والله يا جماعة انا محتار جدا بين الbyd واللوجان انا حشترى الشهر الجاى ومش عارف اعمل ايه
عرض للطباعة
والله يا جماعة انا محتار جدا بين الbyd واللوجان انا حشترى الشهر الجاى ومش عارف اعمل ايه
بص انا عن نفسى بدون خبرة ولا اقدر ان اكون عادلاً فى المقارنة لكنى سأختار اللوجان
رينو اسم كبير عربية ثباتها معقول صاجها كويس لا ننكر بعض العيوب البسيطة بس مش هختار صينى
لوجان
ولا اقلل من البي واي دي في شئ ..
لوجان
اذا كنت تريد سيارة ترمز الى التاريخ المجيد وتحمل عبق الماضى السحيق التليد فليس امامك الا لوجان صديقى
هههههههههههههههههههههه
لا و كمان بتطييييييييييير
‫اعلان رينو لوجان اللى بتطير‬‎ - YouTube
و بتمشي عالحيط
‫اعلان رينو لوجان اللى بتمشى على الحيط‬‎ - YouTube
و كمان بتعوووووم
‫اعلان رينو لوجان اللى بتعوم‬‎ - YouTube
اظن بعد الاعلانات دى مالكش حجة فى انك تختار لوجان
اتصل بالرقم المجانى واطلبها هوم دليفرى مع البطاطس والكاتشب
:breakpc2::hitwall3:
عندك حق تحتار العربيتين من العربيات الكويسة واللى تتحمل الطرق بتاعتنا فى هذه الفئة
وسيبك من اللى بيقول ال بى واى دى صينى واللوجان بطاطس و الكلام دة غير عملى وغير واقعى
انت اتفرج على العربيتين كويس بس حط نقطتين امامك تختار بينهم
ال بى واى دى التوكيل بتاعها سيئ لكن قطع غيارها رخيصة
اللوجان توكيلها جيد جدا لكن قطع غيارها غالية شوية
وربنا يرشدك للاختيار الافضل وكل سنة وانت طيب
ياريت يا جماعة اللى عاوز يرد بلاش تريقة لو سمحتم
عربية صيني تجميع مصري وكل ما حاجة تبوظ فيها تركب مكانها قطع غيار تويوتا كرولا يعني بعد 15 سنة ممكن يبقى معاك تويوتا كرولا دة بقى من وجهة نظري ميزة ال ب واي دي
مش تريقة و الله مجرد هزار و انا بحترم اللوجان جدا جدا و بحترم صاحب الموضوع انه قرر يختار بين احسن عربيتين في الفئة السعرية دي و انه مفكرش في الفيرنا و اللانوس
و انا رايي بي واي دي و عن تجربة .....تاكسي و 42 الف كيلو بدون مشاكل حقيقية مع العربية اطلاقا
لوجاااااااااااان
تقبل تحياتى
اعتقد كل العوامل من ناحيه الانتشار و الاسم و التوكيل و الاعتماديه و حتي لو حبيت تبيع بعد فتره بتصب في مصلحه اللوجان
الاسلوب العملى انك تاجر كل من السيارتين كل واحدة يومين وتسوقها بنفسك وتشوف هترتاح فيها وهتلبى احتياجاتك ولا لأ بعيدا عن تحيز كل واحد للسيارة التى يمتلكها
انما لو عايز نصيحة لوجه الله لو اشتريت لوجان واحنا دلوقت فى نهاية 2012 هتبقى رجعت 15 سنة للخلف من ناحية التصميم والتكنولوجيا فضلا عن ارتفاع اسعار الصيانة وقطع الغيار
تقبل تحياتى بدون تريقة
ال بى واى دى فيها ميزة عن اللوجان انك حتدفع حتستلم فورى
لكن اللوجان فيها عيب انك حتحجز وتستلم بعد 3 شهور
الاعلانات ظريفة جدا و انا اول مرة اشوفها - و رأيى ان برضو اللوجان تكسب بمراحل استنادا على تاريخها كشركة محترمة و توكيل محترم بأعتراف كل الناس و اعتمادية و اتزان و عوامل امان و سعر محترم - يبقى ناقصك اية علشان تاخد قرارك؟
مالكش حجة - توكل على اللة.
ممكن تعطينا فكرة عن عوامل الامان المتوفرة فى اللوجان علشان ناخد بالنا؟
لادى ولا دى فيرنا او لانوس-خليك راجل اقتصادى-
عوامل امان ايه الي في اللوجان ؟؟؟؟
صباح الفل !!
فيها abs ؟؟
فيها air bags ؟؟؟
يا ريت الي يتكلم يتكلم عن علم و دراية بالي بيتكلم فيه
لوجــــــــــــــان، بس يفضل إما المانيوال أعلى فئة الكاملة وسعرها تقريبا 72 ألف ج.م
أو الأوتوماتيك منها وموتورها 16 صباب 110 حصان جميع الكماليات وغالبا 82 ألف ج.م أو في الحدود دي
لو بتقارن مانيوال بمانيوال هات byd
لو هاتجيب اوتوماتيك يبقى لوجان احسن
انا في نفس حيرتك بالضبط وكنت لسه هعمل نفس موضوعك
اللوجان توكيل محترم جدا وضمان محترم ..بس تكنولوجيا قديمه وفيها حاجات تغيظيني بصراحه زي ازرار الازاز الكهرباء ..والماتور ال 8صباب
وال byd توكيل سئ جدا وهو بتاع اللادا ..والعربيه منتشره تاكسيات وعفشتها والصالون مشتركه مع الكورولا وماتورها بتاع اللانسر ..وفئه اعلى من اللوجان ....بس عربيه صيني تجميع مصري
حقيقي مش عارف اختار ايه وخايف من اي اختيار
من وجة نظر اقتصادية
خليك فى اللانوس ( عربية فيها كل حاجة بتوسط )
ثبات , وسع ,سعر اعادة بيع ,اقتصادية و اعطالها محفوظة جدا
اللانوس معدتش الصراحة زى الدايو فعلا اانا كنت هموت عليها لانى بعشقها بس مش عايزين يجددوا من نفسهم خالص و بيقلوا كمان و الخامات فى الضياع بجد افضل حل روح حضرتك اركبهم فى المعرض و قارن الخامات و الاحتياجات
ابعد عن الصينى ... ممكن تكون العربية كويسة ... لكن قطع الغيار زبااااااااااالة ومش معمرة خالص
يعنى تجيب العربية تاخد خيرها وتستعوض ربنا فيها بعد كده
نصيحة ضحى بالشكل وخليك فى اللوجان اوروبى وقطع غيارها معمرة جدا "حتى لو غالية شوية" وبتسحمل الطرق المصرية