-
مساعده فى شراء سيارة
السلام عليكم
انا لسه جديد فى المنتدى . بس بصراحه منتدى رائع و اجمل مافيه انى بحس ان الناس الى فيه اغلبهم مش تجار . علشان انا من يوم مقررت اجيب عربيه زهقت من التجار و من معاملتهم علشان كده عايز اخد رايكم .
الميزانيه الى معايا 50000 الف . و عايز اجيب عربيه كويسه . انا بحب الهاتشباك بس فى نفس الوقت مش عايزها ميكونش صالونها ضيق قوى يعنى .
مثلا انا عجبانى الابيزا 2000 و 2002 بس مش عارف هل الكنبه الى ورا ضيقه ؟؟ ولا الى يقعد فيها يكون مرتاح ؟
بالمناسبه انا معروض عليا ابيزا 2000 لونها اسود 1000cc ومكيفه و عامله 80000 كيلو و رشه جانبين بس و فيها كاسيت CD سونى و سماعات بيونير و زجاج كهربا و سنتر لوك . هى بتاعة دكتور فى الجامعه كان رافعها سنه و عايز يبعها علشان جاب لانسر جديده . هو طالب فيها 49 الف . ايه رايكو فيها ؟؟ و هل السعر ده كويس ؟
و ايه رايكم فى السوق ؟ بصراحه انا مقلق منه .
يا ريت تقولولى رايكم و لو فيه انواع تانيه افضل قلولى و لو حد يعرف حد بيبيع عربيه كويسه يقولى . و ربنا الموفق
-
بالنسبة للابيزا موديل 2000
سعرها يعتبر كويس لأن هوه ده رينج السعر بتاعها
وممكن لو عاجباك تاخدها بنزينة نضيفة يكشفوا عليها ويقوللك على اللي فيها
رينج السعر اللى انت كاتبه يجيبلك كذا حاجة:
جولبيت موديل 200 - 2001
بولو 2001
بونتو 2001 - 2002
وبالنسبة للسوق هوه مش وحش بس ممكن تاخد معاك حد بيفهم في العربيات عشان لو حاجة عجبتك يكشف عليها وشوفها كويسة ولا لأ
وعموما انا في الخدمة وكده كده نازل ان شاء الله السوق يوم الجمعة عشان معايا عربية هبيعها فلو تحب ممكن اقابلك هناك واتفرج معاك ونشوف حاجة حلوة إن شاء الله
وده رقمي : 0126418494
رامي (ابو احمد)
-
سؤال .
هى البونتو تعمل خمسين الف..... ولو كده فعلا مش احسن بيكانتو كسر زيرو؟؟؟؟
ولااية
-
تسلم يا رامى على ذوقك . هى فعلا العربيه شكلها نضيف قوى . بس كنت حاسس ان سعرها عالى شويه .
عموما فى ميكانيكى اعرفه كويس قوى و امين بنتعامل معاه من فتره كبيره هاخده يبص عليها بكره باذن الله .لو مكنش هنزل السوق بقى و ربنا يسهل
بس انا ليا استفسار . الكنبه الى ورا فى الابيزا ضيقه ولا كويسه يعنى ينفع 3 افراد يقعدو مرتاحين فيها ولا لا ؟
-
نا ركبت الابيزا دي كذا مرة و هيا تعتبر قعدتها كويسة من ورة بس طبعا انسى الشنطة طبعا عشان هيا هاتشباك
واي استفسار انا في الخدمة
رامي (ابو احمد)
Content Relevant URLs by
vBSEO 3.6.0 PL2