ســـــــــــــــــــؤال ..................................... !!!؟

**ztx** · 30-07-2012 12:28 AM

عندنا ما بهتموش اوي بقصة حالل ومش حالل المهم بس فين تصلحت ومين الميكانيكي الي جمعها

قصة حالل ومش حالل دي بس لخسف سعر المكنة وتخفيضه .

بالعكس عندنا يرغبون موديلات الcbr400-cbr250 الحالة ومغيرة خصوصا بساتم لانها بتبقي اشد بالسحب من الي مش حالل
اهم حاجه بس تجميع المكنة عند الميكانيكي يكون واحد فاهم ..

**Shady_mas2000** · 30-07-2012 02:03 AM

انا اسمع ان الموتور لو حالل فى التسعميات والمكن الكبير مش مشكله
والمكانيكيه بيعرفو يشتغلو فيها انما فى الربعميات وما هو اقل الموضوع
بيبقى صعب انك ترجع المكنه كما كانت بحالة المصنع..

**ahmednabeeh** · 31-07-2012 03:24 AM

ياجماعه والله انا قريت الموضوع كله كلمه كلمه .. علشان الموضوع دا شاددنى اصلا من زمان
وزى اى واحد معاه بايك وطلعان عينه علشان لما تكون حابب تروح عند ميكانيكى علشان تعمل حاجة وتبص على شغله بتلاقى نفسك بدأت ترجع برجلك ورى وتقول ايه الفلح الى هو شغال بيه دا... وتسعين فالميه من شغلهم عافيه .... هما اتعلمو ازاى مش فينا فضلت الناس تروحلهم وهما يتعلمو فينا واحنا نكعععععع فلوس
لحد مقولت انا مش رايح لميكانيكيه تانى غير لما اكون عارف اد دا ميكانيكى بيشتغل بعقله قبل دراعه
والله انا حاسس ان الموضوع دا خاااااااااانقنى موت .. حتى تروح عند الميكانيكى تحس ان المتوسكل الى انت رايحله بيه دا الى هو بتاعك .. ان المتوسكل دا بتاعه وهو بيتنك عليك علشان عنده متوسكل وانت لاء... انا مش فاهم مين شغال عند مين... سورى
بجد محتاجين فصمر عقليات هى الى تشتغل.. ناس بتتعلم من الكتب والتجارب الى قبل كدا
وانا مقتنع مليون فالميه ان الماتور لما يتحل بيرجع زى الاول... بالعكس بيرجع احسن
ياجدعان ازاى العربيه لما بتعمل عمره بترجع احسن من الاول ميت مره...... زى تقفيل المصنع بجد. وعلى ايدى الموضوع دا بدل المره الف
ومش فالعربيات بس والجرارات والمتوسكلات......
احنا هنا فمصر بنشوف الى قبلنا قال ايه ... من الاخر بنقول زيه
اسف انى طولت عليكو بس حاسس انى متغاظ اوى
وعلى فكره انا مبوديش المتوسكل بتاعى عند ميكانيكى بعمل كل حاجة فيه بأيدى ومعاى الكتالوج
بس ناوى ان شاء الله اروح لميكانيكى.. بس الاقى واحد عدل
سلامو عليكو

**tito29** · 31-07-2012 01:20 PM

عارفين ليه الموتوسيكل الحالل بيبقي تعبان موت عن الفابريقة؟

أي عمرة بتعتمد علي 3 حاجات :
الميكانيكي
قطع الغيار
الخراط

طبعا الميكانيكية في مصر حاجة تقرف سواء من ناحية الجهل أو النصب و السرقة
قطع الغيار مضروبة و غير أصلية
و الخراط حتي لو شاطر بيرفض أي تعديل علي شغله يعني مثلا نسب خلوص الكرنك في السيارات بتكون أكبر من البايك و البيه الخراط حتي لو أديته المعلومة دي و أديته الخلوص الصح بيرفض أنه يعيد ضبط الماكينات أللي عنده علشان كل 100 موتور عنده واحد فقط بيكون موتور بايك

و برضه المشكلة الكبري أن مواتير البايك معظمها لفات سريعة جدا جدا و البلوك بتاع الموتور ألامونيوم و من شدة الحرارة ساعات يحدث ألتواء في البلوك

الورك شوب مانيوال يحتوي علي كل المعلومات التي تحتاجها و بكل القياسات و حدود الخرط المسموح به من المصنع و القراءة دائما مفيدة
لذا نصيحتي للجميع أشتري شوية عدة و أستعمل الورك شوب مانيوال الخاص بالبايك بتاعك و أعمل الصيانة في وقتها و أنت مش حاتحتاج تفك الموتور أبدا بأذن ألله و نصيحة تانية أبعد عن الميكانيكية بقدر الأمكان و أوعي عينك تتشال من علي البايك و أنت واقف عنده لو كان لازم تروحه أصلا

الموضوع: ســـــــــــــــــــؤال ..................................... !!!؟

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة