ما شاء الله
شكله جميل ..
عرض للطباعة
ما شاء الله
شكله جميل ..
الموقع سريع جدا وبيحمل فى ثوانى مافيش مشكلة منة
وموقع جميل بس مشكلتة المعلومات محدودة عن السيارات مافيش عرض كويس للسيارات الصور مش hd , الصور لما بتبقى hd بتخرج السيارة بصورة رائعة
فين الاكورد شيلتوها لية
ونشوف دول الاول وبعد كدة نكمل بس هو اكيد احلى بكتير من الاول
اكورد مين يا باشا إحنا فى مصر وبعدين الموقع ينقصه اللغة العربية وحضرتك عايز الصور بالإتش دى عشان تبين العربية محاكاة للطبيعة أكتر ولا عشان تظهرها بشكل أجمل من شكلها ع الطبيعة ؟ خصوصا إن السيفيك الجديدة شكلها تعبان قوى
لو حضرتك متابع موقع هوندا القديم هتلاقى الاكورد كانت موجودة , وبعدين الاكورد بتنزل تبع الوكيل بس بالطلب
والصور تبقى ب hd عشان تبقى زى الواقع , الصور مش هتجملها يعنى
ومعلش الهوندا مش وحشة اوى كدة هية نقطة الاختلاف فى الخلف فقط و واعتقد سيارات كتير فيها القصور دة من الخلف مش هية بس
وان شاء الله كل دة هيتغير
انت لما بتقارن بين اى عربية وعربية لازم يكون ليها الارقام المعلنة بتاعتها اللى بتميزها عن الاخرين زى :
1- Acceleration
2- brake distance
3- top speed
4- avaliable option
فية بقى حاجة كمان دلوقتى نزل تعديل من السيفيك فى الفوانيس الامامية والاكصدام الامامى والخلفى والكيت الجانبى, وفية اوبشن كتير نزل زيادة ياترى هينزل التوكيل امتى , لانة فعلا حسن شكلها كتيييييييييير من الامام
يا سمسم باشا السيفيك الجديدة سحبة الشنطة ورا مدياها شكل غريب ومصغر حجمها وبالفعل أنا لما شفتها لأول مرة كانت راكنة افتكرتها سيتى وصاحبها والله نزل دورها قدامى وفتح المرايا بإيده والعربية إجمالا بايخة القديمة كانت أجمل بكتير والله وكمان بتبدأ من 176 ألف يعنى بصراحة أكبر صفقة خاسرة ومكنتش أتخيل إن هوندا تنزل السيفيك بغباء التصميم دا والوكيل يزود الطين بلة ويولع سعرها ولسة حضرتك بتقولى يتغير بعد ما الناس اتصدمت هو دايما معرفش ليه الذوق اليابانى زفت فى العربيات