاريخ التسجيل : 18Mar2009
المشاركات : 713
النوع : ذكر
الاقامة : Egypt
السيارة: None
السيارة[2]: Volkswagen Pointer
دراجة بخارية: None
الحالة :
اللي ماشي بعربية تمنها فوق 120 الف مش هيعمل بها غرز واخره يشد على الموتور بس
في شباب مفتري تلاقي والده جايب له العربية ويبهدلها بهدلة عشان يتعلم الغرز دي
مرة يدخل في رصيف مره يسلم على جنب عربية لحد ما يتعلم ويبقى استاذ غرز
اعرف واحد صاحبي شباب برضه زي ما بتقول بس استاذ غرز على صلاح سالم وطريق مصر الاسماعيلية
عربيته والده جيبهاله ومتبهدلة وطالع عينها وكل شهر لازم يغيرلها عفشة
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
غض النظر عن الموضوع الجامد
يتهيالى اللى كان معاه 323 تمانينات زمان كان ملك
===========
- حتي كان ساعتها في عربيات لعبة حديد صغيرة لا تتخطي حجم الولاعة ومنها الي بابه بينفع يتفتح كانت عندنا كلنا
انت برنس فى الحته دى فكرتنى بالشويه اللى عندنا نماذج تحفه بجد
===========
شكرا مره تانيه على الاسلوب التمام
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
على الأصل دووور ....... موضوعك حلو يا كبيييييير نغشش فى النافوخ
رقم العضوية : 51638
تاريخ التسجيل : 31Oct2009
المشاركات : 1,153
النوع : ذكر
الاقامة : cairo
السيارة: Lanos
السيارة[2]: New Accent
دراجة بخارية: no
الحالة :
اسلوبك فى الكتابه رائع و ممتع
انا عربيتى محدش جايبهالى و ماليش فى الشد و الغرز
رقم العضوية : 55224
تاريخ التسجيل : 08Dec2009
المشاركات : 87
النوع : ذكر
الاقامة : Cairo - Shobra
السيارة: No
السيارة[2]: VW Bora
الحالة :
كلامك مظبوط
رقم العضوية : 46255
تاريخ التسجيل : 05Sep2009
المشاركات : 1,046
النوع : ذكر
الاقامة : Cairo
السيارة: Lancer 98 Man. 1300
السيارة[2]: Nissan Sunny 2011 SuperSalon
دراجة بخارية: N/A
الحالة :
100 100 فكرتني بالذي مضي
رقم العضوية : 13812
تاريخ التسجيل : 28Jun2008
المشاركات : 2,513
النوع : ذكر
الاقامة : Nasr City
السيارة: .
السيارة[2]: ,
الحالة :
المشكلة فى الغرز دلوقتى اكتر من حاجة
العربيات النقل الكبير ( المقطورة ) اللى بقت مالية الطرق السريعة و السواقين بتوعها بيسوقوا بمنتهى الرعونة و عدم الاحساس بالمسئولية و طبعا اى حادثة او خبطة مهما كانت بسيطة مع العربيات ديه بيبقى ضررها كبير جدا + ان التحكم فيها صعب و صعب جدا انك تخطفها او تعدى منها لو حصلت لخبطة بسبب حجمها الكبير و عدم قدرة السائق بتاعها على التحكم فيها بشكل كامل زى العربيات الملاكى الصغيرة
الطرق اللى كلها بقت عاملة زى موج البحر و مكسرة و مليانة حفر و نقر بطريقة غريبة و مطبات على الطرق السريعة تيجى تاخد الغرزة الضيقة تلاقى نقرة او تمويجة و طبعا دا ممكن يسبب مشاكل كبيرة اوى لأن التحكم فى العربية بيقل جدا و موضوع التمويج ده بقى على معظم الطرق حتى السريعة .. اللى شاف طريق الفيوم و الدائرى بعد منزل التجمع هيفهم انا بتكلم فى ايه
السواقين سواء الكبار فى السن او الصغيرين اللى لا يصلحوا ابدا انهم يسوقوا فى طرق سواء بسبب استهتار او عدم تكمن من العربية .. تلاقى انت ماشى فى حالك و ناس عمالة ترمى عليك من اليمين و الشمال .. و ممكن ببساطة و انت بتاخد غرزة يقفلها عليك او يزنقك و يضيعك
فبعد كل الاسباب ديه بقى المتعة الوحيدة اللى لحد ما امنة انك تشد بالعربية و تحس بالسرعة و كده و طبعا هى مش امان 100% بس اهو حل وسط الواحد بيفجر طاقته فيه
و رغم كده انا اعرف ناس ماشاء الله مقضينها غرز على طول و ماشاء الله سواقتهم جامدة و سنهم تحت الـ 25 برضه
Livin' life in the fast lane
Movin' at the speed of life and I can't slow down
Only got a gallon in the gas tank
But I'm almost at the finish line, so I can't stop now
Vive La France
المفضلات